BBA | Sirdaryo viloyati

Kanal manzili:

Toifalar: Kattalashtirilmagan

Til: Oʻzbek tili

Obunachilar: 742

Kanalning ta’rifi

Bilim va malakalarni baholash agentligi Sirdaryo viloyati boʻlimining rasmiy telegram kanaliga hush kelibsiz!
Murojaatlar, takliflar va savollarni shu yerga yuboring @sirdaryodtm_bot

▲ Vote (1)

Ratings & Reviews

3.67

3 reviews

Reviews can be left only by registered users. All reviews are moderated by admins.

5 stars

4 stars

3 stars

2 stars

1 stars

Oxirgi xabar

2023-03-03 17:42:48 Ona tili va adabiyot fanidan tavsiya etiladigan adabiyotlar ro‘yxati

2023-yil 30-aprel kuni ona (o‘zbek, rus, qoraqalpoq) tili va adabiyot fanidan milliy sertifikat uchun navbatdagi test sinovlari bo‘lib o‘tadi.

Test sinovi uchun talabgorlarni ro‘yxatga olish 3-apreldan 16-aprelga qadar my.dtm.uz sayti orqali amalga oshiriladi.

Talabgorlar ona (o‘zbek) tili va adabiyot fanidan test sinovlariga puxta tayyorgarlik ko‘rishlari uchun o‘qish tavsiya etiladigan adabiyotlar ro‘yxati shakllantirildi.

Tavsiya etiladigan adabiyotlar ro‘yxati:

“Dunyoning ishlari” qissasi (O‘tkir Hoshimov).
“Ruhlar isyoni” dostoni (Erkin Vohidov).
“Qorako‘z majnun” hikoyasi (Said Ahmad).
“Hayotga muhabbat” hikoyasi (Jek London).
“Hellados” hikoyasi (Nodar Dumbadze).

Rus tili va adabiyot hamda qoraqalpoq tili va adabiyot fanlaridan tavsiya etiladigan adabiyotlar ro‘yxati o‘zgarmaydi. Ular bilan test spetsifikatsiyada tanishishingiz mumkin.

Agentlikning rasmiy sahifalari:
Telegram | Facebook | Instagram | YouTube

74 views14:42

Ochish/sharhlash

2023-03-03 15:36:13

Oliy taʼlim, fan va innovatsiyalar vazirligining logotipi bilan tanishing

Oliy ta’lim, fan va innovatsiyalar vazirligining logotipi mamlakatimizda amalga oshirilayotgan ta’lim, ilm-fan va innovatsiyalar sohasidagi tub yangilanishlar, shuningdek, mazkur sohalarning taraqqiy ettirilishidan ko‘zda tutilgan katta maqsadlarni ifodalaydi.

Logotipning umumiy koʻrinishida Prezident Shavkat Mirziyoyevning gʻoyalari asosida “ilm-fan va innovatsiyalar uyi” sifatida barpo etilgan, bugungi kunda Oliy taʼlim, fan va innovatsiyalar vazirligi joylashgan yangi, zamonaviy bino aks ettirilgan.

Logotip oʻrtasidagi unib-oʻsayotgan yorqin yashil rangli nihol mamlakatimizda talabalar, izlanuvchan va tadqiqotchi yoshlarni qoʻllab-quvvatlashga yoʻnaltirilgan davlat siyosatini ifodalaydi. Uning atrofidagi doiralar quyosh shaklida niholga nur taratmoqda. Bu – ilm-fan nuridir. Shu bilan birga nihol va nur innovatsiyalar ramzi boʻlmish chiroq shaklini ham eslatadi.

Mazkur timsollar tevaragida bilim manbai boʻlmish kitoblar tarhi tasvirlangan.

Logotipning ust qismidagi qalin chiziq – mamlakatimizda oliy taʼlim, fan va innovatsiyalar ravnaqi davlat himoyasi ostida ekanini urgʻulaydi. Qobiq ustida joylashgan Oʻzbekiston Respublikasi davlat bayrogʻi tasviri ushbu gʻoyani tugal aks ettiradi. Logotipning pastki qismidagi eshik taʼlim va ilm-fan eshigi yurtimizning barcha aholisiga ochiq ekanini anglatadi.

Logotipning asosiy ranglari moviy va yashil boʻlib, moviy rang – samoning timsoli, yashil rang esa unib-oʻsish, yangilanish va kamolga erishishni ifodalaydi.

79 views12:36

Ochish/sharhlash

2023-03-03 07:39:20 Arab tilini bilish darajasini aniqlashning ko‘p darajali tizimi bo‘yicha diagnostik test sinovi (mock exam)

2023-yil 17-mart kuni Ilmiy-o‘quv amaliy markazi tomonidan arab tilini bilish darajasini aniqlashning ko‘p darajali tizimi (multilevel) bo‘yicha diagnostik test sinovi (mock exam) o‘tkaziladi.

Test sinovi Toshkent shahrida tashkil etiladi va unda ro‘yxatdan o‘tgan holda tegishli to‘lov (100 000 so‘m) ni amalga oshirgan talabgorlar ishtirok etishlari mumkin bo‘ladi.

Talabgorlarni ro‘yxatga olish my.dtm.uz saytining “Ilmiy markaz” bo‘limi orqali 11-mart kuni 9:00 ga qadar (to‘lov qilish — 12-mart 10:00) amalga oshiriladi.

Murojaat uchun telefonlar:
(95) 515-68-68
(95) 507-70-72

@IlmiyMarkazUz

106 views04:39

Ochish/sharhlash

2023-03-02 09:46:47 Ona tilidan yozish ko‘nikmasini baholash bo‘yicha malaka oshirish kursi

27-fevralda o‘tkazilishi rejalashtirilgan “Ona tilidan yozish ko‘nikmasini baholash” bo‘yicha malaka oshirish kursi 6-mart kuniga ko‘chirildi.

Malaka oshirish kursi 24 soatga mo‘ljallangan bo‘lib, 6-mart kunidan Zoom platformasi orqali onlayn tarzda bo‘lib o‘tadi.

Malaka oshirish kursi uchun talabgorlarni ro‘yxatga olish my.dtm.uz sayti orqali 5-mart kuniga qadar amalga oshiriladi.

Unda tinglovchilarga ona (o‘zbek) tilidan yozish ko‘nikmasini baholash bo‘yicha nazariy va amaliy mashg‘ulotlar o‘tkaziladi.

Kursni muvaffaqiyatli tamomlagan talabgorlar shartnoma asosida Ilmiy-o‘quv amaliy markaziga ekspert sifatida jalb etilishi mumkin.

Murojaat uchun telefon: (95) 507-70-72.

@IlmiyMarkazUz

116 views06:46

Ochish/sharhlash

2023-03-02 09:46:47 Ingliz tilini bilish darajasini aniqlashning ko‘p darajali tizimi bo‘yicha diagnostik test sinovlari (mock exam)

2023-yil 17-mart kuni Ilmiy-o‘quv amaliy markazi tomonidan ingliz tilini bilish darajasini aniqlashning ko‘p darajali tizimi (multilevel) bo‘yicha diagnostik test sinovlari (mock exam) o‘tkaziladi.

Test sinovlari barcha hududlarda tashkil etiladi va unda ro‘yxatdan o‘tgan holda tegishli to‘lov (100 000 so‘m) ni amalga oshirgan talabgorlar ishtirok etishlari mumkin bo‘ladi.

Talabgorlarni ro‘yxatga olish my.dtm.uz saytining “Ilmiy markaz” bo‘limi orqali 11-mart kuni 9:00 ga qadar (to‘lov qilish — 12-mart 10:00) amalga oshiriladi.

Murojaat uchun telefon: (95) 515-68-68

@IlmiyMarkazUz

91 views06:46

Ochish/sharhlash

2023-03-02 09:43:10 Hurmatli abituriyentlar! Diagnostik testlar orqali o‘z bilimingizni sinab ko‘ring

Repetitsion-diagnostik test sinovlari o‘quvchilar (abiturientlar)ga nima beradi?

o‘quvchilar (abituriyentlar) o‘zining bilimini oliy taʼlim muassasalariga kirish imtihonlarigacha sinovdan o‘tkazib boradi;

oliy taʼlim muassasalariga kirish test sinovlariga o‘zini ruhan tayyorlab boradi;

javoblar varaqasini to‘gʼri rasmiylashtirish tartibini o‘rganadi;

test savollari tuzilishi metodikasini o‘zlashtirib boradi;

test natijasi asosida noto‘gʼri deb topilgan savollar ustida qayta ishlaydi va o‘z bilimini mustahkamlab boradi.

Hurmatli abituriyentlar va bitiruvchi yoshlar!

Siz ham oliy taʼlim muassasalariga o‘qishga kirishga tayyorgarlik koʼrishni va bilimingizni sinovdan o‘tkazib borishni istaysizmi?

Unda sizga, Bilim va malakalarni baholash agentligining my.dtm.uz platformasi orqali ro‘yxatdan o‘tib repetitsion-diagnostik test topshiriqlariga buyurtma berishingizni tavsiya etamiz.

Vaqt kutib turmaydi…

@bbasirdaryo

42 views06:43

Ochish/sharhlash

2023-03-02 08:04:53 Abituriyentlarning kasbiy (ijodiy) imtihon ballari OTM tomonidan pasaytirilgan

O‘zbekiston Respublikasi Bosh prokuraturasi tomonidan 145 nafar abituriyent talabalikka qabul qilinib, ularning buzilgan huquqlari tiklangani haqida ma’lumot e’lon qilindi.

Unda:

O‘zbekiston davlat jismoniy tarbiya va sport universitetining Farg‘ona filialida o‘tkazilgan kasbiy (ijodiy) imtihon natijalari o‘rganilib, 356 nafar (shundan, qo‘shilgan 322, kamaytirilgan 34) abituriyentning haqiqatda to‘plagan ballariga soxta yozuvlar kiritilgani;

velosport yo‘nalishida abituriyent D.Bakirovning haqiqatda to‘plagan 105,2 bali soxtalashtirilib, Davlat test markazining elektron maʼlumotlar bazasiga pasaytirilgan 67,4 ball kiritilishi oqibatida talabalikka tavsiya etilmagani;

idoralararo ishchi guruhi tomonidan har bir abituriyent natijasi qayta ko‘rib chiqilib, asossiz ravishda talabalikka qabul qilinmasdan qolgan 145 nafar (3 nafar davlat granti va 142 nafar to‘lov-kontrakt) abituriyentni talabalikka tavsiya etish haqida qaror qabul qilingani;

filialning sobiq direktori R.Rasulov va qabul komissiyasi masʼul kotibi M.Muxriddinovga nisbatan Jinoyat kodeksining tegishli moddalari bilan jinoyat ishi qo‘zg‘atilgani qayd etilgan.

Lekin ayrim telegram kanallarda Bosh prokuratura tomonidan e’lon qilingan ma’lumotlar boshqacha talqin qilinib, abituriyentlarning ballari DTM saytida qasddan pasaytirilgan degan ma’lumotlar berilmoqda. Natijada ko‘pchilikda abituriyentlarning ballari DTM tomonidan pasaytirilgan degan fikr yuzaga kelmoqda. Bu butunlay noto‘g‘ri.

Aslida holat quyidagicha:

Kasbiy (ijodiy) imtihonlar oliy ta’lim muassasa (OTM)lari tomonidan o‘tkaziladi.

Abituriyentlarning kasbiy (ijodiy) imtihonda to‘plagan ballari OTM mas’ullari tomonidan soxtalashtirilgan.

Kasbiy (ijodiy) imtihon natijalari DTMning elektron ma’lumotlar bazasiga OTM qabul komissiyasi tomonidan pasaytirilgan holda kiritilgan, DTM tomonidan emas.

Bosh prokuratura tomonidan e’lon qilingan ma’lumotda kimlarga nisbatan Jinoyat ishi qo‘zg‘atilgani aniq keltirilgan.

Izoh: Davlat test markazi negizida Bilim va malakalarni baholash agentligi tashkil etilgan.

Agentlikning rasmiy sahifalari:
Telegram | Facebook | Instagram | YouTube

93 views05:04

Ochish/sharhlash

2023-03-01 09:45:07 Chet tili imtihoni sanalari e’lon qilindi

Chet tilini bilish darajasini aniqlash bo‘yicha mart oyida bo‘lib o‘tadigan test sinovi sanalari e’lon qilindi.

Unga ko‘ra test sinovining yozma qismi 4-5-mart kunlari, gapirish ko‘nikmasini baholash imtihonlari esa 9-11- va 13-17-mart kunlari bo‘lib o‘tadi.

Test sinovlari barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etiladi.

Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat va ruxsatnoma bilan kelishlari so‘raladi.

Agentlikning rasmiy sahifalari:
Telegram | Facebook | Instagram | YouTube

90 views06:45

Ochish/sharhlash

2023-03-01 07:23:56

Prezident farmoni bilan 2023-yil uchun mo’ljallangan davlat dasturi qabul qilindi.

Farmon matni:
https://uza.uz/posts/458522

@xushnudbek

102 views04:23

Ochish/sharhlash

2023-02-28 13:55:27 Umumta’lim fanlaridan milliy sertifikat imtihonlarini o‘tkazish grafigi

Ma’lumki, 2023-yil 19-fevral kuni barcha hududlarda matematika va biologiya fanlaridan milliy sertifikat imtihonlari o‘tkazildi.

2023-yilning 1-yarmida kimyo, fizika, ona tili va adabiyot, tarix hamda geografiya fanlaridan milliy sertifikat imtihonlarini o‘tkazish rejalashtirilgan.

Talabgorlarning murojaatlaridan kelib chiqqan holda 2023-yilning 1-yarmi uchun milliy sertifikat imtihonlarini o‘tkazish grafigi ishlab chiqildi.

Unga ko‘ra kimyo va fizika fanlaridan:

ro‘yxatga olish — 23-fevraldan 8-martgacha;
test sinovlari — 2-aprel kuni;

ona (o‘zbek, rus, qoraqalpoq) tili va adabiyot fanidan:

ro‘yxatga olish — 3-apreldan 16-aprelgacha;
test sinovlari — 30-aprel kuni;

tarix va geografiya fanlaridan:

ro‘yxatga olish — 24-apreldan 7-maygacha;
test sinovlari — 21-may kuni o‘tkaziladi.

Talabgorlarni ro‘yxatga olish my.dtm.uz saytining “Milliy sertifikat” bo‘limi orqali amalga oshiriladi.

Agentlikning rasmiy sahifalari:
Telegram | Facebook | Instagram | YouTube

119 views10:55

Ochish/sharhlash

BBA | Sirdaryo viloyati

Ratings & Reviews

Oxirgi xabar

Bog‘langan kanallar

Qarindosh suhbatlar

Bog‘langan kanallar

Login