2022-03-30 20:54:28
#review
Bundan qariyb 3 oldin abituriyentlik davrimda ushbu kitobni sotib olganman, lekin o'qilmay qolib ketgan asarlardan biri edi. Oradan shuncha vaqt o'tib, ta'til vaqtida kitob javonini tita boshladim va kitobga ko'zim tushdi. Kitob hajmi jihatdan ancha kattaligi sababli o'qishga hafsala qilmasdim. Bahorgi ta'til davomida esa o'qish istagi paydo bo'ldi va kitobni qo'limga oldim.
Kitobni boshlash doim qiyin bo'lgan, boshlagach esa to'xtatish qiyin. Ushbu asarda ham shu holat bo'ldi. Nima bo'lgan-da ham muhimi boshlab oldim.
"Ufq" asari 3 qismdan iborat bo'lgan roman-trilogiya hisoblanadi.
1-qism - Qirq besh kun
Azizxonning qahramonligi, sevgan yorining iztirobi...
Inson kuchini har xil maqsadda ishlatishi mumkin. Natija ham shunga yarasha. Xalq harakati esa yangi qahramonlar yaratadi.
Baxtni kutmaslik kerak. Baxtni lahzalarda yaratish va his qilish lozim. Taqdir charxpalagi bir lahzada teskari aylanib ketishi mumkin.
Bir odam olamdan o'tdi. Ammo hayot o'z oqimidan bir nafas to'xtamasdi. Oftob - o'sha oftob. Kecha qanday bo'lsa, bugun ham o'shanday portlab turibdi.
2-qism - Hijron kunlari
Asar qahramonlari A'zizxon va Nizomjondagi o'xshashlik - sevgidan mast bo'lgandagi iztirobini mehnat qilib, o'zini ishga otish bilan so'ndirishga harakat qilishi.
Qur'on tovushi hech qachon baxtli kunlarni eslatmaydi. Uning har bir surasi qabriston jimligini, boyqushlar ko'zi chaqnagan mozor dahshatini eslatadi.
Onalar shunday boladi. Ular uchun bolaning begonasi bo'lmaydi.
Yerni ko'z yoshi emas, peshana teri yashnatgan.
3-qism - Ufq bo'sag'asida
Urush tugashi dilga katta umidlar solgan edi, ammo.....
Hayot hech qachon bir maromda ketmaydi, ketgan taqdirda esa yashashdan ma'no qolmaydi. Asar kutilmagan voqeliklarga boy bo'ldi va xalqning kuchiga besh ketmasdan iloj yo'q.
Unutmaylikki, sabrimiz yetmaydigani berilmaydi!
9 viewsedited 17:54