Bahodir Mexriddin (Bozorov)

2023-03-06 09:24:06 Tafakkur vaqtini qanday oʻtkazsam boʻladi?

Alloh taoloning bizga inʼom etgan bu umrini nimaga sarflayapmiz?

Dunyoga berilib, muhim boʻlmagan ishlarning ortidan yugurib muhim boʻlgan ishlarni tashlab qoʻymadikmi?

Bu dunyoning haqiqati nimada?

Shu kabi savollarga javob topishni xohlaysizmi?

Tavsiya: Qabristonga boring, albatta vaqtingizni qizgʻanmang. Siz oldin oʻtgan yaqinlaringizning haqiga duolar qiling, Qurʼon tilovatlarini qiling!

Bu dunyodan ketganida nega meni tashlab ketdingiz deb yigʻlash-siqtashlar bilan afsus qilgan holda emas, ularga mana shunday yordam bering!

Ularni eslashingiz uchun 9-mayni kutmang, hoziroq bugunni oʻzida vaqt topib boring!

Aslida haqiqiy tafakkur mana shunda boʻladi!

Bahodir Mehriddin oʻgʻli, kopirayter

@bahodir_mehriddin Ochish/sharhlash

2023-02-28 22:44:45 Insonning qayoqdan kelgani emas, qayerga qarab borayotgani muhim

Baʼzida hayotingizning shunday kunlari boʻladiki, hatto yaqinlaringiz ham Sizni tushunmayotganday tuyiladi.

Yigʻlash bu qoʻrqoqlik yoki zaiflik emas, agar Allohning huzurida unga iltijo qilayotgan boʻlsangiz. Chunki inson zoti xato qilishga moyil, unda ham kamchiliklar va xatolar boʻladi. Aslida bu hayotimiz shunisi bilan totli, menimcha.

Har bir insonning oʻz «jarligi» boʻladi. Baʼzida Sen toʻgʻri yoʻlga tushib olishing uchun oʻzingning xato yoʻlda ekanligingni anglashing zarur.

Baʼzida biz shunday xatolar qilib qoʻyamizki, bu xatolarimizni qayta qilishdan ham koʻra uni eslab oʻzimizdan nafratlanamiz.

Muhimi oʻsha xatolarni bilganingiz. Endi oʻsha xatolarga qaytmaganligingiz.

Vijdon bu qalbni tozalab turuvchi filtr. Muhimi shu filtr oʻz vazifasini bajaryapti sizda hozir ham.

Xatolarni takrorlab qoʻymaslik uchun oʻzingga azob soʻramang,  oʻsha xatoni qilmaslik uchun najot soʻrang, yaxshilik soʻrang.

Qilgan oʻsha xato ming ogʻir boʻlsa ham u xatoni qaytib qilmayapsiz va undan toʻxtagansiz.

Alloh shunday mehribonki, toʻgʻrisi bandasi bundan bexabarday goʻyo. Xuddiki siz bir inson sizga tinmay yaxshilik qiladi, qaygʻuradi, lekin siz buni bilmaysiz, eʼtibor bermaysiz.


Alloh oʻziga itoatida, hidoyatida muhabbatida bardavom  va toʻgʻri qilsin.

Bahodir Mehriddin oʻgʻli, kopirayter

@bahodir_mehriddin Ochish/sharhlash

2023-02-23 15:55:19 Yashasin Feminizm

Biz uchun ayollarni erkak bilan tenglashtiradigan jamiyat kerak emas, chunki ayolning obroʻsi erkakdan yuqori turadi.

Nima uchun bunday fikr bildiryapsiz?

Qachon, qayerda yuqori boʻlgan ekan deysizmi?

Bundan 14 asr oldin  Islom dini ayolning jamiyatdagi barcha haqlarini belgilab, uning qadrini yuksaklarga koʻtargan.

Xoʻsh, nimaga hozir bundaymas unda?

Nimaga unda hozir ayollar erkaklarga choʻri emas, feminizm, ayolning ixtiyori oʻzida boʻlishi kerak degan fikrlar koʻtarilyapti?

Bu muammolar uchun aniq yechim bormi oʻzi?

Albatta, bor! Bu  Islomdir.

Bahodir Mehriddin, kopirayter

Post haqidagi bildirilgan har bir fikr, taklif, mulohazalaringizni qadrlayman! Oʻzingizni asrang!

@bahodir_mehriddin Ochish/sharhlash

2023-02-20 20:48:57 Har bir inson oʻziga xos missiya bilan yuborilgan

Koʻpchilik insonlar oʻz sevgan kasbini topishda qiynaladi.

Yoshligimizda berilgan bu savolni hammamiz eslasak ajab emas.

Kelajakda kim boʻlmoqchisan?

Ammo hozirgi kunda ham bu savolga tayinli javob bera olmaymiz, bu normal holat.

Xoʻsh, unda qanday qilib oʻz missiyamizni aniqlashimiz mumkin?

Diqqat qiling, bu maʼlumotlar Siz qidirayotgan muammolaringizga yechim boʻlishi mumkin.

• Missiyaga tushadigan har qanday ishni sevasiz, lekin har qanday sevadigan ishingiz missiya boʻla olmaydi.

• Missiya berilgan ish zoʻr bajariladi, lekin har qanday zoʻr bajarilgan ish missiya emas.

• Missiyaga tushadigan ish doim oson bajariladi, katta sarf-xarajat qilinmaydi.

• Missiyadagi ish sizga energiya beradi, har qanday vaqtda ham.

• Missiyadagi ish bilan shugʻullanganingizda narx muhim boʻlmaydi.

• Missiyangizdagi ish bilan shugʻullanganingizda Siz natijadan emas, jarayondan rohatlanishni boshlaysiz.

*Eslatma - hozir Siz  ishingizni muhabbatsiz va majburlikdan bajarayotgan boʻlsangiz, uzoqqa bormaysiz!

Bahodir Mehriddin, kopirayter

Post haqidagi bildirilgan har bir fikr, taklif, mulohazalaringizni qadrlayman!

@bahodir_mehriddin Ochish/sharhlash

2023-02-15 22:47:21 Hammasi shu kuningdan boshlanadi

Sen orzularingni miriqib tushingda koʻrayotganingda, men shu orzularga erishish uchun tunlarimni bedor oʻtkazayotgan edim.

Albatta, hammasi kutganimizdek boʻldi.

Sen tushlar taʼbirchisiga aylanding, men esa orzularini ushaltiruvchiga!

Shu 3 narsaning farqini bilib ol.

Orzu xayolda, maqsad harakatda, niyat esa qalbda boʻladi.

Har biri doim yangilanib bormasa, eskiradi, muddati oʻzgaradi.

Qilayotgan orzularingdan uyalma.

Har bir qadamingni maqsadli bajar.

Qalbingni poklashni niyatingni yangilashdan boshla.

Hammasi oddiy, buguning bilan yasha!

Bahodir Mehriddin, kopirayter

@bahodir_mehriddin Ochish/sharhlash

2023-02-15 07:35:32 Buyuk Onalar jamoasiga qo'shiling:

1. Kitob suhbatlari
2. Alloh ismlarini yodlash
3. Qur'on oyatlari yodlash
4. Qur'on tafsirini o'rganish
5. Arab tilini o'rganish Ochish/sharhlash

2023-02-15 05:53:42 Sahifamizda sunnatlarni o'rganamiz va amal qilamiz postlari tartibi:

• 1-sunnat - Niyat qilish
• 2-sunnat - Toʻliq salom
• 3-sunnat - Taom odobi
• 4-sunnat - Ichimlik ichish
• 5-sunnat - Yoʻl odobi
• 6-sunnat - Soʻramasa ham yordam berish
• 7-sunnat - Qoʻl berib salomlashish
• 8-sunnat - Musulmon aybini berkitish
• 9-sunnat - Yoʻl haqqini berish
• 10-sunnat - Uchinchingizga ozor bermang
• 11-sunnat - Eng mahbub amal
• 12-sunnat - Tahorat ham ibodatdir
• 13-sunnat - Kiyim hoʻli bilan ham namoz oʻqish
• 14-sunnat - Tahorat farzlari

O'zi davomli qilsin.Payg'ambarimiz alayhissalomning sunnatlariga ergashish, amal qilish va boshqa mo'minlarga yetkazish bir xayrdir.

• Manfaatli bo'lsa, boshqalarga ham ulashing!

@bahodir_mehriddin Ochish/sharhlash

2023-02-14 20:32:12 Gʻaflatdagi doʻstim barchasi Sen uchun

Alloh taolo tomonidan yuborilgan haq din Islomdir.

Shundaymi?

Ha, shunday

Xoʻp, unda nega Sen haq musulmon emassan?

Nega sen hali ham ummat senga muhtojligini tushunmayapsan?

Nega hali ham oʻzingning orzularing bilan sarmastsan-u, boshqalarning dardlari bilan ishing yoʻq?

Nega sen Alloh taoloning bergan evazsiz neʼmatlariga shukr qilmasdan faqat noliyverasan?

Nega oʻliming senga yaqinligini, baribir oʻlishingni  bilasan-u, lekin hali ham gʻaflatdasan?

Nega ota-onang Senga eng yaqin sodiq doʻstligini, bu dunyoda rozi qilishing kerak boʻlgan insonlar orasida eng haqlisi ekanligini bilasan-u, ular seni tushunmayotganligidan noliyverasan?

Nega doʻstlarim faqat ishi tushganida eslaydi deysan-u, ularning senga qilgan yaxshiliklarini unutasan?

Nega gaplashmagan qizing qolmagani-yu, ular bilan boʻlgan ishlarni aytib maqtanasan-u, bir kun shu Seni singling yoki opangga qaytishidan qoʻrqmaysan?

Ha bu nega, negalar shunchalar koʻpki, ularga oʻzi qimmat-u, lekin biz uchun arzon boʻlgan vaqtimiz yetmaydi!

Bahodir Mehriddin, kopirayter

Post haqidagi bildirilgan har bir fikr, taklif, mulohazalaringizni qadrlayman!

@bahodir_mehriddin Ochish/sharhlash

2023-02-13 21:49:34 Zamon senga boqmasa, Sen zamonga boq

Hozir shunday bir zamonga keldikki, xabarlar sekund sayin eskiryapti.

Ixtirolar, kashfiyotlar yangilanib, yaxshilanib boryapti.

Hozirgi avlod agar oʻzini rivojlantirishga intilmasa, faqatgina tilni hamma oʻrganayotgani uchun yoki boshqa maqsadi yoʻqligi uchun oʻrganayotgan boʻlsa, bu ancha xavfli.

Toʻgʻri, til oʻrganish insonning dunyoqarashini shunday kengaytiradiki, keyinchalik oʻzining qobiqda ekanligini anglay boshlagani bir baxt aslida.

Hozir kasbingizga tayanib qolmang, qoʻshimcha zamonaviy kasb oʻrganing (boshqalar oʻrganayotgani uchun emas, albatta).

Agar Siz hozir talaba boʻlsangiz, balki Oʻzbekistonda boʻlsangiz, oʻqishingizdan koʻnglingiz toʻlmayotgan boʻlsa, afsuslanmang, balki bu Siz uchun xayrlidir.

Bahodir Mehriddin, kopirayter

Post haqidagi bildirilgan har bir fikr, taklif, mulohazalaringizni qadrlayman!

@bahodir_mehriddin Ochish/sharhlash

2023-02-13 03:13:13 Oʻzini yaxshi koʻra olish xudbinlik(mi?)

Vaziyatga toʻgʻri yondashishga harakat qilaman.

Xoʻsh, inson nima uchun oʻzini yaxshi koʻra olishi kerak?

Oʻzini yaxshi koʻra olish aslida yaxshimi?

Sizga shu joyida bir foydali insaytni ulashaman.

Har bir muammoning yechimi unga nisbatan berilgan toʻgʻri savollardan boshlanadi.

Agar Siz oʻzingizni yaxshi koʻra olmas ekansiz, boshqalarni yaxshi koʻrishingizga ishontirib ovora boʻlmang.

Nima oʻzini yaxshi koʻrmagan inson boshqalarni yaxshi koʻra olmaydimi?

Yoʻq, evazsiz boshqalarni yaxshi koʻra olgan insonlar bundan mustasno.

Yaʼni, bu sizning jondan aziz ota-onangiz yoki qiyomatli doʻstingiz boʻlishi mumkin.

Ularni imkoningiz boricha asrang, avaylang, qadrlay oling!

Bahodir Mehriddin, kopirayter

P.S. Oʻzingizga ravo koʻrgan bir yaxshilikni boshqa bir baxt qidirib yurgan insonga ulashing, hech boʻlmasa chiroyli tabassumingiz bilan!

Post haqidagi bildirilgan har bir fikr, taklif, mulohazalaringizni qadrlayman!

@bahodir_mehriddin Ochish/sharhlash