"Hamkorbank" таъсисчилигидаги "HB Capital" компанияси биржада маркетмейкер мақомини олди
"Hamkorbank" АТБнинг тўлиқ муассислигида ташкил этилган “HB Capital” МЧЖ биржа аъзоси сифатида маркет-мейкер фаолиятини амалга оширишга қабул қилинди. Инвестицион воситачининг баёнотига кўра, “HB Capital” МЧЖ 2022 йил 5 январдан тест режимида 10 кунлик муддатга маркет-мейкерлар рўйхатига киритилган.
“HB Capital” МЧЖ "Hamkorbank" АТБнинг тўлиқ муассислигида ташкил этилган. "Orginfo"да келтирилишича, корхона устав капитали 220 000 000 сўм, корхона директори - Шаробиддинов Мухаммадбобир. Hamkorbank расмий сайтининг русча вариантида, банк тасарруфидаги ташкилотлар рўйхатида ҳам корхона номи келтирилган.
Низомга кўра, маркет-мейкер — қимматли қоғозларга доир нархлар, талаб ва таклиф даражасини сақлаб туриш учун биржа битимларини тузиш мажбуриятини ўз зиммасига олган инвестиция воситачисидир.
Эслатиб ўтамиз, ўтган йилнинг октябрь ойида "Тошкент" РФБ Капиталбанкка ҳам маркетмейкерлик мақомини берган эди.
@bankers_uz
