Бугун Италия Б Сериясида А Серияга йўлланма олган иккинчи жамо | BoburAkmalov
Бугун Италия Б Сериясида А Серияга йўлланма олган иккинчи жамоа номи маълум бўлади
Бунгача Б Серияда чемпион бўлиб, элит дивизионга "Парма" йўл олганидан хабарингиз бўлса керак. Бугун сўнгги 38-тур ўйинлари бир вақтда — соат 23:30 да бошланиши белгиланган.
"Нима учун буни ёзяпсан? Б Серия кимга қизиқ?", дейсизми? Италиянинг бу номли кўли оламга машҳур. Кўл ва унинг атрофи ўта гўзал масканлардан бири. Дунё бу шаҳарни футбол клуби билан эмас, кўл туфайли танийди. Аммо "Комо" энди ўзини оммага танитади. Жамоа бу йил яхши ўйнади ва Б Серияда 72 очко билан 2-ўринни эгаллаб турибди.
Бу жамоа бош мураббийи ким деб ўйлайсиз? Сеск Фабрегас! Ҳа, ўша биз билган машҳур Фабрегас! Испаниялик яримҳимоячи ўтган йил ёзда шу ерда футболчилик фаолиятини якунлади ва клубда қолишни ихтиёр этди. У клубнинг ёшлар жамоасини шуғуллантира бошлади. Бироздан кейин эса унга асосий жамоани ишониб топширишди.
"Комо" охирги марта А Серияда 2002/03 йиллар мавсумида ўйнаган. Агар юқори лигага чиқса, суратдаги гўзал макондаги мўъжаз стадионга кўпчилик боргиси келиб қолса керак. Ҳеч бўлмаса Фабрегасни майдон четида кўриш қизиқ. Мен ҳам бу жамоанинг ўйинларини томоша қилган бўлардим.
