Москва биржасида сўм билан савдолар бошланади
2022 йил 12 сентябрдан бошлаб Москва биржасининг валюта бозорида Ўзбек сўми – Россия рубли (UZS/RUB) валюта жуфтлиги бўйича савдолар бошланади. Бу хақда биржа сайтида хабар қилинди.
“Ўзбек сўми – Россия рубли” валюта жуфтлиги «бугун» ва «эртага» ҳисоб-китоблари билан спот бозорда сотилади. Шунингдек, овернайт своп операциялари савдо иштирокчилари ва уларнинг мижозлари учун мавжуд бўлади.
Жорий йилнинг март ойида Ўзбекистон Республика валюта биржасида хам RUB/UZS валюта жуфтлиги билан савдолар бошланган эди. Биринчи куннинг ўзидаёқ биржа иштирокчилари томонидан 80 млн рубллик битимлар тузилган.
@bankbiznesuz
