2022-09-02 18:42:01
#offtop
Ba'zida hamma narsangiz, hamma imkoniyatingiz yetarli bo'lsa-da, kurasha olaman, yengaman, qo'lim yetadi degan joyingizda ham ojiz qolasiz.
Bilimingiz bor, ammo kuchingiz yetmaydi.
Imkoningiz bor, ammo yordam berolmaysiz.
Muammolaringiz bor, ammo yig'lolmaysiz.
Ichingiz og'riyabdi, ammo to'kilolmaysiz.
Ojizsiz shu joyida.
Yashirasiz. Boshqalar kulmasin. Ko'rmasin deysiz.
Ha, nima, ojizlikni yashirish yaxshi-ku, to'g'rimi?
Hammaga kuchli, yig'lamaydigan, muammolarini o'zi hech kimning yordamisiz hal qila oladigan bo'lib ko'rinish yaxshi.
Hammasi yaxshi-yu, ammo.. bilasizmi nima? Bu - charchatadi.
Oxirgi marta ojiz qolgan vaziyatingizni eslang. Qanchalik qalbingiz og'riganini, hech narsa qilolmay qolganingizni.
Tan oling. Eng avval O'zingiz tan oling o'sha ojizlikni. Birovlar qo'l bilan ko'rsatib, kulgunigacha O'zingiz kuling.
Ichingizdagi komplekslarni tan ololmay yuraverish - yemiradi. Hech yo'qsa yozing, boshqasi qo'lingizdan kelmasa.
Ichingizda judayam go'zal, mukammal olamingiz bor. Hammaga baxt, sevgi ulashishni istaysiz, yaxshilik ilingingiz keladi. Ammo nega uni boshqalarga ko'rsatmaysiz? Ko'rintirolmaysiz? Ojizsiz shu joyida...
Ha, men ham ojizman.
O'sha 'kuchliman' deb kulib turgan paytlarimda ham. Faqat tan olmayman buni. Ololmayman, aniqrog'i. Energiyam bekorga sarflanib ketaversa ham yig'lamay majburan turaveraman gapirib.
Qo'rqaman, insonlardan, vaziyatlardan, bexos yig'lab yuborishdan, janjallardan. Ojiz bo'lib qolishdan(!)
"Mana hozir baqirib beradi, mana hozir jaxl qiladi, mana hozir mensimay ketib qoladi, mana hozir ko'nglim og'riydi, yig'lab yuboraman, ammo turib berishim kerak. Nima qilishni bilmayabman, tavakkal/tanlov qilolmayman, bunaqa desam nima deydi, bunaqa holatda nima qilishim kerak?"
Ich-ichimda shunaqa qo'rqoq, yolg'iz qolishdan qo'rqadigan, tavakkal qilishga ikkilanadigan va judayam yig'logi qizaloq yashaydi. Birgina qattiqroq gapga ham ko'z yoshi qiladigan.
Ammo tashqarida O'zini kuchli ko'rsatadi, yolg'iz qolishni yoqtiradi, xafa qilishsa ham kulib gapiraveradi hammaga, sezdirmaydi, ojiz qolsa kimdandir yordam so'rashga judayam qiynaladi, O'zim hal qilaman deydi, to'lib ketsa kimgadir aytib ojiz, kuchsiz ko'rinishdan qo'rqadi.
Aytganimday, bu o'ta charchatdi. Ammo qanchalik qiyin bo'lsa ham qabul qildim. Eng avval o'zim tan oldim shu ojizlikni. Shularni yozyabman-u, insonlarga ojiz tomonim bilan ham ko'rinishim mumkinligi va bu normal ekanligini o'ylayabman.
Yana ko'p narsa aytmoqchi edim o'zi.
Long read'imni o'qiganingiz va borimcha qabul qilganingiz uchun rahmat
𝐘𝐔𝐑𝐀𝐊𝐒𝐈𝐙𝐋𝐀𝐑
353 views15:42
Y
