Э Р К А К Рўзғор камин ёпмоқлик учун, Югуради, елади эркак. Т | Битта бўлсин!
Э Р К А К
Рўзғор камин ёпмоқлик учун,
Югуради, елади эркак.
Топганини уйига ташиб,
Тўлиб, тошиб келади эркак.
Совуқ ўтса суягигача,
Чидаб, ишлаб хўрсинар эркак.
Уйга келиб, оловга эмас,
Меҳрингизга исинар эркак.
Бу ҳаётдан гоҳ танбеҳ олиб,
Заҳрин ичга ютади эркак.
Кўп нарсамас, аёлдан фақат,
Бир ширин сўз кутади эркак.
Бомдодларда "ғафлат босма" деб,
Ўйғотгувчи азондир эркак.
Ҳар бир ишга ечим тополган,
Адолатли меьзондир эркак.
Тоғни талқон қилишга қодир,
Ишқ ўтидан маст бўлса эркак.
Юлдузлардан маржон тизади,
Муҳаббати рост бўлса эркак.
Ватан, номус, ору-шаънимиз,
Қўриқловчи ғурурдир эркак.
Тинчлик борки, сиғар кўнгилга,
Хурсандчилик, сурурдир эркак.
"Меҳрингиздан куч оламиз" деб,
Аёлларга уқтирар эркак.
Бир ширин сўз, севгингиз учун,
Дунёни тиз чўктирар эркак.
Россияга кетса хам аммо,
Уйим-жойим дегувчи эркак.
Жон халқумга келса хам аммо,
Болам -чақам дегувчи эркак.
Гул аёллар! Қанча бўлса ҳам,
Ҳурматлашга лойиқдир эркак.
Оллох берган энг катта туҳфа,
Катта совға - тортиқдир эркак.
@bittada - жойига урадиган канал!
