Get Mystery Box with random crypto!

Кеч ишдан келиб, шу мақолани ўқиб, тамоғимдан овқат ўтмади. | Bobur Hoshimov — Blog

Кеч ишдан келиб, шу мақолани ўқиб, тамоғимдан овқат ўтмади.

Грант асосида (!) нархозда ўқиб келаётган 21 ёшли талаба бир йил аввал ютюбдан (очиқ манба) олиб, билар билмас, синфдошларига йўллаган бир нашида учун уч йил қамоқ жазоси олибди.

Билар- билмас, деганим, бу нашидани бутун бошли бир диний қўмита ўрганиб, таҳлил қилибгина, унинг асл моҳияти зарарли, деб топибди. Ёш йигит ютюбда қўшиқ эшитиб, унинг бу жиҳатларини тушинмаган бўлиши мумкин ку, ахир. Бу йигит умуман ёмон нияти бўлмаган бўлиши ҳам мумкин…

Айни янги Конституциямизда гумонлар айбланувчи фойдасига талқин қилинади, дейилмаганми?!

Ёшлик айни хатолар, адашишлар палласи. Афтидан аён, одобли, ақлли йигит, наҳотки, бир хатоси учун уни шунчалик оғир жазолаш тўғри бўлса, ёш умрини хазон қилиб, ёруғ дарсхоналарда илм олиб, мутахассис бўлиб, ватанига унумли ҳизмат қилиш ўрнига у заҳ хибсхоналарда кунлар эмас, йиллар ўтказса?!

Аминманки, шу йигит билан яхши тушунтириш ўтказиб, ота-онаси олдида қаттиқ огоҳланитирилса, бир умрига етиб- ортарди, дўстларига хатто “Ну,погади!..” мультфилмини ҳам бошқа юбормайдиган бўлар эди…

Менинг фикримча, бу жазонинг ўзи ўта радикал.
Суд- адлия тизимимиз бу ҳукмни яна бир бор адолат, инсонпарварлик ва гуманизм асноларига асосланиб, қайта кўриб чиқади, деган умиддаман.

NB. Бу йигитга ёки унинг оиласига ҳеч қандай алоқам йўқ. Шу сийратини кўриб, мақолани ўқиб, эзилдим
.

Zafar Khashimov

@MubashshirAhmad