2022-09-01 10:23:53
Nogoh salqin keldi avgust soʻngida,
Yomgʻir yogʻib oʻtdi bugun ertalab.
Ertalab - sabrning koʻzi oʻngida –
Men sening ismingni aytdim erkalab.
Nogohon oʻzgarish etdimi ta’sir,
Yo salqin xotirang yetdi – bilmadim:
Koʻnglimni ertalab etmadim tahrir -
Erkalab ismingni aytdim. Yigʻladim.
Tushindim - taqdiring ishin yuritgan
Beyurak royishlar haqlidir, haqli.
Oʻyladim: - Albatta, meni unitgan! -
Albatta, baxtlidir! Albatta, baxtli!
Asli bu mung nechun? Taqdir hal boʻlgan.
Umrdan necha kun qoldi? Bilmadim.
Sensiz oʻlmogʻimga qismatim koʻngan...
Baribir yigʻladim.
Usmon Azim
@baxtlilaruchu
134 viewsXurshidbek Dovronov , 07:23
B
