2022-07-15 20:59:36
#ШЕЪРИЯТ
ҚУЛНИ РАНЖИТМА
Кўнглим, чалолмасанг ишқнинг созини,
Қалб торига тегма, дилни ранжитма!
Кўтара олмасанг гулнинг нозини,
Ништорига тегма, гулни ранжитма...
Булбулнинг ноласи қалбимни эзар,
Қарғанинг нағмаси жонингга тегар,
Мевасиз дарахтни силкитма жигар,
Япроғига тегма, толни ранжитма!
Содиқ бўлсанг дўстни остонада кут,
Ғарибпарвар бўлгин, кўнгил таъмир эт,
Мажнун бўлолмасанг саҳрони тарк эт -
Лайлога тек қўйгин чўлни ранжитма!
Кел ҳақдан айрилма гар ҳақни билсанг,
Қил аввал нафсингга насиҳат қилсанг,
Маҳбубий ранжийди агар ранжитсанг -
Холиқдан ҳаё қил, қулни ранжитма!
Маҳбубий
9 viewsGulnoza, 17:59