2023-01-13 03:51:32
Faqat oʻzingga suyan.
Farzandlar aytadi “bizga suyaning” deb;
doʻstlar yelkasini tutadi;
tugʻishganlaring dalda berar:
— Biz bormiz!
Ularni xafa qilma: mayli, farzandlaring
bizga suyandi, deb oʻylasin;
doʻstlar yelkalarida sezsin qoʻlingni;
borligini his qilsin, tugʻishganlaring.
Ammo sen oʻzingga suyan.
Chunki inson juda ogʻir, juda ulkan,
osmonlar qadar yuksak — uni oʻzidan boshqa hech kim koʻtarolmaydi...
Usmon Azim
317 views꧁͜͡𖣐͜͡ȖṂἿƉᾋẊὋƝ͜͡𖣐͜͡꧂, 00:51