BBA| Samarqand viloyati sho‘basi

2023-03-31 15:51:13 #Ovozli_chat #Video_chat #Video
Chet tilini bilish darajasini aniqlash imtihonlari bo‘yicha video chat videosi

2023-yil 31-mart kuni Bilimni baholash agentligining telegramdagi rasmiy kanalida chet tilini bilish darajasini aniqlash imtihonlari bo‘yich video chat o‘tkazildi.

Ochiq muloqot tarzida o‘tkazilgan ovozli chat davomida:

chet tili (multilevel) imtihonining baholash mezonlari;
baholash mezonining ilmiy asoslari;
oldingi baholash mezoni bilan yangi baholash mezonining farqi;
apellatsiya murojaatlarini ko‘rib chiqish tartibi;
ro‘yxatdan o‘tish bilan bog‘liq masalalar;
sertifikatni OTMlarga kirishda inobatga olinishi;
va boshqa ko‘plab masalalar bo‘yicha savollarga batafsil javob berildi.

Video chatda ishtirok eta olmaganlar uchun video chatning video yozuvi telegram kanalimizga joylanmoqda.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-29 14:43:25 #Ovozli_chat
Chet tilini bilish darajasini aniqlash imtihonlari bo‘yicha ovozli chat

2023-yil 31-mart (juma) kuni 15:00 da Bilimni baholash agentligining telegramdagi rasmiy kanali (@BaholashUz) da ovozli chat o‘tkaziladi.

Ovozli chat chet tilini bilish darajasini aniqlash imtihonlari bo‘yicha bo‘lib o‘tadi hamda baholash mezonlari va mavzuga oid muhim ma’lumotlar beriladi.

Unda Bilimni baholash agentligining tegishli boshqarma boshliqlari hamda mutaxassislar ishtirok etadi va savollariga shaxsan javob beradi.

Ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-28 10:23:19 Kimyo va fizika fanlaridan milliy sertifikat imtihoni uchun ruxsatnoma

2023-yil 2-aprel (yakshanba) kuni bo‘lib o‘tadigan kimyo va fizika fanlaridan milliy sertifikat imtihoni uchun ruxsatnomalarni berish boshlandi.

Test sinovida ishtirok etadigan talabgorlar ruxsatnomani my.uzbmb.uz saytining “Milliy sertifikat” bo‘limidan olishlari mumkin.

Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

Talabgorlar test sinovi o‘tkaziladigan binolarga shaxsini tasdiqlovchi hujjat (pasport) asosida 07:30 dan boshlab kiritiladi va test sinovlari 09:00 da boshlanadi.

Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-28 10:05:03 Chet tili imtihonlarining ko‘p darajali tizimi uchun baholash mezonlariga o‘zgartirishlar kiritildi

Bilimni baholash agentligi tomonidan o‘tkaziladigan chet tilini bilish darajasini baholash imtihonining ko‘p darajali tizimi uchun baholash mezonlariga o‘zgartirishlar kiritildi.

Mazkur o‘zgarishlar agentlik Ilmiy-metodik kengashining 2023-yil 16-mart kuni o‘tkazilgan yig‘ilishida muhokama qilinib, tasdiqlangan va 2023-yil mart oyidan boshlab amaliyotga joriy etilishi belgilangan.

Unga ko‘ra test sinovida to‘plash mumkin bo‘lgan maksimal ball har bir bo‘lim bo‘yicha 75 ballni tashkil etmoqda. Ushbu o‘zgarishlar faqat eng yuqori ballarni qamrab oladi hamda aksariyat talabgorlarning natijalariga ta’sir qilmaydi.

Kiritilgan o‘zgartirishlar bo‘yicha to‘liq ma’lumot uzbmb.uz saytining “Chet tili boshqarmasi” bo‘limiga joylashtirilgan bo‘lib, yuqoridagi pdf faylda ham o‘zgarishlar bilan tanishishingiz mumkin.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-27 20:04:56 Chet tili imtihoni natijalari e’lon qilindi

2023-yil 4-5-, 9-11- va 13-17-mart kunlari o‘tkazilgan chet tilini bilish darajasini aniqlash test sinovi natijalari e’lon qilindi.

Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

Bunda test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (28-30-mart) my.gov.uz sayti orqali apellatsiya shikoyati berishlari mumkin.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-27 10:32:41 #MatbuotAnjumani #Live
Test sinovlarini yil davomida o‘tkazish uchun katta sig‘imli binolar qurilishi

2022-yilda Buxoro viloyatida test sinovlarini yil davomida o‘tkazishga mo‘ljallangan 1 200 o‘rinli bino qurilib, foydalanishga topshirilgan.

Hozirda quyidagi hududlarda qurilish ishlari davom etmoqda:

Namangan viloyati — 93 foiz (bajarilgan);
Xorazm viloyati — 90 foiz;
Samarqand viloyati — 84 foiz;
Sirdaryo viloyati — 63 foiz;
Andijon viloyati — 60 foiz;
Qoraqalpog‘iston Respublikasi — 60 foiz;
Surxondaryo viloyati — 37 foiz.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-27 10:32:41 #MatbuotAnjumani #Live
Test topshiriqlarini shakllantirish va ekspertizadan o‘tkazish

2022-yilda Bilimni baholash agentligi tomonidan test sinovlari uchun:

12 ta umumta’lim fanidan 42 mingdan ortiq;

54 ta maxsus fandan 37 mingga yaqin test topshirig‘i shakllantirilgan va ekspertizadan o‘tkazilgan.

Bundan tashqari

milliy sertifikat imtihonlari uchun 7 ta umumta’lim fanidan 1,5 mingdan ziyod;

fan olimpiadasining respublika bosqichi uchun 16 ta umumta’lim fanidan 1,4 mingdan ziyod test topshirig‘i shakllantirilib, ekspertizadan o‘tkazilgan.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-25 08:51:16 Agentlikning interaktiv xizmatlar portali my.uzbmb.uz domeniga o‘tkazildi

2023-yil 28-fevral kuni Bilimni baholash agentligining rasmiy veb-sayti dtm.uz domenidan uzbmb.uz domeniga o‘tkazilgan edi.

Bugun agentlikning interaktiv xizmatlar portali ham yangi domenga o‘tkazildi. Ya’ni my.dtm.uz domeni my.uzbmb.uz domeniga o‘zgartirildi.

Endilikda test sinovlari uchun talabgorlarni ro‘yxatga olish, ruxsatnomalarni tarqatish, natijalarni e’lon qilish kabi xizmatlar my.uzbmb.uz sayti orqali ko‘rsatiladi.

Agentlikning rasmiy sahifalari:
Telegram | Facebook | Instagram | YouTube Ochish/sharhlash

2023-03-24 17:53:03 Ochish/sharhlash

2023-03-21 06:02:31 Navro‘z ayyomingiz muborak bo‘lsin!

Assalomu alaykum muhtaram vatandoshlar!

O‘lkamizga kirib kelayotgan bahoriy tengkunlik va yangilanish bayrami – Navro‘zi olam munosabati bilan Sizlarni Bilimni baholash agentligi jamoasi nomidan qizg‘in muborakbod etamiz!

Tobora go‘zallashib, farovonlashib borayotgan, barqaror tinch va osuda Vatanimiz rizqu barakasidan, baxtli xalqimizning mehr-oqibatlaridan doimo bahramand bo‘lish, dasturxon to‘kinligi baxti nasib etsin!

Hayotingiz bahor tongidek tiniq, baxtli va farovon bo‘lsin!

Agentlikning rasmiy sahifalari:
Telegram | Facebook | Instagram | YouTube Ochish/sharhlash