2023-05-01 16:54:16
Ўринли масала кўтарилибди.
Дарҳақиқат, спорт ҳеч қачон давлатни ривожлантира олмайди. Спортга эътибор бўлгани яхши, лекин бу аҳоли саломатлиги даражасига бўлгани мақул. Чунки минглаган спортчи дунёда яққол пешқадам бўлса ҳам, давлатнинг ривожланишини таъминламайди. Агар шунақа бўлганида эди, Бразилия дунёда энг ривожланган бўлар эди.
Агар бизга тараққиёт керак бўлса, бугунги кунда спортга берилаётган эътиборни камайтириб, бор эътиборни таълимга қаратишимиз керак.
Бирор спортчи халқаро мусобақада ғолибликни қўлга киритса, унга бериладиган совғаларнинг адоғи бўлмайди. Лекин фан олимпиадаларида ғолиб бўлганларни одамлар билмаяпти ҳам.
Тўғри, сиз спортчилар давлат байроғини кўкка кўтаради, деган ҳавойи хаёлда бўлишингиз мумкин. Бироқ, соғлом ақл билан мулоҳаза қилинг: бир дақиқа байроқ тепада турса, нима ўзгаради!? Чекка қишлоқда свет-газсизликдан қийналаётган одамларнинг муаммоси ҳал бўлиб қоладими!? Ёки одамларнинг турмуши фаровонлашиб қоладими!?
Шахсан мен спортчиларга қаратилаётган бу қадар эътибордан норозиман.
Давлатнинг энг катта эътибори аввал таълимга, сўнгра мудофаага қаратилган бўлиши керак. Спортга эса орқа қаторлар ҳам бўлаверади!
4 viewsedited 13:54