'Беш ташаббус олимпиадаси' ғолиблари тақдирланди Хабар берган | Besh tashabbus olimpiadasi 2024
"Беш ташаббус олимпиадаси" ғолиблари тақдирланди
Хабар берганимиздек, Самарқанд шаҳридаги “Афросиёб арена” спорт мажмуасида “Беш ташаббус олимпиадаси”нинг иккинчи мавсуми доирасида енгил атлетика бўйича А лига баҳсларнинг республика босқичи якунланди.
Икки кун давом этган мусобақа натижасига кўра, 16-21 ёш тоифасида хотин-қизлар ўртасида Пахтачи тумани Боғолони маҳалласи жамоаси ғолибликни қўлга киритган бўлса, йигитлар ўртасидаги баҳсда Қашқадарё вилояти Шаҳрисабз тумани Чоршанба маҳалласи ёшларига тенг келадигани топилмади.
22-26 ёш тоифасидаги беллашувларда ҳам қашқадарёлик хотин-қизлар биринчи бўлди. Йигитлар баҳсида эса ғолиблик хоразмлик ёшларга насиб этди.
27-30 ёшлилар ўртасидаги баҳсда навоийлик хотин-қизлар, эркаклар беллашувида андижонлик ёшлар жамоаси ғолиб бўлди.
Мусобақа ғолибларига ташкилотчилар томонидан диплом, медаль ва эсдалик совғалари топширилди.