Ўзсаноатқурилишбанк тадбиркорлар учун янги банк маҳсулотини та | Oʼzsanoatqurilishbank matbuot kotibi | Behzod Bozorov

Ўзсаноатқурилишбанк тадбиркорлар учун янги банк маҳсулотини тақдим этади

Жорий йилнинг 14 январида “Ўзсаноатқурилишбанк” АТБ Кичик ва ўрта бизнес департаменти томонидан Ўзбекистон Республикаси Президентининг 2020 йил 21 октябрдаги “Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида”ги Фармони ҳамда банк томонидан “Экспортни рағбатлантириш” банк маҳсулоти мазмун-моҳиятига бағишланган онлайн техник ўқув семинар машғулот ўтказилди.

Ўқув семинарида филиал ходимларига мазкур Фармон ва кредит маҳсулотининг афзаллиги, банк томонидан экспорт қилувчи корхоналарга яратилаётган қулайликлар ҳамда имтиёзлар бўйича батафсил тушунтиришлар берилди.

Таъкидлаш жоизки, мазкур банк маҳсулоти тадбиркорларга экспорт амалиётларини амалга ошириш учун миллий ҳамда хорижий валютада имтиёзли фоизларда тақдим этилиб, кредит маблағлари 3-шахс кафиллиги, суғурта полиси ҳамда Тадбиркорлик фаолиятини ривожлантириш давлат жамғармаси кафиллиги остида ажратилиши мумкин. Бу эса ўз навбатида тадбиркорлар фаолиятларини янада кенгайтириш бўйича кенг имкониятлар яратиб беради.