Ўзинг учун ҳам нимадир қил. Кўнглинг буюрганини бажар. Масал | Бизликлар

Ўзинг учун ҳам нимадир қил. Кўнглинг буюрганини бажар.

Масалан, бир бурчакка беркиниб олиб китоб ўқи. Жимжитликда, йиғлаб, титраб, кўнглингни оғритиб ёки роҳатланиб, севиниб ўқи. Ўқигин.
Масалан, мевали чой дамла, эҳтимол, қаҳвани ёқтирарсан. Ўзинг, ўзинг учун тайёрла. Ичиб олгин.
Масалан, ўзинг энг севган бир шеърни ёд ол. Ҳар қадамда, юрган йўлингда айтиб бор, тилингдан тушмасин. Айтиб юргин.
Масалан, учрашишга таклиф қил яқинларингни, соғинганларингни, кўриш, суҳбатлаш, бирга эсла минг йиллик хотираларни. Таклиф қилиб тургин...
Масалан, кимгадир совға бер. Тамасиз, холис, шунчаки, меҳр билан бергин, "Бу — сенга", — дегин, "Сен бунга арзийсан", — дегин. Совға бергин, истасанг...
Тўйгунча соғин кимларнидир. Хоҳла, мусиқа тингла, хоҳла, кўчага чиқ, югур, сакра, бақир, чақир, чақир кимнидир. Лекин кунинг шунчаки ўтишига, вақт сени алдаб кетишига йўл қўйма, нимадир қил, нималардир бажар ўзинг учун. Ҳозир, айни дам не истасанг, шуни қил.

Келсанг, чой ичамиз...