2022-04-11 07:44:40
Qanday qilib kompaniyani tez rivojlantirish mumkin?
Biznes gʻoya oʻylab topdingiz va shijoat bilan ishga kirishdingiz. Qarshingizda hech qanday muammo boʻlmasligi kerak edi, ammo... Nima uchundir ishlaringiz oldinga emas, orqaga qarab ketyapti. Bunday holatda kompaniyani qanday qilib tezroq rivojlantirish mumkin?
Maqsadlar va strategiyani qaytadan koʻrib chiqing.
Raqobatchilaringiz, siz bilan bir sohada faoliyat olib boruvchi chet el kompaniyalari qanday ishlayapti? Ularning faoliyatini kuzating, shunga koʻra siz ham rivojlanish strategiyasini qaytadan ishlang.
Jamoangizni kuchaytiring.
Jamoangiz sizga yetarlicha kuchlidek koʻrinmayaptimi? Unday boʻlsa, jamoa bilan birga rivojlaning. Bugungi kunda koʻplab kompaniyalar oʻz xodimlarini oʻqitish va rivojlantirishga harakat qilishadi. Zero, xodimlar – kompaniyaning rivojlanishidagi eng muhim omillardan biridir!
Mijozlar fikrini eshiting.
Koʻp hollarda mijozlarning fikri rahbarlargacha yetib kelmaydi. Xodimlar buni rahbarlardan yashirishga harakat qilishlari ham mumkin. Shu boisdan mijozlar bilar har doim oʻzingiz aloqada boʻlishga harakat qiling.
Jamoa va umumiy tizimning rivojlanishi uchun sarmoya kiriting.
Xodimlaringiz qanchalik kuchli boʻlsa, kompaniya imkoniyatlari ham shunchalik kattalashadi. Ularni rivojlantirish, oʻqitish va umumiy imkoniyatlarni oshirish uchun sarmoya kiriting. Unutmang, qoʻl ostingizdagi xodimning bilimi – sizning bilimingiz, uning harakati – sizning harakatingiz, uning kompaniyaga bergan mehri – sizning oʻsishingizni taʼminlovchi bosh omildir!
Kompaniyalar rivojini taʼminlab beruvchi eng muhim omillar qatorida yana nimalarni sanash mumkin?
@biznes_link |
Biz bilan birga rivojlaning!
YouTube | Telegram | Instagram
105 views04:44