Вояга етмаганларнинг манфаатлари ҳимоя қилинмоқда Мажбурий | Beshariq tumani hokimligi

Вояга етмаганларнинг манфаатлари ҳимоя қилинмоқда

Мажбурий ижро бюроси Бешарик тумани бўлими томонидан 2023 йилнинг I чорагида вояга етмаганларнинг таъминоти учун алимент ундириш билан боғлиқ мавжуд 1 минг 770 та ижро ҳужжатлари бўйича 821 млн. сўм ундирилиб, уларнинг моддий таъминоти учун ўтказиб берилди.

Алимент ундириш ҳақидаги ижро ҳужжатлари бўйича қарздорлар ва ундирувчилар билан олиб борилган профилактик суҳбатлар ва чора-тадбирлар натижасида 231 нафар оилаларни яраштиришга эришилди.

Шу билан бирга, алимент тўловчи қарздорларнинг 50 нафари ишга жойлаштирилиб, иш жойларига талабномалар юборилган.

1 минг 500 нафар қарздор фуқарога нисбатан Ўзбекистон Республикаси ҳудудидан четга чиқиш ҳуқуқлари вақтинча чекланган.

I чорак давомида алимент тўлашдан бўйин товлаган 36 нафар қарздорга нисбатан Ўзбекистон Республикаси Маъмурий жавобгарлик тўғрисидаги кодексининг 47/4-моддаси билан маъмурий жавобгарликка оид иш қўзғатилиб, судларга юборилди ва судлар томонидан тегишли жазолар тайинланди.

Алимент қарзини тўлашдан бўйин товлаган ва маъмурий жавобгарликка тортилганидан сўнг ҳам ўзига тегишли хулоса чиқармаган 4 нафар қарздорга нисбатан эса Ўзбекистон Республикаси Жиноят кодексининг 122-моддаси билан жиноят ишлари қўзғатилган.

Мазкур йўналишдаги ишлар давом эттирилмоқда.

С.С.Кушмоков
Бюронинг  Бешарик туман бўлими бошлиғи.