2022-07-25 10:49:27
"Erkaklik hayf ..."
(Erkaklar o'qisin..)
Ayoli ila yashaydigan, ammo ayoli oʻzini ersizdek his qiladigan har bir kimsalarga erkaklik hayf...
Boshqa ayollarga chiroyli soʻzlaydigan, ammo oʻz ayoli undan bir ogʻiz yaxshi soʻz eshitishga muhtoj kimsalarga erkaklik hayf...
Ayoliga oʻzi podshoh-u ayoli quldek yoki xizmatkor choʻridek muomala qiladigan, ayolining his-tuygʻulari va qadr-qimmatini bir tiyinga olmaydigan kimsalarga erkaklik hayf...
Oʻzi sokin uxlaydigan, ayoli esa u sababli mahzun va achinarli holatda yigʻlab oʻtiradigan kimsalarga erkaklik hayf...
Dagʻal va qoʻpol boʻlishni erkaklik deb hisoblaydigan kimsalarga erkaklik hayf...
Gʻazabkorlik va zulmkorlikni kuch-quvvat deb hisoblaydigan kimsalarga erkaklik hayf...
Ayoliga choʻridek yoki faqatgina taom pishiruvchi ishchidek qaraydigan yoxud eri kelganda soqovdek jim turishini lozim deb biladigan kimsalarga erkaklik hayf...
Aslida oʻzi oilaning yetakchisi, oila baxtli saodatli boʻlishiga masʼul boʻla turib, ayolini bunga javobgar hisoblaydigan kimsalarga erkaklik hayf...
Arzimagan mayda-chuyda sabablar bois urish-janjal qiladigan, ayolini oʻzini himoya qilishdan man etib, oʻzini erkak ekanini peshlaydigan kimsalarga erkaklik hayf...
Ayolning huquqini goʻyoki u bir hayvon va uning vazifasi faqatgina taom pishirish, ichimlik tayyorlash deb biladigan kimsalarga erkaklik hayf...
Garchi ALLOH taalo ayolga soʻzlashuv va tuygʻular neʼmatini ato etgan boʻlsa-da, ayoli uni oldida gungdek jim turishini lozim biladigan kimsalarga erkaklik hayf...
Ayman Yogʻiy
Islom – ayollarning qadr-qimmatini baland koʻtargan, jamiyatning teng huquqli aʼzosi ekanini bildirgan, ularni ehtirom qilishga undagan dindir!
Jobir roziyallohu anxudan rivoyat qilinadi: "Rasululloh sollallohu alayhi vasallam vidolashuv hajida:
«Ayollar haqida ALLOHDAN qoʻrqinglar! Zotan, ularni ALLOHNING omonati ila (nikohingizga) olgansizlar. Ularning farjlarini ALLOHNING kalimasi ila halol qilib olgansizlar», deb aytdilar”.
Muslim rivoyati.
Bugungi kunda baʼzi insonlar erkak deganda ayoliga gapini oʻtkaza oladigan, gah desa qoʻliga qoʻnadigan qilib olgan, aytganini indamay qiladigan, nima desa ham aytgani boʻlishini shart deb biladiganlarni tushunishadi.
Bunday kimsalar haqiqiy erkaklikdan uzoq boʻlgan, uyda oʻzini sherdek, koʻchada esa quyon bolasidek tutadigan, ayolini garchi loyiq boʻlmasa-da haqorat qilish, soʻkish, urishni gunoh deb bilmaydigan qadri oʻta past kimsalardir.
Men topib kelib, senlar yeb oʻtiribsanlar deya taʼna qiladiganlar bor.
Uydagilar qullar, oʻzi esa podshoh deya biladiganlar bor.
Aslida bu holatlar erkaklik emas, zulmkorlik, haqiga xiyonat va soxta erkaklikdan boshqa narsa emas.
Kimda shunaqa feʼllar boʻlsa oʻzgarishi lozim. Boʻlmasa, bundaylarga erkaklik hayf boʻlsin!
#erkaklar
BᴀʀɪNɪ Bᴏʀɪᴄʜᴀ YᴏᴢAᴍɪᴢ
✯ @bariborichekan ✯
9 views07:49
B
