BFAUZ

2022-09-01 11:58:41 Ochish/sharhlash

2022-08-31 17:27:27 Yangi O‘zbekistonda el aziz, inson aziz!

Bank-moliya akademiyasida Mustaqillikning 31 yilligi munosabati bilan «Yangi O‘zbekistonda inson qadri har narsadan ulug‘» shiori ostida bayram tadbiri tashkil etildi.

Tadbirni Akademiya rektori Elmurod Hoshimov kirish so‘zi bilan ochib, yig‘ilganlarni Mustaqillik kuni bilan samimiy muborakbod etdi. Mustaqillik jamiyat hayotining turli soha va tarmoqlarida keng ko‘lamli islohotlarni amalga oshirish uchun mustahkam zamin yaratib, erishayotgan barcha yutuq va marralarimizning asosiy manbai bo‘lib kelayotganligini alohida ta’kidlab o‘tdi.

Qayd etildiki, bugun mamlakatimiz taraqqiyotning yangi bosqichi sari dadil intilib bormoqda, ulkan reja va dasturlar amalga oshirilmoqda. Bu jarayonlarda ta’lim va ilm-fanga katta e’tibor qaratilib, islohotlarning tashabbuskorlari, yangi O‘zbekistonning bunyodkorlari sifatida jamiyat hayotiga kirib kelayotgan yosh avlod kamoloti yo‘lida barcha shart-sharoitlar yaratilayapti. Ilm-fan va ta’lim-tarbiya tizimi vakillarining yurtimiz intellektual va ma’naviy salohiyatini yuksaltirishga qo‘shayotgan hissasi munosib e’tirof etilayapti.

Tadbir yakunida, Akademiya hayotida faol ishtirok etayotgan, o‘zining samarali mehnati bilan namuna bo‘layotgan pedagog va xodimlarga esdalik sovg‘alari topshirildi.

Batafsil...

www.bfa.uz | Telegram | Facebook | Instagram | Youtube Ochish/sharhlash

2022-08-31 15:26:21 Akademiya faoliyatiga doir dolzarb masalalar ko‘rib chiqildi

Bugun, 31-avgust kuni O‘zbekiston Respublikasi Bank-moliya akademiyasi Kengashining 2022/2023 o‘quv yilidagi 1-son majlisi bo‘lib o‘tdi.

Kengash yig‘ilishiga Bank-moliya akademiyasi rektori v.b. Elmurod Xoshimov raislik qildi.

Majlisda “Akademiyada O‘zbekiston Respublikasi mustaqilligining 31 yilligini tanatanali nishonlash to‘g‘risida”gi, “Akademiya Kengashining 2022/2023 o‘quv yili uchun ish rejasini va Kengash a’zolarining yangi tarkibini tasdiqlash to‘g‘risida”gi, “Bakalavriat ta’lim yo‘nalishi Yakuniy davlat attestatsiya komissiyasi natijalari va 2022/2023 o‘quv yiliga tayyorgarlik ko‘rish to‘g‘risida”gi, “Bank-moliya akademiyasi professor-o‘qituvchilar tarkibining o‘quv yuklamasi hamda o‘quv-uslubiy, ilmiy tadqiqot va “ustoz-shogird” ishlarini belgilash qoidalarini tasdiqlash to‘g‘risida”gi bir qator Akademiya faoliyatiga doir dolzarb masalalar bo‘yicha mas’ullarning hisobotlari tinglandi.

Kun tartibidan o‘rin olgan barcha masalalar keng muhokama qilinib, tegishli vazifalar belgilab olindi.

Batafsil...

www.bfa.uz | Telegram | Facebook | Instagram | Youtube Ochish/sharhlash

2022-08-31 10:01:08 Ассалому алайкум, ҳурматли профессор-ўқитувчилар, азиз тингловчилар!

Аввало, ҳар биримизнинг ҳаётимиздаги унутилмас тарихий воқеа — Ўзбекистонимиз мустақилликка эришган куннинг 31 йиллиги билан Сиз азизларни ва сизларнинг тимсолингизда бутун юртдошларимизни чин қалбимдан муборакбод этаман.

Бугун мамлакатимизда инсон қадрини улуғлашга қаратилган кенг кўламли ислоҳотлар олиб борилмоқда. Бу жараён таълим ва илм-фанни ривожлантириш билан чамбарчас боғлиқ ҳолда амалга оширилаётгани ислоҳотларнинг шиддатини таъминлайди. Шу боис Ўзбекистонда янги бир уйғониш – Учинчи Ренессанс даврига пойдевор яратишга киришилди.

Илму урфонга берилаётган эътибор Академиямиз ҳаётида ҳам ўз аксини топди. Янги мақсадлар ва долзарб вазифаларни амалга оширишга киришилди. Ўтган қисқа давр мобайнида халқаро алоқаларимизнинг янги форматида дунёнинг етакчи ва илғор тажрибага эга молия институтлари, илмий тадқиқот даргоҳлари билан амалий ҳамкорликнинг мустаҳкамланиши натижасида 100 нафардан ортиқ вакилларимиз Чехия, Россия ва Малайзия давлатларида малака ошириб қайтдилар. Шунинг билан бирга, Япония Молия вазирлиги ва унинг ҳузуридаги Иқтисодий сиёсат тадқиқотлари институти, “Газпромбанк” АЖ ва бошқа халқаро ҳамкорлар билан алоқалар янги сифат босқичига ўтди.

Бу жараёнда Сиз азизларнинг иштирокингиз салмоқли эканлигини алоҳида эътироф этиш зарур. Ёшларнинг истеъдод ва қобилияти, эзгу интилишларини тўлиқ рўёбга чиқариш, ижтимоий фаоллигини ошириш, ҳаётда муносиб ўрин эгаллашлари учун қилаётган меҳнатингиз шарафга лойиқ.

Сизларни Ўзбекистон Республикаси давлат мустақиллигининг ўттиз бир йиллик байрами билан яна бир бор чин дилдан табриклайман. Ватанимиз келажаги бўлган ёшларимизнинг камоли йўлида қилаётган ишларингизда улкан муваффақиятлар, сиҳат-саломатлик, ижодий баркамоллик тилаб қоламан.

Самимий эҳтиром ила,

Элмурод ХОШИМОВ,
Банк-молия академияси ректори Ochish/sharhlash

2022-08-30 16:48:07 O‘zbekiston Respublikasi Bank-moliya akademiyasi 2023-yil uchun oliy o‘quv yurtidan keyingi ta'lim institutiga qabul e'lon qiladi

O'zbekiston Respublikasi Bank-moliya akademiyasida oliy o'quv yurtidan keyingi ta'lim tayanch doktorantura (PhD) va doktoranturaga (DSc) hamda mustaqil izlanuvchilikka (PhD va DSc) quyidagi ixtisosliklar bo'yicha amalga oshiriladi:

Tayanch doktoranturaga

08.00.07 – “Moliya, pul muomalasi va kredit” — 5 ta o'rin

08.00.08 – “Buxgalteriya hisobi, iqtisodiy tahlil va audit” — 1 ta o'rin

Doktoranturaga

08.00.07 – “Moliya, pul muomalasi va kredit” — 1 ta o'rin

Mustaqil izlanuvchilikka

08.00.07 – “Moliya, pul muomalasi va kredit”

08.00.08 – “Buxgalteriya hisobi, iqtisodiy tahlil va audit”.

Batafsil...

www.bfa.uz | Telegram | Facebook | Instagram | Youtube Ochish/sharhlash

2022-08-29 17:13:32 Islom moliyasi va bankchiligi bo‘yicha kadrlar tayyorlash istiqbollari muhokama qilindi

Bank-moliya akademiyasi rasmiylari hamda Islom moliyasi va takaful uyushmasi raisi Bahrom No‘monov o‘rtasida uchrashuv bo‘lib o‘tdi.

O‘zaro muloqot davomida O‘zbekistonda islom bank-moliya tizimini tatbiq etish va rivojlantirish yetarlicha imkoniyatlar mavjud ekanligi qayd etildi. Bu imkoniyatlardan samarali foydalanish uchun bilimli kadrlar, magistr va bakalavrlarni tayyorlaydigan yuqori saviyali ilm dargohlari zarur.

Ana shu omillardan kelib chiqib, tomonlar islom moliyasi va bankchiligi bo‘yicha hamkorlikda kadrlar tayyorlash va ularni sertifikatlash bo‘yicha kelishuvlarga erishish maqsadga muvofiq ekanligini qayd etib o‘tdilar. Jumladan, O‘zbekiston Respublikasi Bank-moliya akademiyasi, AAOIFI (Accounting and Auditing Organization for Islamic Financial Institutions) hamda Islom moliyasi va takaful uyushmasi tomonidan qisqa kurslar tashkil etish orqali 3 xil darajada sertifikat beruvchi o‘qitishni joriy qilish bo‘yicha dastlabki kelishuvlarga erishildi.

Kelishuv doirasida Islom bankchiligi va moliyasi bo‘yicha mutaxassislar yetishtirish, ularni imtihon qilish va malakasini oshirishga qaratilgan vazifalar belgilab olindi.

Batafsil...

www.bfa.uz | Telegram | Facebook | Instagram | Youtube Ochish/sharhlash

2022-08-29 15:00:49 Shoshiling, 3 kun qoldi...

Bank-moliya akademiyasi Magistratura bo‘yicha 2022/2023 o‘quv yili uchun qabul 31-avgustgacha davom e'tishini ma'lum qiladi.

Magistratura mutaxassisliklari:

Master of Business Administration (MBA): МВА Banking;
МВА Finance & FinTech;
МВА General.

Master of Science (MSc):
Kapital bozori va birja ishi;
Soliqlar va soliqqa tortish (faoliyat turlari bo‘yicha);
Davlat moliyaviy nazorati va auditi;
Iqtisodiyotni monetar tartibga solish;
Bank hisobi, auditi va nazorati;
Sug‘urta kompaniyalarini boshqarish;
Pensiya fondlarini boshqarish.

Hujjatlar qabul2022.bfa.uz platformasi orqali 2022-yil 31-avgustgacha onlayn qabul qilinadi.

Bog‘lanish uchun: +998 71 237 53 56

Elektron manzil: qabul@bfa.uz

www.bfa.uz | Telegram | Facebook | Instagram | Youtube Ochish/sharhlash

2022-08-29 13:59:24 BFAUZ pinned a photo Ochish/sharhlash

2022-08-29 12:52:23 O‘zbekiston Respublikasi Bank-moliya akademiyasi Axborot texnologiyalari bo'lim boshlig'i lavozimi bo‘yicha tanlov e’lon qiladi

Malaka talablari:

Oliy taʼlim muassasalarida boshqaruv lavozimida zarur boʼlgan kasbiy va tashkilotchilik qobiliyatlariga, taʼlim sohasida rahbarlik ish tajribasi va stajiga, faoliyat turi va vakolatlari doirasida tegishli bilim va koʼnikmalarga;

Namunaviy shaxsiy fazilatlar - intellekt, madaniyat, yetakchilik, ijodiy qobiliyat, xushmuomalalik, tashkilotchilik, tashabbuskorlik va tadbirkorlik qobiliyatlariga ega boʼlish, masʼuliyat hissi, mustaqil qaror qabul qilish va ish tutish, qatʼiy harakat qilish, muassasa strategik maqsadlariga erishishni taʼminlash xususiyatlariga ega boʼlishi;

oliy maʼlumotga ega boʼlishi;

yoʼnalishi boʼyicha kamida 3 yillik samarali ish stajiga ega boʼlishi zarur.


Mehnatga haq to‘lash suhbat jarayonida ma’lum qilinadi.

Tanlovda ishtirok etish istagini bildirgan talabgorlar o‘zi haqidagi ma’lumotni hr@bfa.uz elektron pochtasi orqali yuborishlari mumkin.

Qo‘shimcha ma'lumot uchun:
+998 71 237 54 09

Telegram: @hr_bma

www.bfa.uz | Telegram | Facebook | Instagram | Youtube Ochish/sharhlash

2022-08-29 09:56:35 BMA tinglovchilari Malayziyaga jo‘nab ketdilar

Bank-moliya akademiyasi tinglovchilari hamda mamlakatimiz moliya institutlari vakillaridan iborat delegatsiya a’zolari xalqaro amaliyot va treninglarda ishtirok etish uchun Malayziya safariga jo‘nab ketdilar.

Delegatsiya a’zolari safar davomida Malayziya xalqaro Islom universitetida tashkil etiladigan “Short-Course in Islamic Banking and Finance (Scibf)” kurslarida ishtirok etadilar.

Shuningdek, vakillarimiz safar davomida Islom banki va moliyasi bo‘yicha amaliy tajribani o‘rganadilar hamda maxsus sertifikatlarni qo‘lga kiritadilar.

Batafsil...

www.bfa.uz | Telegram | Facebook | Instagram | Youtube Ochish/sharhlash