2022-06-21 07:22:22
Xalq, bizda algoritm buzilgan. Tizim boshidan xato. Bilasizmi nega? Chunki hammada bir xil algoritm. "Qulay, xavfsiz, sinovdan o'tgan, an'anaviy, oilaviy qadriyatlarga ko'ra qurilgan" turdagisi. Bilmadim odamlar qanchalik baxtli yoki hayotidan qoniqqan bu yo'lda, lekin menga doim atrofdagilar
"Bo'ldi endi, shunga ko'nishga majbur" dek tuyulaveradi. Hamma narsada.
Masalan, ish. Eng muammoli masala. Erkinlik to'laqonli qo'lida emas ko'pchilikni kelajakdagi sohasini tanlash borasida, otasi yoki onasi istagani uchun, bobosi shu kasbda bo'lgani uchun yoki yaqin do'sti shuni tanlagani uchun, yo bo'lmasa bugungi kunda trend bo'lgani uchun aynan o'sha sohani tanlaydi. Keyin-chi?
Qiziqish aslida nolga teng, sohaga bo'lgan muhabbatni m harfi ham yo'q, yilllar o'tadi, ish tufayli stress xronikal ko'rinishda avj oladi, mental muammolar, hayotidan qoniqmaslik, hech qayerga sig'maslik. Va hokazolar.
Hammamizga bir xil algoritm o'qitilgan. 6-7 yoshgacha bog'cha,
7-17 yoshgacha maktab,
17-19 kirsang kirding universitetga bo'lmasa erga tegasan/Rossiyaga ketasan,
18-19 tabriklaymiz talabalik muborak,
19-22 mana endi o'qishniyam bitirding, endi ish top,
22-26 oila qurish vaqting keldi, bo'lmasa kech qolasan,
26-30 oila bilan ishni muvozanatda saqlolmasang nima qilasan ishlab, yig'ishtir.
30-45 axir men sizga aytdimku ishimga aralashmang deb oyi/dada, men yosh bolamasman, boring chiqib keting,
45-50 nega dorilarizni vaqtida ichmadiz, kasallik qo'zg'alibdi, endi davolanishingiz kerak.
50-60 rosa ko'p gapiradigan bo'p qogansiz, tinchgina uyda ovqatizni yeb televizor ko'rib yotavermaysizmi.
60-70 buvi/bobo, biz ko'chib ketarkanmiz, dadam aytdi, sizni ammamlarnikiga tashlab ketarkanmiz.
70-75 qayerda xato qildim? Qayerda qoldi meni orzularim? Yashab ulgurdimmi? Tirikligimni his qildimmi?
75-85 "Biz sizni abadiy qalbimizda saqlaymiz, onajon/otajon, hurmat bilan farzandlaridan".
Shumi sizni zinalarangiz?
Shunaqa hayotni orzu qilasizmi?
"Nimayam derdim, bu hayot-da" demang, bobo-buvingiz, ota-onangiz hayotini takrorlamoqchi emasliginizni yaxshi bilasiz o'zingiz ham, lekin nega yana shu zinadan yuribsiz?
Ha bilaman. Bizga bir xil retsept berib qo'yishadi-da, shundan har xil ovqat chiqarib berishimizni so'rashadi, Qanday qilib qalampirdan shakar choy tayyorlash mumkin axir? Siz retseptni o'zgartiring. Eskirdi haligi ajdoddan avlodga o'tib kelayotgani. Siz yangi nimadirlar qo'shishingiz kerak, taom tayyorlash usulini o'zgartirishingiz kerak. Shunda sizdan yaxshi oshpaz chiqadi.
Oilangizdagilar ma'qullamagani uchun, yoki hamma sizga qarshi chiqqani uchungina taslim bo'lib qo'ya qolmang.
Unutmang, sizning qarorlaringizdan keyin hammasi mutlaqo o'zgarishi mumkin. Zinalar, algoritm, retsept. Hayot.
Xullas,
Yangilik,
O'zgartirish
Kiritishdan
Qo'rqmang.
@baxtni_hudo_beradi
266 viewsЖАВОҲИР АБДУСАЛИМОВ, 04:22