2022-03-02 07:01:41
Mensiz yashay olasanmi, ayt?
Sogʻinchlarga kelasanmi bas!
Tushlaringda yolvorasan,
Qayt!
Lek u tushlar oʻngidan kelmas!
Berasanmi ogʻriqlarga dosh,
Izlarimga bosmaysanmi lab,
Sogʻintirsa oʻsha koʻzu qosh,
Uygʻonsangchi tonglari yigʻlab!
Unitishga unnab uzoq yil,
Sheʼrlarimdan topasan taskin!
Qani koʻnsa shu koʻngil savil,
Mensiz qanday yashamoq mumkin!
Toʻkilmasmi iching tut boʻlib,
Toʻxtamasmi tomirdagi qon.
Tomogʻingda turgan tiqilib,
Menginaning sogʻinchi, ishon!
Ishon, meni unutmoq mushkul,
Pushmon seni omon qoʻymaydi.
Ishon, ado boʻlasan butkul,
Ishon, mensiz yashab boʻlmaydi!
42 views , 04:01