Ўзсаноатқурилишбанк Ахборот хизмати 6-12 декабрь кунлари респу | Oʼzsanoatqurilishbank matbuot kotibi | Behzod Bozorov
Ўзсаноатқурилишбанк Ахборот хизмати 6-12 декабрь кунлари республикамиз ва банк ҳаётида содир бўлган энг муҳим воқеалар дайджестини тақдим этади:
Президент Шавкат Мирзиёев Президент Қасим-Жомарт Тоқаевнинг таклифига биноан давлат ташрифи билан Қозоғистон Республикасида бўлди. Ташриф доирасида кўп қиррали Ўзбекистон-Қозоғистон ҳамкорлигининг деярли барча йўналишларини қамраб олган 22 та ҳужжат имзоланди.
Давлат раҳбари Ўзбекистон Республикаси Конституцияси қабул қилинганининг 29 йиллиги муносабати билан Ўзбекистон халқига байрам табриги йўллади. Ўз табригида Президент конституциявий ислоҳотлар ўтказишни таклиф қилди.
Президент Шавкат Мирзиёев раислигида 2 декабрь куни қурилиш материаллари саноатини ривожлантириш ва аҳолини уй-жой билан таъминлаш масалалари бўйича видеоселектор йиғилишида берилган топшириқлар юзасидан Ўзсаноатқурилишбанк Бошқаруви раиси – Қурилиш материалларини ривожлантириш бўйича Кенгаш раиси Сахи Аннакличев “Таҳлилнома” кўрсатувига махсус интервью берди.
Шунингдек, якунланаётган ҳафтада Ўзсаноатқурилишбанкда инвесторлар билан навбатдаги Investor Call, Ўзбекистон Республикаси Конституцияси ва Давлат мадҳияси қабул қилинганлигининг 29 йиллиги муносабати билан “Улуғ халқ қудрати жўш урган замон” номли байрам тадбирлари ўтказилди.
