2023-04-16 06:51:26
Жанубий Кореяда маст хўжайинини ёнғиндан қутқариб, ўзи ўлган Осу номли итга бағишланган 38-маданият фестивали 5-7 май кунлари ўтади экан.
Осу номи хитойча иероглифдаги "О" - "ит" ва "су" - "дарахт" маъноларини билдиради. Афсонага кўра, ўз хўжайинини қутқариб, ўзи ёнғинда ўлган садоқатли итнинг жасади кўмилган жойдан дарахт ўсиб чиқади. Сўнг бу жойлар Осу деган районга айланади. Ана, бир районнинг номи ит билан боғлиқ экан. Фестивал доирасида итлар учун либослар намойиши ва уй ҳайвонлари учун турли буюмлар ярмаркаси бўларкан.
Китобхонлигим қурсин, шу жойига ўзбекнинг ажойиб ёзувчиси Худойберди Тўхтабоевнинг "Сариқ девни миниб" асаридаги Узунқулоқ ота зиёратгоҳи ҳақидаги эпизодлари ёдимга тушиб кетди. Эсингиздами, ўлган эшак кўмилгач, эшак эгасининг гапини нотўғри тушуниб, эшак кўмилган жой катта зиёратгоҳга айланиб кетадику.
Суратдан маълум бўладики, Жанубий Кореяда итлар шу қадар эъзозда бўлиб, ҳатто, президент мажлисидаям қатнашиб юраркан. Отабек Йўлдошевнинг ФБ саҳифасидан олинди http://t.me/bloger_xurriyat_uz
79 viewsXURRIYAT, edited 03:51