Batir Uralov

2022-07-10 05:25:28 Plan bajarildi.

Blogimga 50ta postni har kuni davomida yozishni maqsad qilib qoʻygan edim.

Qarasam 54ta post boʻlibdi. Orada 1-2 kun uzilish boʻldi lekin deyarli har kuni post chiqdi.

Toʻgʻri postlar qandaydir foydali manfaatli sizning hayotingizni oʻzgartirib yuboradigan darajada emasdir.

Sal fikrlashingizni oʻzgartirishga(albatta yaxshi tomonga)sababchi boʻlsa boʻldi.

Aslida oʻzi blogni hayotda nimagadir erishgandan keyin ochmoqchi edim. Blogda foydali tajribadan oʻtkan postlar boʻlishi kerak edi. Qarasam bu #xato ekan, ya`ni ideal vaqt kelmaydi.

Oʻzimga oʻzim kel hech boʻlmasa fikrlarimni, atrofdagi vaziyatlarga munosabatimni yozib boray dedimda, blogni ochdim.

Shu paytgacha son uchun ishladim, sababi 50ta post yozilishi kerak edi va plan ortigʻi bilan bajarildi.

Keyingisi, blog ochsam ideya qaydan keladi deb xavotir olmang, siz qadam qoʻysangiz yoʻl oʻzi ochiladi. #tajribamdan

P.s Bilaman hozircha obunachilar koʻp emas, lekin albatta qachondir yaxshigina obunachi boʻladi

@batiruralov Ochish/sharhlash

2022-07-09 04:42:39 Barchamizga Qurbon Hayiti muborak boʻlsin!

@batiruralov Ochish/sharhlash

2022-07-08 04:26:01 Geografiya darsligida qiziq holat.

Bilmaganizi soʻrashga yokida savolga taxminiy javobni aytishdan uyalmang.

Maktab paytida ustoz savol berganida birinchilardan javob berardim. 3ta partalar orasiga bizlarni qoʻyib bellashtirardilar. Oʻquvchilar savol berardi, javob bergan bitta qadam bosardi va birinchi qatorni oxiriga borgan oʻquvchi yutardi, kundaligiga 5 baxo. Aksariyatida men birinchilardan partalar oxiriga borardim . Oʻqituvchi metodikasiga gap yoʻq.

Keyin ustoz savoliga xato javob berishdan uyaladigan boʻlib qoldim. Bu tabiiy edi, aksariyat savollarga aniq va tezda javob beradigan oʻquvchi uchun.

6-sinfda geografiya fanidan savol boʻldi. Nimaga dunyoda suv tugab qolmaydi? Javobini taxmin qilardim lekin toʻgʻriligiga 100% ishonchim komil emasligi uchun aytgim kelmadi. Va hechkim javob bermagannan keyin ayttim "sababi suv dunyo boʻylab aylanib yuradimi" oxirida yuradimi dedim sababi aniq emas edi.
Ustozim "yuradimi emas yuradi de" bilgan narsangni aytishdan yoki taxmin qilishdan uyalma, bu senga keyingi hayotda pand berishi mumkin. Hechkim seni xato javob berganing uchun jazolamaydi. Va fikringni bildirishdan ham uyalma.

Voqelikga asoslangan 1-post.

P.s Siz nimadan uyalasiz yoki uyalgansiz?

@batiruralov Ochish/sharhlash

2022-07-07 05:37:45 Audio kitob.

Bundan sal avvalgi postda pdf va qogʻoz kitob haqida aytib oʻtgandim.

Endi esa audio kitob haqida gaplashamiz.

Audio kitob bizga yoʻlda juda qoʻl keladi. Lekin yoʻlda diqqat boʻlinishi mumkin. Har xil narsalarni oʻylaymiz ishni oʻqishni va boshqa muommolarni. Shu sabab audio kitobni esda qolishi sal qiyinroq. Bu men uchun boshqalar uchun bilmadim qanaqa. Bu har kim eshitish qobiliyatiga va diqqatga bogʻliq.

Audio kitobga oʻtishdan avval diqqatni jamlash mashqlarini 1-6oy mobaynida oʻrganganiz maʼqul. Buning qanchaligi har kimning oʻrgana olishiga bogʻliq.

Men oxirgi eshitgan audio kitobim Oʻtkir Hoshimov "Dunyoning ishlari"
Shaxsiy rivojlanish kitoblarini audio shaklida eshitish kamroq natija bersa kerak. Lekin badiiy asarlar ancha tushunarli boʻldi menga.

Eng katta + tarafi bu vaqt masalasida sizga yordam beradi.

Siz audio kitob eshitib turasizmi?

@batiruralov Ochish/sharhlash

2022-07-05 18:52:46 Vaqt.

Men hozir vaqt qadri va vaqtimiz kamligi haqida yozmoqchi emasman.

Hozirgi 1hafta 1kundek oʻtib ketayotgan bir paytda ishni vaqtida topshirish, uchrashuvga oʻz vaqtida borish oʻta muhimdir.

Va bizda #kasallik bor. Hali 2soatda boradigan joyimizga "hozir 5minutda boʻlaman" deb qoʻya qolamiz.

Bu birinchidan u insonga nisbatan hurmatsizlik boʻladi. Va oʻzimizning ham qadrimizni ular oldida tushishiga sabab boʻladi.

Agar aksincha ishni oʻz vaqtida yoki vaqtidan oldin topshirsangiz sizga +.
Biznesizda ham bunga eʼtibor qarating. Mijoz sifatida aytaman. Ikkita sifati bir xil Pizza boʻlsa, ulardan aynan tezroq yetib keladigan kompaniyani tanlayman va tavsiya qilaman. Men kabi mijozlar soni mingta. Bunga misollar koʻp: oʻquv markaz, fitness, kitob xarid qilishda asosiylaridan deb vaqtga eʼtibor qarataman.

Agar vaqtida topshira olishizga koʻziz yetmasa mijozga bu haqida eslating. Bu mijozning sizga ishonchini oshiradi.

P.s oʻsishni va hurmatga sazovor boʻlishni hohlaysizmi, vaqtga eʼtibor qarating! Bu juda muhim.

@batiruralov Ochish/sharhlash

2022-07-03 18:56:42 Bekor.

Sanʼatkorlarning shu kabi videolari millionlab muxlislarga ega.

Bir "narmalni" narsa aytsa ekan gap yoʻq.

Lekin 80-90% faxsh va zino, har xil boʻlmagʻur narsalar.

Men ham 2-3yil avval birinchilardan boʻlib koʻrar edim. Hozir esa bu kabi videolarga "не интересует "ni bosaman.

Birinchidan 2-3 soatlab vaqtingizni oladi. Bu vaqt ichida yarimta kitobni oʻqib tugatsa boʻladi. Foydasi bunnan karra karrasiga koʻproq.

Va bularni koʻrib oʻtiradiganlarni koʻrsam oʻsha gap asabim buziladi. Undan koʻra vaqtingni boshqa foydali narsalarga sarfla. Yoki oilanga.

Sizning bu kabi videolarga qarashingiz qanday?

P.s oxirgi paytlarda yaxshiroq, foydali post yozishga vaqtim boʻlmayapti lekin Iloji boricha har kuni post yozishga harakat qilyapman. Lekin sal boʻlsa ham manfaatli boʻldi deb oʻylayman.

@batiruralov Ochish/sharhlash

2022-07-02 11:35:09 Tarix.

Tarixni bilish qanchalik muhim yoki kerak.

Menimcha bu har xil kasb egalariga har xil darajada kerakdir.

Masalan, dasturchiga rim imperiyasi qulashi(1453) yoki Yuliy Sezar nechanchi yili vafot etgani(miloddan avvalgi 44-yilda) nimaga kerak.

Oʻqidingiz, bildingiz, nima oʻzgaradi.

Lekin men yaqin tarixni va har kim oʻzining tarixini yaxshi bilishi maʼqul deb oʻylayman. Ahamiyat bering, zoʻr darajada emas kerakli darajada.

Kimlar boʻlgan, qayerlarda yashagan, nimalar qilgan shularni bilishi zarur.

Va albatta ikkinchi jahon urushini bilmasak uyat.

Menga eng yoqqan tarixiy film bu "Otamdan qolgan dalalar". Bu film orqali millatimiz tarixini ancha tushunib yetasiz.

P.s tarix sizga qanchalik foydali boʻlgan?

@batiruralov Ochish/sharhlash

2022-07-01 21:39:10 Hozirgacha internetdan shu mavzuga aloqador videolarni koʻrib chiqdim.

Juda xavotirli. Hechkim bunaqasini kutmagan edi. Men ham juda xavotirdaman.

Meni qiynayotgan yoki hayron qoldirgani bular:

1.Nimaga bir xalqning millatning kelajagini ulardan soʻramasdan hal qilish mumkin?

2.Nimaga buni shu paytgacha OAV vakillari yoritmadi. Bugun miting boʻldi, lekin internetni qarasangiz bunga harakat ancha oldin boshlangan va OAVlarda hechnima yozilmagan. Menimcha ularga bu haqda yoritmaslikga buyruq kelgan. Bu bilan bir gʻazab ustiga gʻazab qoʻshiladi.
Oyni etak bilan yopib boʻlmaydi.

3. Tinch yashayotgan aholining bunaqa gʻazabiga duchor kelish yaxshi emasligini qovoqday kallasi bilan nimaga tushunmagan ekan. Yoki shu paytgacha indamagan bu yogʻiga ham indamaydi deb oʻylashganmi. Yaʼni qaysi kallasi bilan bu taklifni berishgan ekan.

Xulosa:

1.Birovning uyiha beruxsat kirilmagandek bir xalqning ham huquqlarini poymol qila olmaymiz.

2.Avval oʻyla keyin soʻyla emas ekan. Hozir, avval, yaxshilab, chuqur oʻyla keyin soʻyla ekan.

3. Koʻza kunda emas kunida sinadi

P.s Siyosatga aralashmaslikga harakat qilyapman lekin bu hodisalarga befarq boʻla olmadim.

@batiruralov Ochish/sharhlash

2022-07-01 20:41:36 Yana shuni ham aytib oʻtish joizki, miting va qonunga qarshi ishlar bilan natijaga erishib boʻlmaydi, erishsak ham oqibati faqat va faqat zarar boʻladi.

Provakaciyaga berilish juda yomon, provakaciya chet davlatlar orqali qilinadi. Ularning maqsadi faqat tinchligimizni buzish. Muommoni qonuniy yoʻl bilan hal qilaylik, tinch totuv bir millat boʻlib yashaylik.

@batiruralov Ochish/sharhlash

2022-07-01 20:11:25 #Qoraqalpogʻiston respublikasi.

#Qoraqalpogʻiston respublikasi haqida batafsil.

Mitinga nima sabab boʻlgan.

Konstitutsiya 74-statyasiga oʻzgarish kiritish boʻyicha. Yaʼni Qoraqalpogʻiston respublikasi suveren maqomini olib tashlash taklifi berilgan.

Tabiiyki bunga #Qoraqalpogʻiston xalqi norozilik bildirdi.

Va 74-statyada suveren maqomi saqlanib qolsin oʻzgarish kiritilmasin biz #Uzbekistan ning bir viloyati boʻlmaymiz deb, chiqdilar.

Bir tomondan ularniki toʻgʻri. Ularni tushunish uchun, siz oʻzingizni ularning oʻrniga qoʻyib koʻring.

Menimcha #Uzbekistan ga bundan manfaat ham yoʻq.

P.s navbatdan tashqari post.

@batiruralov Ochish/sharhlash