2022-08-31 15:48:19
Бир фарзандсиз аёл ўз уйида илон боқарди. У ҳаммага "илони" жуда ўзига вафодор эканлигини, ҳеч қачон ёлғиз қўймаслигини хатто у билан яшаб- фарзандсизлиги ҳам сезилмаслигини, кечалари ҳам ёнида ётишини айтиб мақтанарди.
Илони ўсган сари аёл уни бўйнига осар, бўйини қаричлаб жуда қувонарди.
Бир куни илон касал бўлиб қолди.
Аёлнинг дарди-дунёси қоронғу бўлди. Аҳир фарзандидек бўлиб қолган, мўлтираб ётган илонига овқат берса емас, фақатгина ёнига узун бўлиб ётиб олганча бош кўтариб, думигача қараб қўярди. Аёл ҳайрон бўлди:
-Балки у фарзанд туғишни истаётгандир?!
-Балки унинг ўлими яқиндир?!
-Балки мендан ҳафадир?!
Аёл худди шу саволларини илонни уринтирмай, ўзи уйига чақирган ветеринарга ҳам берди:
-Мен усиз яшолмайман, аҳир у мен билан беш йилдан бери бирга яшаб, фарзандимдек бўлиб қолган-ку!
Ветеринар илонни кўздан кечирди. Ҳеч қандай касаллик аломатини ҳам кўпайиш белгисини ҳам учратмади, илон ёлғизликдан сиқилиб қолган ҳам эмасди.
-Майлими то тушлик вақтигача уйингизда бўлиб турсам?!
Аёл ветеринарга розилик билдирди.
У ҳам ўз вақтида илоннинг харакатларини кузатди. Илон дивандан осилиб, чўзилишни машқ қилди, кейин букилиб-бўшаша бошлади. Аёл ёнига ётганда эса узала тушиб ётиб, бошини кўтариб, атрофга термулди.
Доктор қўрқиб кетди: чунки илоннинг такрорлаётган ҳаракатлари ошқозонни бўшатиш ҳаракатларига ўхшаб кетарди.
-Илонингиз касал эмас, у кўпайишни режалаштираётгани ҳам йўқ. У сизни ютишга тайёргарлик кўряпти, мен уни кузатиб шу ҳулосага келдим. Ҳар ёнингизга узала тушиб, бош кўтараётганида тушундимки, у сизнинг бўйингизни ўлчаяпти, овқат емаётганини сабаби эса катта ўлжага ошқозонидан жой бўшатяпти. Тезлик билан ундан қутулинг!
Аёл бу гапларга ишонмади. Лекин ўша ветеринарнинг гапига кириб, уни ҳайвонот боғига топширди.
Ўша куниёқ илони оғирлиги одам вазнига тенг бўлган зебра боласини ютиб юборгани ҳақида унга ҳабар берилди.
@Beozorginam_uz
473 views Ismoilovna , 12:48
B
