Bilim Dayjest - Terminologiya

2023-03-04 08:30:00 ​ Termin: Bozor penetratsiyasi / Bozorga kirib borish

Ta'rif:
Bozor penetratsiyasi - ma'lum bir mahsulot yoki xizmatni bozorga olib kirish yoki undagi ulushini oshirish uchun kompaniyalar tomonidan qo'llaniladigan strategiyani anglatadi. Maqsad - mahsulot yoki xizmatni sotilishni ko'paytirish orqali ko'proq mijozlarni jalb qilish va ko'proq daromad olish.

Misol:
Bozorda yangi tish pastasini sotuvchi kompaniya, o'z sotuvlarini oshirish uchun bozor penetratsiyasi strategiyasida:
- chegirmalar;
- aktsiyalar taklif qilish;
- tadbirlarga homiylik qilish;
kabi reklama instrumentlaridan foydalanishi mumkin Ochish/sharhlash

2023-03-03 08:30:00 ​ Termin: Kross-funktsional jamoa

Ta'rif:
Kompaniyaning turli bo'limlari yoki mutaxassislik sohalaridan bo'lgan, umumiy maqsadga erishish uchun tuziladigan va birgalikda ishlaydigan odamlar guruhi.

Misol:
Yangi mahsulotni ishlab chiqish va ishga tushirishda hamkorlik qiluvchi marketing, dizayn, muhandislik va mijozlarga xizmat ko'rsatish sohasi a'zolarini o'z ichiga olgan loyiha jamoasi - Kross-funktsional jamoasiga namuna bo'la oladi. Ochish/sharhlash

2023-03-02 08:30:00 ​ Termin: Samaradorlik

Ta'rif:
Minimal vaqt, kuch va resurslar bilan vazifa yoki maqsadga erishish qobiliyati.

Misol:
Ishlab chiqaruvchi kompaniya mahsulotni ishlab chiqarish uchun zarur bo'lgan vaqt va mehnatni qisqartirish uchun avtomatlashtirish kabi yangi texnologiyalarni joriy etish orqali samaradorlikni oshirishi mumkin. Ochish/sharhlash

2023-03-01 08:30:00 ​ Termin: Mahsulot dizayni

Ta'rif:
Mahsulot dizayni - bu mijozlar ehtiyojlarini qondirish va biznes maqsadlariga erishish uchun yangi mahsulotni yaratish yoki mavjudini takomillashtirish jarayoni.

Ushbu jarayon:
- mijozlar ehtiyojlarini aniqlash;
- mahsulot kontseptsiyalarni yaratish;
- mahsulot prototiplarini yaratis;
- sinovdan o'tkazish;
- ishlab chiqarishga tayyor bo'lgunga qadar uni takomillashtirish;
kabi vazifalarni o'z ichiga oladi.

Misol:
Apple mahsulotini loyihalash jarayoni, soddaligi, foydalanuvchiga qulayligi va innovatsiyalarga e'tibor qaratgani bilan mashhur bo'lib, bu kompaniyaga iPhone va iPad kabi muvaffaqiyatli mahsulotlarni yaratishga yordam berdi. Ochish/sharhlash

2023-02-28 08:30:00 ​ Termin: Demografiya

Ta'rif:
Demografiya deyilganda aholi yoki ma'lum bir guruh odamlarning sifatlarini tavsiflovchi statistik ma'lumotlar tushuniladi. U odamlar:
- yoshi;
- jinsi;
- daromadi;
- ma'lumoti;
- irqi;
- etnik kelib chiqishi;
kabi omillarni o'z ichiga olishi mumkin.

Misol:
Kompaniya yangi mahsulot uchun maqsadli auditoriyani aniqlash uchun bozor tadqiqotini o'tkazmoqda. Ular potentsial mijozlarning yoshi, daromadi, ta'lim darajasi va sotib olish qarorlariga ta'sir qilishi mumkin bo'lgan boshqa omillarni tushunish uchun ularning demografiyasini tahlil qiladilar. Ochish/sharhlash

2023-02-27 08:30:00 ​ Termin: Jarayonlarni boshqarish

Ta'rif:
Jarayonlarni boshqarish - bu mahsulot va xizmatlarni yetkazib berish faoliyatni:
- rejalashtirish;
- tashkil etish;
- nazorat qilish;
jarayoni.

Misol:
Restoran menejeriga taomlarning tayyorlanishi va xizmat ko'rsatish samarasini ta'minlash vazifasi qo'yilgan. U samarali va mahsuldor ishlab chiqarishni ta'minlash uchun:

- mahsulotlar, oshxona uskunalari va boshqa vositalar miqdor darajasini boshqarish;

- xodimlar mehnati va ularga berilgan vazifalarini rejalashtirish;

- uskuna va jihozlar yaxshi holatda bo'lishini ta'minlash;

kabi boshqaruv jarayonlarini o'z ichiga olishi mumkin. Ochish/sharhlash

2023-02-26 16:49:16 ​ Termin: "Lean" (Tejamkor) ishlab chiqarish

Ta'rif:
"Lean" (Tejamkor) ishlab chiqarish - ishlab chiqarish jarayonida chiqindi miqdorini minimallashtirish va samaradorlikni oshirishga qaratilgan ishlab chiqarish usuli. U mahsuldorlikni oshirish, yetkazib berish vaqtini qisqartirish va xarajatlarni kamaytirish uchun jarayonlarni doimiy ravishda takomillashtirishga urg'u beradi.

Misol:
Toyota kompaniyasi ishlab chiqarish tizimi, tejamkor ishlab chiqarishga bir misoldir. Bu tizimda ishlab chiqaris chiqindilar miqdorini yo'q qilishga va ishlab chiqarish prognoz qilingan mahsulot talab miqdoriga emas, balki mijozlar talabiga asoslangan "Pull" (tortish) tizimini joriy etishga urg'u beriladi. Ochish/sharhlash

2023-02-23 08:30:00 ​ Termin: Kaizen

Ta'rif:
"Kaizen" yaponcha atama bo'lib, uzluksiz va davomli takomillashtirishni anglatadi. Bu samaradorlik, sifat va mahsuldorlikni oshirish maqsadida jarayonlar va mahsulotlarni kichik, bosqichma-bosqich rivojlantirishga qaratilgan falsafa.

Misol:
"Kaizen"ni amalda ishlatilinishiga misol qilib, ishlab chiqarish korxonasi o'z jarayonlarini muntazam ravishda baholab borishi, rivojlantirish mumkin bo'lgan nuqtalarni aniqlashi mumkin va ularni takomillashtirishini aytish mumkin.

Kichik o'zgarishlar va tuzatishlar kiritish orqali, kompaniya
- ishlab chiqarish chiqindilarni kamaytirishi,
- mahsulot va xizmat sifatni yaxshilashi
- ishlab chiqarish samaradorligini oshirishi
mumkin.

Natijada xarajatlarni tejash va mijozlar ehtiyojini qondirish yaxshilanadi. Ochish/sharhlash

2023-02-22 08:30:01 ​ Termin: Monetizatsiya

Ta'rif:
Monetizatsiya - mahsulot, xizmat, egalik qilinadigan aktiv yoki biror loyihadan daromad olish jarayoni / uslubi.

Misol:
Premium funksiyalarga kirish uchun foydalanuvchilardan oylik abonent toʻlovini undiradigan mobil ilova "Freemium" biznes modeli va dasturni monetizatsiyalashni "obuna" uslubidan foydalanayotgan bo'lishi mumkin. Ochish/sharhlash

2023-02-20 08:30:00 ​ Termin: Masshtab iqtisodi (katta miqdorda ishlab chiqarish orqali)

Ta'rif:
Masshtab iqtisodi deyilganda, korxona ko'proq mahsulot birliklarini ishlab chiqarish orqali (kattaroq masshtabda) erishishi mumkin bo'lgan xarajat tejashlishlari nazarda tutiladi.

Bu esa, korxonalarga o'zgarmas xarajatlarini kattaroq mahsulot hajmiga yoyish imkonini beradi. Mahsulot hajmi ortishi bilan mahsulotning o'rtacha tannarxi pasayadi.

Misol:
Kichik tekstil sohasidagi biznes bir kunda 1000 dona futbolka ishlab chiqara oladi. Biznes yurishi uchun, kunlik 500$ umumiy harajat qilinadi. Har bir futbolkaning tannarxi, doimiy va o'zgaruvchan harajatlari xisoblanganda 2$ tashkil etadi. Demak:

- 2$*1000 dona futbolka uchun = 2000$ kunlik harajat ketayotgan bo'lsa
- 500$ o'zgramas harajat / 1000 dona futbolka = 0.5$
- 2$ tannarxining 0,5$ qismi har bir mahsulot ustidagi kunlik o'zgarmas harajat
- 2$ tannarxining 1,5$ qismi har bir futbolka tikilishi uchun ketmoqda

Agar korxona yangi kuch jalb qilmasdan, o'zgarmas harajatlarni orttirmay kuniga 2000 dona futbolka tika olsa:
- 500$ o'zgarmas harajat / 2000 dona futbolka = 0.25$
- Har bir mahsulot ustidagi kunlik doimiy harajat 0.25$ tushadi
- 0.25$ + 1.5$ = 1.75$ har bir futbolkaning yangi tannarxi bo'lib qoladi

Natijada:
2$ (Eski tannarx ) - 1.75$ (Yangi tannarx) = 0.25$ Katta miqdorda ishlab chiqarish orqali tejaldi Ochish/sharhlash