Bᴀхʀɪᴅᴅɪɴоꜰꜰ | Bʟᴏɢ

2022-12-28 07:01:53 Har bir yigit kishi qaytganda Vatan tuprogʻini oʻpib yuboradigan darajada musofirchilik koʻrishi kerak deb hisoblayman

#patriotizm Ochish/sharhlash

2022-12-25 14:43:34 «Ey nafs! Seni sen qilgan menman, meni ham men qilgan sen boʻlasan! Yo mening yoʻrigʻimga yurasan, hamrohim boʻlasan, yoki yoʻlimdan qochasan, men haq yoʻlida davom etaman!»

«Men (Bas qil, ey nafs!)» — Fotih Duman Ochish/sharhlash

2022-12-24 12:17:22 Bir-ikki ogʻiz marketing haqida

Hozirgi kunda asosan oʻquv markazlari, fast-food va kiyim doʻkonlari orasida raqobat kuchlidek nazarimda boshqalariga qaraganda.

Hamma kompaniya ham oʻzi uchun bir "fishka" yaratib olgan. Kimdir qadriyatli, kimdir professional, kimdir eco va yana kimdir bir nima.

Bu holat bir tomondan toʻgʻri. Har kim oʻzining kuchli tarafidan foydalanishga harakat qiladi, albatta. Lekin baʼzan jaa oshirvorisham yaramaydi.

Har kim oʻziga toʻgʻri yoʻnalish, toʻgʻri "fishka" topishi, undan foydalanishga arziydigan holatlarda foydalanishni yaxshi bilib olishi lozim.

Aks holda, kompaniya oʻziga ijtimoiy tarmoqlarda ortiqcha gap-soʻzlar va negativlar orttirib olishi mumkin.

@Baxriddinoff_Blog Ochish/sharhlash

2022-12-23 13:46:50 #erkinlikka_nima_yetsin

Mendan ko'ra ancha vatanparroq bo'lgan Rasul Kusherbayev deputatlik faoliyatini yakunladi. Shuningdek, bunday sharoitda ishlay olmasligini ma'lum qildi.

Mendayin o'ziga xon, o'ziga bek bo'lishni sevuvchi, hurriyat erkasini nega bunday qiynamoqchisiz? Tabiatan erkin va o'z fikrimga egaligimcha qolishni istayman!

@Baxriddinoff_Blog Ochish/sharhlash

2022-12-22 17:05:31 Siz qaysisiz? Men qaysiman?

Liviyalik olim doktor Aliy Sallobiy haqiqiy musulmon bilan radikal musulmonning farqini ajoyib tushuntirib beribdi:

1. Haqiqiy musulmon oʻz iymoni bilan mashgʻul boʻladi.
Radikal musulmon birovlarning iymoni bilan mashgʻul boʻladi.

2. Haqiqiy musulmon oʻzini va boshqalarni jannatga kirishi uchun harakat qiladi.
Radikal musulmon boshqalarni doʻzaxiy ekanini isbotlashga harakat qiladi.

3. Haqiqiy musulmon kishilarning xato va toyilishlarini kechirish uchun uzr qidiradi.
Radikal musulmon esa insonlarni jazolash va ularni gapirib yurish uchun ularning xatolari, ayblari va toyilishlarini qidirib yuradi. Ochish/sharhlash

2022-12-20 19:23:54 #nido

Hech kim tushunmayotgan yoki tushunishni xohlamagan paytda ham, Sen bizni tushunasan, Robbim!

Ahvolimizni oʻngla! Oʻzingdan oʻzgaga muhtoj qilma! Bizlarga eng toʻgʻri yoʻlni koʻrsat! Ochish/sharhlash

2022-12-19 17:19:30 ​Bilsangiz edi...

Nega yozmayapman?
Yozganlarim kerakli insonlarga yetib bormayotganligi uchundir balki!

Nega yozmayapman?
Oʻzimcha aqllilik qilib, boshingizni qotirib tashlamaslik uchundir balki!

Nega yozmayapman?
Yozishga yetarli darajada sabablar topolmayotganim uchundir balki!

Nega yozmayapman?
Yozishdan koʻzlangan asosiy maqsadni unutganligim uchundir balki!

Nega yozmayapman?
Siz toʻgʻri sarflashingiz lozim boʻlgan vaqtni tejash uchundir balki!

Nega yozmayapman?
"Bilmasang, gapirma!" aqidasiga amal qilayotganim uchundir balki!

Nega yozmayapman?
Shunchaki nimani kim uchun yozishni bilmayotganligim uchundir balki!

P/S. Kim aytdi yozish doimo oson boʻlgan deb? Bilsangiz edi, buning naqadar mashaqqat ekanini)) Ochish/sharhlash

2022-12-14 08:49:18 Ichingda gaping ko'pligini his qilib, uni birovlarga aytishga ehtiyoj sezmasang, shunda pishib yetilgan bo'lasan!

Jubron Xalil Jubron Ochish/sharhlash

2022-12-13 12:21:34 Hayot formulasi

Baxtli hayot formulasi: "Bas, kim Mening hidoyatimga erishsa adashmaydi va baxtsiz boʻlmaydi" (Toha surasi, 123-oyat)

Baxtsiz hayot formulasi: "Va kim Mening zikrim (Qurʼon)dan yuz oʻgirsa, bas, albatta, unga tor-tang hayot boʻladi" (Toha surasi, 124-oyat)

@Baxriddinoff_Blog Ochish/sharhlash

2022-12-11 18:00:20 Ota Ota — shunchaki seni dunyoga kelishingga sababchi boʻlgan oddiy bir inson emas! Ota — doimo sen uchun qaygʻuradigan, lekin baʼzida buni bilishingni xohlamaydigan inson! Ota — oʻzi koʻrmagan yoshlik, mehr va baxtni senga berishga harakat qiladigan inson!… Ochish/sharhlash