2022-06-15 16:44:28
#Seminar
Bugun Oliy va o‘rta maxsus ta’lim vazirligi huzuridagi Bosh ilmiy-metodik markazda ilmiy va ilmiy-pedagogik faoliyatini samarali tashkil etish maqsadida “
Doktorlik dissertatsiyasini tayyorlash va himoyaga taqdim etish” mavzusida seminar tashkil etildi.
Seminarda O‘zbekiston Respublikasi Oliy va o‘rta maxsus ta’lim vazirligi hamda Innovatsion rivojlanish vazirligi vakillari, Bosh ilmiy-metodik markaz xodimlari, soha mutaxassislari hamda ilmiy izlanuvchilar ishtirok etishdi.
Seminarda Oliy va o‘rta maxsus ta’lim vazirligi Oliy ta’limdan keyingi ta’limni muvofiqlashtirish bo‘limi boshlig‘i
Xushmatov Shunqor Sadullayevich, Innovatsion rivojlanish vazirligining Inson kapitalini rivojlantirish boshqarmasi bosh mutaxassisi
Pirmatov Barkamoljon G‘ayratjonovich hamda Toshkent davlat pedagogika universiteti huzuridagi tarmoq markazi direktori
Muslimov Narzulla Alixanovichlar o‘z ma’ruzalari bilan ishtirok etdilar.
Unda oliy ta’limdan keyingi ta’lim tizimini muvofiqlashtirish, ilmiy salohiyatni oshirish borasidagi islohotlar va erishilgan natijalar hamda bu borada oldinga qo‘yilgan vazifalar yoritilib, ilmiy ishlar natijalarini xorijiy nashrlarda e’lon qilish, doktorantlar 3 yillik faoliyatini tizimli tashkil etish, ularning yillik vazifalar taqsimotiga qo‘yiladigan minimal talablar, sohani raqamlashtirish bo‘yicha olib borilayotgan ishlar to‘g‘risida ma’lumot berildi.
Shuningdek, seminarda dissertatsiya ishini tayyorlash bosqichlari, uning maqsad va vazifalari hamda ilmiy yangiliklari o‘zaro mutanosiblikda ishlab chiqish, xulosa va tavsiyalarni tayyorlash hamda himoyaga taqdim etish bo‘yicha qilingan ma’ruzalar tadqiqotchilar uchun foydali ma’lumotlarga boy bo‘ldi.
Bizni ijtimoiy tarmoqlarda kuzating:
Telegram | Facebook | Instagram | Youtube
1.0K views13:44
B
