Байрам АЛИ

2022-08-30 04:31:28 ​​#iqtibos #umr_manzaralari

«БОҒБОН» БАДИИЙ ФИЛЬМИДАН ТАЪСИРЛИ МОНОЛОГЛАР

Бу китоб бугун билан эрта ўртасида мавжуд бўлган осуда оралиқ ҳақида. Бу китоб бир авлод билан иккинчи авлод ўртасида узилиб қолган кўприк ҳақида. Бу китоб бир вақтлар жигарбандарини миндириб, ўйнатиб юрган, аммо ҳозирда букчайган елкалар ҳақида. Бу китоб фарзандларини жажжи қўлчаларидан тутволиб, бир замонлар алла айтиб, жим қолган лаблар ҳақида ўкинч билан ёзилган...

•••
Замон ўзгарди. Ҳаёт ҳам ўзгарди. Бизнинг ёшимиздаги тенгдошлар билишади. Бугунги кунда ўтмиш сарқити деб ҳисобланган одатларимизнинг ҳаммасига биз ишонардик. Оналар оёғи остида жаннатни кўрардик. Eнди одамлар жуда доно, ёшларимиз жуда иқтидорли, ўта қобилиятли бўлиб кетишган. Улар учун эришилган ҳар қандай ютуқ, гўёки пиллапоядан кўтарилгандек гап... Борди-ю йўлларида нафи йўқ нарса учраса, уйдаги кераксиз бўлган стулми, синган идиш-товоқ, эскирган кийим-кечак, сарғайиб кетган газетми, барини шу заҳоти улоқтириб ташлашади...
Лекин... Лекин ҳаёт асло пиллапоямас! Ҳаётни унга қиёслаб бўлмайди. Менинг фикримча, ҳаёт улкан бир дарахт мисоли. Унинг томири эса хотиралар билан туташ. Дарахт ҳар қанча катта бўлмасин, агар томири кесилса, тамом! У ортиқ кўкармайди, қуриб битади.

•••
Энди оддий бир савол билан сизларга мурожаат қилсам. Ота ўз фарзандининг қувончи, камоли учун топганини сарф қилади-ю, лекин ўша фарзандга падарнинг кўзларидан нур кетган чоғида унга суянчиқ бўлиш оғирлик қиларкан. Нимага ота боласининг илк қадам ташлашига кўмак беради-ю, аммо белидан қуввати кетганда нима учун фарзандигамас, ҳассага таянади? Бир умр ўз болаларига шодлик улашган ота-онани не сабабдан қон йиғлашдек зулмга дучор қиладилар? Бизга меҳр кўрсатишолмас экан, меҳримизни тортиб олиш ҳуқуқини айтинг, ким берди? Улар ким бўптики, парвардигор муҳаббат риштаси ила бирлаштирган ота-онасини бир-бирларидан айириб, алоҳида яшашга мажбур қилишади? Наҳот инсон худодан шунинг учун фарзанд сўраса? Қайтар дунё дерлар. Бизнинг бошга тушган савдо эртага албатта уларнинг ҳам бошларига тушади. Улар ҳам бир кун кексайиб, ҳаётга айнан шу саволни беришади...

•••
Кейин яна бир гап: Бизнинг ташвишимизни қилманг. Агар биз болаларимизни тарбиялаб вояга етказган эканмиз, ўқитган, оилали қилолган эканмиз, ўзимизниям боқиб оламиз. Ҳеч кимсага муҳтож еримиз йўқ...


@BeshinchiTomon Ochish/sharhlash

2022-08-27 22:35:57 ТошДЎТАУ! Грант, дўстлар! Уч ой йўқ бўлиб кетганим шунга эди! Худога шукр, юзим ёруғ бўлди! Қариганда талаба бўлдим!!! Ochish/sharhlash

2022-08-27 18:30:55 #xayrlikech #kechinma

Ниманидир чин дилдан севсанг, ҳеч ким, ҳеч нарса уни сендан тортиб ололмайди. Буни мен энг севимли ўйинчоғи ⸺ тошбақачасини йўқотиб қўйиб, у билан хаёлан ўйнаётган қизимни кузатиб ўтириб тушундим.
Хайрли кеч.

Байрам АЛИ

@BeshinchiTomon Ochish/sharhlash

2022-08-27 14:52:11 #tabassum #masal

⸺ Муваффақият қозониш учун инсонга энг кўп нималар зарур бўлади?
⸺ Суякли тил, эгилувчан умуртқа.

@BeshinchiTomon Ochish/sharhlash

2022-08-27 07:30:51 #iqtibos #munosabatlar

Баъзан биз қайғудан сақланиш учун қурган деворлар бизни қувончдан ҳам тўсиб қўяди.

Франсуа де Ларошфуко

@BeshinchiTomon Ochish/sharhlash

2022-08-27 05:13:50 #xayrlikun #umr_manzaralari

ЧЎҚҚИДА

Кавказ тоғларининг бирида Лермонтов ҳайкалиги олиб чиқадиган сўқмоқдан юрсангиз, юксак чўққида ўрнатилган темир устунга кўзингиз тушади. Устундаги лавҳда "БИР-БИРИНГИЗНИ СЕВИНГЛАР!" деган ёзув бор.
Бу ердан ҳар куни турли миллатга мансуб минглаб сайёҳ ва дам олувчилар ўтишади. Рус, ўзбек, қозоқ, тожик, қирғиз, туркман, татар, белорусь, европалик, украин, кавказлик... ва ҳакоза... Чўққи гўё Ер шарининг илтижосини кўтариб турганга ўхшайди.

Қўчқор Норқобил

@Xosiyat_Rustamova Ochish/sharhlash

2022-08-26 18:56:14 #xayrlikech #йўлдаги_ўйлар

Одам боласининг мавқеи қанча ошса, кўнгли шунча нозиклашади...
Хайрли кеч.

Байрам АЛИ

@BeshinchiTomon Ochish/sharhlash

2022-08-26 15:17:44 #umr_manzaralari

ИЗЗАТИ НАФС

Иззуддин Ибн Абдуссалом олдида талабалари китобни ўқиб, бобни тугатса: «Бундан кейинги бобдан озгина бошлаб қўй! Мен боблар (эшиклар) олдида туришни ёқтирмайман», дер эди.

(Ҳокимлар эшиги назарда тутилган).

@BeshinchiTomon Ochish/sharhlash

2022-08-26 11:25:45 #iqtibos #ruhiyat

«У ўзи ҳам севмаган эди: акс ҳолда, мени севмайдилар, деб зорланмаган бўларди»

Фридрих Нитше, «Зардўшт таваллоси»

@BeshinchiTomon Ochish/sharhlash

2022-08-26 07:39:35 #iqtibos #tabassum

Ҳатто бузилган соат ҳам кунига икки марта вақтни тўғри кўрсатади. Демак инсонлар қанча узоқ яшаса, муваффақиятлари билан мақтаниш имкони шунча ортади.

Марк Твен

@BeshinchiTomon Ochish/sharhlash