2023-02-09 20:30:28
Ёмғир томчилари тинмай қолдия,
Кимдир кўзёшини тийёлмаяпти,
Соғинган юраги тўлиқиб кетган,
Фақат ўзин ошкор қилолмаяпти.
Сезаман тунлари бедор мени деб,
Хатто тушларимга киради такрор,
Балки у яралган асли мени деб,
Фақат чехрасини кўрмадим бир бор.
Бу қандай каромат бу не ишора,
Ёғмоқдами яна ишқнинг ёмғири,
Дил бериб куйгандим севиб илк бора, Хануз тотаябман унинг жабрини.
Чигал чалкашлилар хаётнинг йўли,
Сени кутар кимдур кўнглинг бировда,
Талпинган қўлларинг тутмади қўли,
Тақдир сенга берган бу бир синовда.
Яна ёмғир ёғар яна ўша туш,
Нур ёғиб юзига тик боқолмам бир,
Эй малак сен балки орзудаги қуш,
Ўнгимда учрасанг этарсан асир.
Эзилма кўнглингни чўктирма сира,
Пинхон тут майлига туйғуларингни,
Кун келиб барчаси бўлар бир йўла,
Тангрим менга атар кулгуларингни.
Ёмғир томчилари тинади охир,
Янги кун эртанги орзудан дарак,
Бахт ўзи қошинга келади ахир,
Чунки сен тушимга киргансан малак.
Абдумуталиб Эргашалиев
235 viewsSadullayev, edited 17:30