2020-12-29 08:10:44
Kanalimiz a'zosidan kelgan #savol:
Ipoteka kreditlari olish jarayonida, #Subsidiya olish huquqiga ega bo'lgan shaxslarga beriladigan imtiyozlar haqida ma'lumot bersangiz. Bu imtiyozni olish uchun kimga murojaat qilish kerak?
Subsidiya olish tartibi:
* Kam ta’minlangan va uy-joy sharoitlarini yaxshilashga muhtoj bo‘lgan shaxslar Davlat xizmatlari markazlari yoki Yagona interaktiv davlat xizmatlari portali orqali subsidiya olish uchun arizani taqdim etadi;
* tuman (shahar)da tashkil etilgan komissiya fuqaro arizasini ijtimoiy mezonlar asosida ko‘rib chiqib, arizachiga subsidiya taqdim etish yoki rad etish to‘g‘risida qaror qabul qiladi;
* Davlat xizmatlari markazlari yoki Yagona interaktiv davlat xizmatlari portali tomonidan Komissiyaning qarori asosida ariza beruvchiga subsidiya taqdim etilishi yoki taqdim etilmasligi to‘g‘risida xabarnoma (Komissiya qaroridan ko‘chirma bilan) yuboriladi.
Subsidiya olgan fuqarolarga beriladigan imtiyozlar:
* qishloq joylarda - birinchi 5 yil davomida ipoteka krediti bo‘yicha foiz to‘lovlari bilan bog‘liq harajatlarni qoplash uchun 10 foizlik punktdan oshgan qismiga;
* shaharlarda - dastlabki badalning bir qismini to‘lash bilan bog‘liq harajatlarni qoplash uchun uy-joy hisoblangan qiymatining 10 foizi miqdorida va birinchi 5 yil davomida kredit bo‘yicha foizlarni qoplash uchun Toshkent shahrida 12 foizlik punktdan oshgan qismiga,
* Qoraqalpog‘iston Respublikasi va viloyatlar shaharlarida 10 foizlik punktdan oshgan qismiga to‘lanadi.
subsidiya oluvchi tomonidan kredit bo‘yicha oylik to‘lovlarini so‘ndirishda uy-joy qiymati 300 million so‘mdan oshmagan kvartiraning kredit qarzdorligini qoplash uchun bankka yo‘naltiriladigan ish haqi va unga tenglashtirilgan to‘lovlar (bir yil davomida 15 mln. so‘mgacha) daromad solig‘iga tortilmaydi.
Bizdan uzoqlashmang, biz sizga yaxshisini ilinamiz. Murojaat va savollar bo'yicha @ShaxruzSobirovich ga yozing. Biz uchun sizning fikringiz muhim.
Bizning manzil: https://t.me/bank_sh_i
1.2K viewsBankir_uz_economist, edited 05:10