ФИДОКОРОНА МЕҲНАТЛАРИ ЭЪТИРОФ ЭТИЛГАН ҲАМЮРТЛАРИМИЗ ТАҚДИРЛАНДИ
Бугун Навоий вилояти ҳокимлигининг тантаналар уйида Президент фармонига асосан Мустақиллигимизнинг қутлуғ 31 йиллиги муносабати билан тақдирланган бир гуруҳ ҳамюртларимизга давлатимизнинг юксак мукофотлари тантанали топширилди.
Тантанали тадбирда давлатимиз мадҳиясига ҳурмат бажо келтирилганидан сўнг вилоят ҳокими вазифасини бажарувчи Нормат Турсунов нутқ сўзлаб, бу йил ҳам бир гуруҳ юртдошларимизнинг ҳалол ва виждонан қилган меҳнатлари эътироф этилганини таъкидлади.
Шундан сўнг навоийлик 13 нафар турли соҳа вакилларига «Меҳнат шуҳрати» ва «Дўстлик» орденлари, «Содиқ хизматлари учун», «Жасорат», «Шуҳрат» ҳамда «Келажак бунёдкори» медаллари тақдим этилди. Шунингдек, маҳаллаларнинг жамиятдаги ролини оширишга ўз ҳиссасини қўшиб келаётган 16 нафар фаол, ташаббускор фуқаролар ва жамоатчилик тузилмаларининг вакилларига “Маҳалла ифтихори” кўкрак нишони топширилди.
Навоий вилояти ҳокимлиги
ахборот хизмати.
