2023-03-08 06:01:03
Ayollar... Siz onasiz, opa-singil va suyukli yor. Biz erkaklar aslida dunyoda nimagaki intilsak, harakat qilsak barchasi sizlarning mehringiz, qoʻllab quvvatlashingiz ortidan amalga oshiriladi. Ortida kuchli ayol turmagan birorta buyuk erkak yoʻq.
Maktabda birinchi yo ikkinchi sinfda oʻqir edim, mehnat darsidan hammaga kashta tikishni oʻrgata boshladi oʻqituvchimiz. Biz oʻgʻil bolalar oʻzimizcha “gengsta”lar burnimizni jiyirib, kula boshladik biz oʻrganmimiz, bu “qizbolinskiy” ish deb.
Bir kuni qarasam sinfdoshim Nigora tanaffusda kashtadan juda goʻzal roʻmolcha tikyapti, 8-mart deb yozilgan va gullari ham bor. Ich ichimdan men ham onamga shunday roʻmolcha sovgʻa qilgim kelib ketdi. Maktabda oʻrganib oʻrtoqlarimga kulgu boʻlmay deb Nigoralarni uyida undan oʻrgana boshladim (qoʻshnim edi). Oʻrganib, 8-mart kelguncha kechasi bilan tikib, matoning chetlarini soʻtib, chiroyli holatga keltirdim.
Onajonimga shu roʻmolchani sovgʻa qilganimda yigʻlab yuborganlar, qoʻllarim ignadan teshilib ketgan edi. Hozirgacha shu roʻmolchani saqlaydilar sandiqlarida. Undan keyin ulgʻayib, koʻp sovgʻalar qilsamda onam hanuz oʻsha mening bolaligimda, oʻzimcha “zashkvar” deb oʻylagan ishni onamni xursand qilish uchun oʻrganib, kashta tikib qilgan sovgʻamni eng qadrli deb biladilar.
Onani xursand qilish uchun farzand hamma narsaga tayyor, ayollar uchun yashashimiz biz erkaklarning genimizga singib ketgan tuygʻu.
Onajonlar, opalar, singillar barchangizni 8-mart bayrami bilan oʻzim va Fakultetimiz nomidan, chin yurakdan tabriklayman! Buyuklarning onasi, sharaflilarning opasi, gʻururlilarning singlisi va oilani muqaddas deb bilgan mardlarning yori boʻling! Sizlarga Allohdan mustahkam sogʻlik tilayman, qolganiga erkaklar bor.
@BMTI_ENERGETIKA
129 views03:01
B
