2023-01-06 09:30:54
#juma
Juma namoziga piyoda borishning fazli
Imron ibn Husayn roziyallohu anhumodan rivoyat qilinadi:
“Rasululloh sollallohu alayhi vasallam: “Kim juma kuni gʻusl qilsa, uning gunoh va xatolari kechiriladi. Namozga yura boshlasa, har bir qadamiga yigirmata hasanot, savob beriladi. Namozni ado etib qaytayotgan paytida ikki yuz yillik amallar savobi bilan mukofotlanadi”, – dedilar”.
Tabaroniy rivoyat qilgan.
Avs ibn Avs Saqafiydan rivoyat qilinadi:
“Nabiy sollallohu alayhi vasallam:
“Kim juma kuni yuvsa va gʻusl qilsa, soʻngra erta borsa, (piyoda) yursa, (imomga) yaqinroq oʻtirsa va tinglasa, jim oʻtirsa, uning har bir qadamiga bir yilning amali roʻzasi va bedorligining ajri berilur”, dedilar”.
Avs ibn Avs Saqafiydan rivoyat qilinadi:
“Nabiy sollallohu alayhi vasallam: “Kim juma kuni yuvsa va gʻusl qilsa, soʻngra erta borsa, piyoda yurib, (ulov) minmasa, imomga yaqinroq oʻtirsa va tinglasa, behuda (harakat) qilmasa, uning har bir qadamiga bir yilning amali berilur, uning roʻzasi va bedorligining ajri berilur”, – dedilar”.
Abu Dovud rivoyat qilgan.
Manba: https://islom.uz/maqola/9024
@Bekatdagilar
16 views ᎪʙduLvᴏhid Nᴏrqulᴏv , 06:30