Аёл виқорли бўлиши керак, виқорки киборга қоришиб кетмаган...
Аёл сабрли бўлиши керак. Сабрки, эвазига жабр тортмайдиган. Ўзига зулм этмайдиган сабр...
Аёл рашкчи бўлиши керак. Рашкки, энг аввало ўзини ўзгалардан қизғонадиган...
Аёл қадрини билиши керак. Қадрки, ёпилган эшикни қайта тақиллатавермайдиган. Қадрлаганлар эшикни юзингизга қарсиллатиб ёпмайдилар...
Оқила Аёл дуч келганга меҳрини нисор этмайди. Осон эришилганни абгор этишлари осон...
Аёл омонатдор бўлиши керак. Ўзгаларнинг сирини, айниқса жуфтининг, овоза этмайдиган...
Аёл ҳаддини билиши керак. Ҳадки, ўзини Аллоҳ азиз қилган жуфтидан юқори қўймадиган...
Аёл маъсумаликка рози бўлиши керак, мазлумаликка эмас...
Аёл гул бўлиши керак. Бўлганда ҳам ЛОЛА каби бир гул. Бировга озори етмайдиган. Ҳар кимнинг ҳам қадами етиб, ифоридан баҳраманд бўла олмайдиган. Юксак манзилларни макон тутадиган...
https://t.me/baxtliayol_gulxayonorkulova
