BUGUNGI

2023-03-29 10:26:30 30 март куни кутилаётган об-ҳаво маълумоти

Республика Гидрометеорология марказининг хабар беришича, 30 март куни Тошкентда ҳаво ўзгариб туради, вақти-вақти билан ёмғир ёғиб, момақалдироқ бўлиши мумкин. Шарқдан секундига 5-10 метр тезликда шамол эсади. Кечаси 11-13, кундузи 20-22 даража илиқ бўлади.

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 7-12, кундузи 25-30 даража илиқ бўлади.

Бухоро ва Навоий вилоятларида ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 9-14, кундузи 24-29 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, айрим жойларда ёмғир ёғиб, момақалдироқ бўлиши мумкин. Шарқдан секундига 7-12 метр тезликда шамол эсади. Кечаси 9-14, кундузи 20-25 даража илиқ бўлади.

Қашқадарё ва Сурхондарё вилоятларида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Кечаси 10-15, кундузи 25-30 даража илиқ бўлади.

Андижон, Наманган ва Фарғона вилоятларида ҳаво ўзгариб туради, айрим жойларда ёмғир ёғиб, момақалдироқ бўлиши мумкин. Шарқдан секундига 7-12 метр тезликда шамол эсади. Кечаси 7-12, кундузи 20-25 даража илиқ бўлади.

Республикамизнинг тоғолди ва тоғли ҳудудларида ҳаво ўзгариб туради, вақти-вақти билан ёмғир ёғиб, момақалдироқ бўлиши мумкин, баланд тоғли ҳудудларда ёғаётган ёмғир қорга айланиши мумкин. Тошкент вилоятининг 2000 метрдан баланд тоғли туманларида қор кўчиши хавфи бор. Шарқдан секундига 7-12 метр тезликда шамол эсади. Кечаси 4-9, кундузи 10-15 даража илиқ бўлади. Ochish/sharhlash

2023-03-29 10:01:38 #Диққат

Ўрта Осиёда эрталабдан бери 6 та зилзила содир бўлди

Соат 03:03 да Афғонистонда 3,7 магнитудали;
Соат 05:18 да Афғонистонда 4,4 магнитудали;
Соат 05:35 да Афғонистонда 3,9 магнитудали;
Қирғизистонда соат 06:43 да 3,8 магнитудали;
Соат 07:15 да Афғонистонда 4,1 магнитудали;
Соат 10:22 да Тожикистонда 4 балл. Ochish/sharhlash

2023-03-29 08:50:45 2022 йил охирига келиб АҚШ Европа Иттифоқига асосий нефть етказиб берувчига айланди, Россия эса унинг улушини 31 фоиздан 4 фоизга қисқартирди.

Бундай маълумотлар Европа статистика агентлиги Eurostat томонидан тақдим этилган. Ochish/sharhlash

2023-03-29 08:43:24 ДХХ: Қувасойда табиий газдан ноқонуний фойдаланиш ҳолати аниқланди

Давлат хавфсизлик хизматининг Фарғона вилояти бўйича бошқармаси, “Ҳудудгаз Фарғона” газ таъминоти филиали ва “Ўзбекнефтгазинспекция” Фарғона вилоят бўлими ходимлари томонидан ўтказилган тадбирда Қувасой шаҳрининг Ўрмиён қишлоғида табиий газдан ноқонуний фойдаланиш ҳолати аниқланди.

Жумладан, маҳаллий хусусий корхона томонидан ҳеч қандай ҳужжатларсиз, яширин равишда табиий газга уланиб, 3 та хумдонда 72 та ясама газ ёндиргичлар орқали оҳак ишлаб чиқарилган.

Мутахассисларнинг дастлабки ҳисоб-китобларига кўра, ўтган йилнинг июнь ойдан жорий йилнинг март ойига қадар 18 млн. 314 минг м³ табиий газдан қонунга хилоф равишда фойдаланиш натижасида давлат манфаатларига 18 млрд. 314 млн. сўмлик зарар келтирилган.

Ҳолат юзасидан ДХХ Фарғона вилояти бўйича бошқармаси томонидан жиноят иши қўзғатилган.

uzauz Ochish/sharhlash

2023-03-29 08:04:42 #Расман

ЙПХ ходимларига наркотестердан фойдаланишга рухсат берилди

Ҳайдовчининг гиёҳвандлик ва психотроп моддалар таъсирида эканлигини аниқлашда наркотестердан фойдаланилади. Бу бўйича тегишли қонун қабул қилинди. Ochish/sharhlash

2023-03-29 08:03:40 #Диққат
Ўқитувчилар ойлиги май ойидан бошлаб оширилади

2023 йилнинг 1 май ойидан бошлаб буджет ташкилотлари ходимларининг иш ҳақи миқдори 7 фоизга оширилади оширилади.

Май ойидан оширилган ойликлар бўйича ҳисобланганда педагог ходимлар қуйидагича ойлик оладилар:

Мутахассис — 2 755 655 сўм (+180 276 сўм)
Олий тоифа — 3 798 940 сўм (+ 248 529 сўм)
Биринчи тоифа — 3 437 739 сўм (+224 899 сўм)
Иккинчи тоифа — 3 085 098 сўм (+ 201 829 сўм)
Ўрта махсус маълумотли — 2 575 883 сўм (+168 516 сўм) Ochish/sharhlash

2023-03-29 05:22:04 Саудияда ёниб кетган Умра зиёратчилари орасида ўзбекистонликлар борми?

Бироз аввал, бугун Саудия Арабистонида Умра зиёратчилари кетаётган автобус ҳалокатга учрагани тўғрисидаги хабар берган эдик.
Саудия Арабистонидаги мутасаддилардан олинган маълумотга кўра, ушбу автобусда ўзбекистонлик зиёратчилар мавжуд бўлмаган. Бу ҳақда Мусулмонлар идораси маълум қилди.

"Аллоҳ таоло ушбу талофатда вафот этганларни Ўз раҳматига олсин, жароҳат олганларга тезроқ шифои комил берсин" дейилади хабарда.

Эслатиб ўтамиз, 27 март куни яманлик йўловчилар бўлган автобус Саудия Арабистонининг Абҳа шаҳридаги кўприкдан ўтаётган вақтда тормоз тизимидаги носозлик сабабли енгил автомобил билан тўқнашиб ёниб кетган. Ушбу машъум ҳодиса оқибатида 20 киши ҳалок бўлган, 29 киши тан жароҳати олган. Ochish/sharhlash

2023-03-28 22:38:58 Президент фармони билан 1 апрелдан пенсия ва нафақалар миқдори, 1 майдан меҳнатга ҳақ тўлаш миқдорлари оширилмоқда Ochish/sharhlash

2023-03-28 22:29:34 Сел келиши мумкин бўлган ҳудудлар эълон қилинди

"Ўзгидромет"га кўра, 29-31 март кунлари кучли ёғингарчилик ва сел келиш хавфи мавжуд.

Қашқадарё в: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманлари;

Сурхондарё в: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музработ туманлари;

Самарқанд в: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманлари;

Навоий в: Хатирчи, Навбаҳор, Нурота, Конимех, Кармана туманлари;

Жиззах в: Зомин, Бахмал, Ғаллаорол, Шароф Рашидов, Фориш, Янгиобод туманлари;

Тошкент в: Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманлари, Ангрен, Олмалиқ шаҳри;

Наманган в: Поп, Косонсой, Чортоқ, Чуст, Наманган, Янгиқўрғон туманлари;

Фарғона в: Сўх, Шоҳимардон, Фарғона, Бешариқ туманлари;

Андижон в: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари, Хонобод шаҳри. Ochish/sharhlash

2023-03-28 22:27:43 Ochish/sharhlash