AZON OVOZI

2022-10-04 07:53:11 “Сизларга Хожангиз ҳузурида амалларингизнинг энг яхшиси бўладиган, даражаларингизни кўтарадиган, олтину кумушингизни инфоқ қилишдан кўра хайрли бўлган, душманингизга йўлиққанингизда ўзаро Аллоҳ йўлида урушишингиздан кўра яхшироқ бўлган амал ҳақида хабар бермайми?” – дедилар. Саҳобалар: “Хабар беринг”, – дейишди. У зот: “Аллоҳни зикр қилишингиздир”, – дедилар. (Имом Табароний ривояти). Ochish/sharhlash

2022-10-01 15:36:03 Ochish/sharhlash

2022-09-24 16:34:18 Iymon sustlashib ibodatga tanbal bo'lib qolsangiz, shu duoni ko'p ayting:

"Allohumma laa taj'alniy shaqiyyan va laa maxruman"
《 اللّهُمَّ لا تجعلْنِي شَقِيًّا ولا محْرُومًا 》

(Allohim! Meni badbaxtlardan va maxrumlardan qilib qo'yma!)

Shayx Shinqitiy Ochish/sharhlash

2022-09-22 12:48:58 ЭНГ АФЗАЛ ИБОДАТ

Ҳикоя қилишларича, Абдуллоҳ Умарий имом Моликка мактуб йўллаб, уни узлатга чекиниб, фақат тоат-ибодат билан машғул бўлишга чақирди. Имом Молик унга қуйидагича жавоб ёздилар: "Аллоҳ таоло ризқларни тақсимлагани каби амалларни ҳам тақсимлаб қўйган. Баъзи инсонларнинг қалбини намозга очиб қўйган, лекин рўзага очмаган, баъзиларнинг қалбини садақа қилишга очиб қўйган, лекин рўза тутишга очмаган бўлади. Ибодатларнинг энг афзали илмни ёйишдир. Аллоҳ таоло менинг қалбимни шунга очганидан мингдан минг розиман. Менинг ҳолатим сизнинг ҳолатингиздан пастроқ деб ўйламайман. Умид қиламанки, иккимиз ҳам яхшилик ва эзгуликдамиз".

"Солиҳлар гулшани" китобидан. Ochish/sharhlash

2022-09-21 17:52:07 МУНКАРЛАРНИ ДУО ИЛА ДАФ ҚИЛИШ ҲАҚИДА

Зиёд ибн Илоқадан, амакиси розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Аллоҳим, мени мункар амаллардан, ахлоқлардан, ҳаволардан ва дардлардан четда қилгин», дер эдилар.
Ибн Ҳиббон, Табароний, Ибн Абу Шайба ва бошқалар бошқа лафз ва санад билан ривоят қилишган.

Абу Абдуллоҳ деди: Одам боласи кеча кундуз ҳаракатда бўлар экан доимо у зот санаб ўтган нарсалар ичида бўлади. Гуноҳи кабиралар мункар ишлардандир. Ёмон хулк мункар ахлоқлардандир. У ҳиқд, ҳасад, бахиллик, зиқналик ва шунга ўхшаш нарсалардир. Тойилиш мункар ҳаводандир. Сил, зотилжам, мохов ва шунга ўхшашлар мункар дардлардандир. Ушбуларнинг барча замоннинг офатларидандир. У зот соллаллоҳу алайҳи васаллам: «Сендан замонининг офатларидан ва тўсатдан келадиган интиқомдан паноҳ сўрайман», дер эдилар.

Аллоҳ учун сизга илиндим! Ochish/sharhlash

2022-09-20 16:12:24 Ochish/sharhlash

2022-09-20 15:38:42 “ҚАНДАЙСАН?” ДЕЙИШ

Анас ибн Моликдан ривоят қилинади:
“У бир кишининг Умар ибн Хаттобга салом берганини ва Умарнинг алик олиб туриб, “Қандайсан?” деб сўраганини эшитди.
“Сен учун Аллоҳга ҳамд айтаман”, деди.
“Сендан шуни кутган эдим”, деди Умар”.

Шарҳ: Демак, ҳол-аҳвол сўраган кишига ташаккур айтиш, Аллоҳ таолога ҳамд айтиш ҳам Исломдаги муомала маданиятининг бир кўриниши экан.

Анасдан ривоят қилинади:
“Набий соллаллоҳу алайҳи васаллам бирор кишини учратсалар:
“Эй фалончи, сен қандайсан?” дер эдилар.
“Яхшилик ила Аллоҳга ҳамд айтаман”, дерди.
Шунда Набий соллаллоҳу алайҳи васаллам:
“Аллоҳ сени яхшилик билан қилсин!” дер эдилар”.
Имом Аҳмад ривоят қилган.


“Одоблар хазинаси” китобидан. Ochish/sharhlash

2022-09-18 18:28:03 БАХТНИ ЎЗИНГИЗДАН ҚИДИРИНГ

Сиз бахтни қидирсангиз ўзингиздан топасиз. У сиздан узоқ эмас, балки, яқин. Фикрингизда, ажойиб зеҳнингизда, шодон кўнглингизда, некбин руҳингизда яшамоқда. Сизда соғлом тана, очиқ кўнгил, Аллоҳ берган заковат ва равон гапиришдаги иқтидор бор. Сизда чуқур ўй-фикр бор. Яна сизда қувноқлик, ғайрат бор, интилиш бор. Мана шунинг ўзи бахт. Сиз шу бахт ичида яшамоқдасиз. Сиз Аллоҳ таолога убудият ҳосил қилиб, бўйсуниб, хузуъ-хушуъ ила сажда қилмоқдасиз. Кўз ёшлар тўкасиз. Гўзал табассумларингиз бор, муножотларингиз бор. Сиз ҳаётингизда Аллоҳнинг ибодатига ҳаракат қилмоқдасиз. Ҳаракат ва саканотларингиз шу томонга йўналмоқда. Сиз одатларни ибодатга айлантира оласиз. Сиз қадамларингизни ҳасанот, савобга айлантира оласиз. Ейдиган луқмаларингизни еру-осмонларнинг Роббига шукр қилиб ея оласиз. Шунинг ўзи бахт!

Аллох сизга берган нарсалардан хурсанд бўлинг.

«Айтинг: “Аллоҳнинг фазли ва раҳмати билан, бас, (албатта) шулар сабабли (мўминлар) шодлансинлар! У тўплаган (бойликлари)дан яхшироқдир”» (Юнус сураси, 58-оят).

Сиз ўзингиздаги қобилият, иқтидорлардан фойдаланинг. Унинг ози ҳам кўп бўлади. Сиз уйингизда ўтирганда худди катта қасрда ўтиргандек тасаввур қилинг. Сиз тор хонангизда ўтирганда кенг ҳовлида яшаётгандек ўзингизни тутинг, кенг ва баланд хоналарда яшаётгандек ўзингизни тутинг. Бу ўй-хаёл, фикрлаш эътиборидан шундай қилинг. Сиз шундай фикрланг. Эҳтимол, ўша катта-катта асрларда яшаётганлар юраги сиқилиб, ичи тор бўлиб, гуноҳларидан зерикиб, офиятда ва соғломликда бўлмаган ҳолда яшаётгандир. Сиз бахтни кандай топишни билмай ўйлаб юрибсизми? Бахт баъзан оддий инсонда бўлади. У балки далада сув тараëтган инсондир ёки яйловда қўй боқаётган кишидир. Ёки тоғларда ўтин териб юрган кишидир. Балки, уйларни супуриб, тозалаб юрган фаррошдир, ковушларни тикаётган косибдир ёки кийимларни ямаётган ямоқчидир, буни билмайсиз. Бахт бойларда ёки камбағалларда, ёки раис, раҳбарларда, ёки уламоларда чеклаб қўйилмаган. Балки, у Аллоҳ берадиган бир неъмат, ато, ҳибадир. Уни хоҳлаган кишисининг қалбига қўяди. Бу бахт ўша жойдан туриб атрофга нур таратади, сурур бахш этади. У билан уйлар, маконлар ёришади. Замонлар, дўстлар, қўшнилар у билан бахтни ҳис қилади. Сиз бахтни қидиринг, тасаввур қилганингиздан ҳам кўпроқ ва жуда ҳам яқин ҳолда топасиз. У ўзингиздадир.

«Ниҳоят саодатни топдим» китобидан. Ochish/sharhlash

2022-09-18 16:40:31 Дунё кезинг, Аллоҳнинг қудратига боқинг

Юрт кезиш, турли шаҳарларга сафар қилиш юракка хотиржамлик ва хурсандчилик келтиради.

“Айтинг: “Осмонлар ва Ердаги нарсаларга (ибрат назари билан) боқингиз...” (Юнус сураси 101-оят)”.

“Айтинг: “Ерни айланиб, жиноятчи кимсаларнинг оқибатлари қандай (аянчли ва ибратли) бўлганини кўрингиз!” (Намл сураси, 69-оят).

“...Ахир, (одам) ер юзида саёҳат қилиб, ўзларидан аввалги (иймонсиз) кимсаларнинг оқибати қандай бўлганини кўрсалар бўлмайдими?!.” (Юсуф сураси, 109-оят).

Ибн Баттутанинг “Саёҳатнома” асарини ўқиган киши, муаллиф баъзи ўринларда ошириб юборган бўлса-да, Аллоҳ таолонинг яратиши ва борлиқни бошқаришидаги ажойиботлар гувоҳи бўлади. Шунда билади: сафар мўмин учун улкан ибрат ва роҳат манбаи ҳамда борлиқнинг очиқ-равшан китобидан турли маънолар ўқиш учун бир имкониятдир.
Бандан ташқари, сафар қилган киши об-ҳаво ва жой алмашишидан ҳам улкан фойдалар олиши мумкин.
“...Ер юзи бўйлаб саёҳат қилинглар...” (Тавба сураси, 2-оят).
“...То икки денгиз қўшиладиган ерга етмагунча ёки узоқ муддат кезмагунча юришдан тўхтамайман...” (Каҳф сураси, 60-оят).

“Ўкинма” китобидан.
@Azon_ovozi_azonuz Ochish/sharhlash

2022-09-17 10:29:04 Агар ҳаёт қаршисида танг аҳволга тушиб, тушкун қолсангиз, Ҳабибимизга салавот айтишга ошиқинг. Маҳзун кимса у зотга салавот йўллар экан, Аллоҳ унга рўшнолик, ташвишдан қутулиш йўлини насиб қилади.

Соллаллоҳу алайҳи васаллам! Аллоҳумма солли ъала Муҳаммад ва ъала оли Муҳаммад!

https://t.me/Azon_ovozi_azonuz Ochish/sharhlash