"Биз UZCARD ва HUMO'нинг рақобатчиси эмасмиз" — UNITED FINTECH раҳбарияти билан учрашув
Яқинда Марказий банк лицензиясини олган учинчи тўлов оператори UNITED FINTECH бренди остида фаолият юритувчи "Qulay Pul" МЧЖ таъсисчилари Bankers.uz бош муҳаррири билан учрашди. Учрашувда Бахтиёржон Исамиддинов ҳамда Виктор Насочевский бўлажак режалари, компаниянинг келгуси фаолияти ҳақида гапириб берди.
"Айримлар бизни HUMO ва UZCARD'га рақобатчи компания очилди. Энди улар ҳам банк пластик карталари чиқаришадиʼ, деб айтишяпти. Аммо бизнинг режаларимиз бошқача. Биз UZCARD ва HUMO билан рақобат эмас, балки ҳамкорлик қилмоқчимиз. Умуман Ўзбекистоннинг барча банклари билан ҳамкорлик қилмоқчимиз. Биз Ўзбекистонда пул ўтказмалари ва тўловлар соҳасида янги инфратузилмавий финтех-ечимлар ишлаб чиқамиз", - дейди UNITED FINTECH таъсисчиларидан бири ва компания Бош директори Бахтиёржон Исамиддинов.
UNITED FINTECH Ўзбекистонга чет элдан пул ўтказмалар амалга оширадиган биринчи маҳаллий оператор бўлиши кутилмоқда.
@bankers_uz
