Россиядаги юртдошларимиз диққатига!
Ёдингизда бўлса, Сенат раиси Танзила Нарбаева Валентина Матвиенко номига мактуб йўллаб, Россияда меҳнат қилаётган ўзбекистонликларга пандемия шароитида ёрдам беришни сўраган эди.
Россия парламентининг юқори палатаси томонидан мазкур мактубга жавобан тегишли қонун маъқулланди. Унга кўра, айрим давлатлар, шу жумладан Ўзбекистон фуқароларига патент муддати тугаган бўлса,
90 кун мобайнида уни қайта расмийлаштирмасдан фаолият юритишларига рухсат берилди.
Кеча Россия Президенти Владимир Путин имзолаган махсус Фармонга мувофиқ,
2020 йил 15 мартдан 15 июнгача ишлаш учун патент, вақтинча рўйхатга туриш талаб қилинмайди, яъни муддати тугаса,
автоматик равишда узайтирилади.
Ўзбекистон Сенати раиси Танзила Нарбаева ўз навбатида Россия ҳукумати ва ҳамкасби Валентина Матвиенкога ушбу ўзгариш учун миннатдорлик билдирди.
@xushnudbek
