Azon(norasmiy)

2023-07-06 19:44:04 Ироқ Қуръонни ёқиб юборган муҳожирни ҳибсга олиш учун Интерполга сўров юборди

Ироқ ҳукумати асли ироқлик муҳожир Салван Момикни қўлга олиш бўйича расмий сўров юборди, у Стокголмда Қуръонни ёқиб юборган эди.
Бу ҳақда Ироқ Бош прокуратурасининг махсус баёнотида айтилади.
“Бош прокуратура Интерполга барча зарур маълумотларни тақдим этди ва Стокголм марказида Қуръон нусхасининг бир неча саҳифаларини ёқиб юборган ироқлик муҳожирни ҳибсга олиш учун ордерни расман юборди”, — дейилади хабарда.

Azon.uz Ochish/sharhlash

2023-07-06 19:21:35 * Мезана - азон чақирадиган жой, дегани.
Мезана* халқаро илмлар академияси ҳақида жайдарича тушунча берсам:

У Истанбул шаҳрида жойлашган беш йиллик олий ўқув даргоҳи бўлиб, шариат илмлари бўйича мутахассислар тайёрлайди. Дарслар араб тилида бўлиб, таълимни фан докторлари бўлган араб тилли профессор-ўқитувчилар олиб боради.

Битиргач, махсус диплом берилади ва Академия қошидаги Фатво ва ҳадис илмлари магистратурасида ўқишни давом эттириш имконига эга бўлинади.

Ҳа айтганча, Академияда араб тилида дарсга қийналадиганлар учун икки йиллик махсус "Мезана мадрасаси" фаолияти йўлга қўйилди.

Шунингдек бошланғич исломий билимлар учун уч ойлик курслар (Туркияда рўйхатдан ўтмай уч ойгача қонуний яшаш мумкин), ҳамда араб тилини билувчилар учун "Ислом иқтисоди ва молияси", "Фатво асослари", ҳамда мўътабар исломий китоблардан ижоза курслари ҳам ташкил этилмоқда.

Мезананинг тўрт йиллик аёллар бўлими ҳам мавжуд. Фарзандли аёллар учун болалар боғчаси фаолият юритмоқда.

Дарслар Аҳли сунна вал жамоа эътиқоди, ҳанафийлик мазҳаби ва нақшбандийя тариқати бўйича ўтилади.

Мезана муассиси мен - Мубашшир Аҳмад ва мудири Абдулмажид Жузжоний бўлади.

* Мезана - азон чақирадиган жой, дегани.

http://t.me/mezanamanager
+905065443779

@MubashshirAhmad Ochish/sharhlash

2023-07-06 17:42:03 Ҳиндистон: мусулмон йигитни қийнаб ўлдирганлар жазоланди

Ҳиндистонда 2019 йилда мусулмон йигитни қийнаб ўлдирган қотиллар суд қилинди. Миллатчи радикал ҳиндавийлар Жҳаркҳанд штатида яшовчи Табриз Ансорийни устунга боғлаб, 12 соат қийноққа солган.
Калтаклаш вақтида ундан ҳинд “худо”ларига мақтовни баланд овозда айтиш талаб қилинган. Ҳар томондан зарбалар ёғилаётган мусулмоннинг оғриқдан қичқираётгани акс этган видео ижтимоий тармоқ фойдаланувчиларини шок ҳолга туширди.
Босқиннинг сабаби Табризга қарши ўғирликда исботланмаган гумонлар бўлган. Қаттиқ калтаклардан кейин йигит вафот этган.
Жҳаркҳанд полицияси 12 кишини ҳибсга олди, улардан икки нафари кейинроқ қўйиб юборилди. Шу ҳафта Ҳиндистон суди барча ўн нафар айбланувчини айбдор деб топди ва ҳар бирини 10 йилга озодликдан маҳрум қилди.

Azon.uz Ochish/sharhlash

2023-07-06 16:10:01 Алимджанов ва бошқаларнинг алломаларимизни кофир дейиши қанчалик хавфли?

Атеистик  кайфият ва ақидани тарқатишдан мақсад маълум – жамиятни бўлиб юбориш (Бўл ва бошқар!” тамойили ҳамон кун тартибида). Авваллари қурол кўтариб мамлакатингиз босиб олинган бўлса, бугун ўз ғоя ва яшаш тарзларини ёйиш орқали мустамлака қилишга уринишяпти

Батафсил: https://azon.uz/content/views/53913

AzonUZ ахборот-таҳлилий портали Ochish/sharhlash

2023-07-06 15:16:26 Озарбайжон Президенти Ўзбекистон Ташқи ишлар вазирини қабул қилди
Куни кеча Озарбайжон Республикаси Президенти Илҳом Алиев ушбу давлатга Қўшилмаслик Ҳаракати мувофиқлаштирувчи бюросининг вазирлар учрашувида иштирок этиш учун борган Ўзбекистон Республикаси Ташқи ишлар вазири Бахтиёр Саидовни қабул қилди.
Бахтиёр Саидов Ўзбекистон Президенти Шавкат Мирзиёевнинг саломини унинг қадрли дўсти ва қардоши Президент Илҳом Алиевга етказди.
Илҳом Алиев қутлов учун миннатдорлик билдириб, Ўзбекистон Президентига ўз саломларини етказишни сўради.
Бахтиёр Саидов Озарбайжоннинг Қўшилмаслик Ҳаракатига раислиги ва вазирлар учрашувини аъло даражада ўтказгани билан табриклади. Ташқи ишлар вазири Озарбайжон Президентининг Ўзбекистонга давлат ташрифи чоғида икки давлат раҳбарлари томонидан белгилаб берилган вазифаларга мувофиқ фаолият давом эттирилгани ва белгиланган барча мақсадлар диққат билан кузатилаётганини таъкидлади.
Президент Илҳом Алиев, ўз навбатида, Ўзбекистонга давлат ташрифини мамнуният билан эслади. У Ўзбекистон томонидан озод қилинган ерларда мактаб қурилиши лойиҳаси алоҳида аҳамиятга эга эканини таъкидлади. Озарбайжон раҳбари яқин орада Президент Шавкат Мирзиёевнинг Озарбайжонга ташрифи кутилаётганини таъкидлади.
Суҳбат чоғида Озарбайжон ва Ўзбекистон Қўшилмаслик ҳаракати, Туркий давлатлар ташкилоти ва бошқа халқаро ташкилотлар доирасида самарали ҳамкорлик қилиб келаётгани таъкидланиб, икки томонлама кун тартибидаги долзарб масалалар юзасидан фикр алмашилди.

Azon.uz Ochish/sharhlash

2023-07-06 13:43:02 Иорданиялик муҳандислар Женинни қайта қуриш кампаниясини бошлашди

Иордания муҳандислари ассоциацияси Ғарбий Соҳил бўйидаги Женин шаҳри ва унинг қочқинлар лагерини қайта тиклаш учун маблағ йиғиш кампаниясини бошлашни режалаштирмоқда, деб хабар беради сешанба куни Quds Press.
Бу ҳақда Иордания муҳандислари ассоциацияси раҳбари ва Фаластиндаги қурилиш олий қўмитаси раҳбари, муҳандис Аҳмад Самара Зубийнинг баёнотида айтилади.
Quds Press хабарига кўра, Зубий Олий қўмита душанба куни бошланган Женин шаҳрига юриш чоғида исроиллик босқинчи кучлари вайрон қилган биноларни қайта тиклаш учун маблағ йиғиш кампаниясини ташкил этишни режалаштирганини айтган.
Баёнотда: “Фаластинликлар билан бирдамлик Фаластиндаги Қурилиш Олий Қўмитаси томонидан амалга оширилган бир қатор тадбирларни ўз ичига олади”.
Шу билан бирга, баёнотда айтилишича, Фаластиндаги Қурилиш бўйича Олий қўмита таркибига муҳандислар уюшмаси ва пудратчилар уюшмаси ҳам киради, “фаластинликларни қўллаб-қувватлаш ва уларнинг Исроил ишғолига қаршилик кўрсатишда бор куч-ғайратини аямайди”.
Зубий "араб ва мусулмон халқлари номидан қадр-қиммат учун курашаётган, энг адолатли ишни ҳимоя қилаётган ва энг ёмон террор бирлашмасига қарши курашаётган" Фаластин қаршилик жангчиларини олқишлади.
Azon.uz Ochish/sharhlash

2023-07-06 12:58:02 Швеция: энди Таврот ва Инжилни ҳам ёқишмоқчи

Швеция полицияси диний китобларни ёқиш акцияси бўйича яна уч кишининг талабномасини олганини маълум қилди. Бу ҳақда Local Sweden ахборот портали хабар берган.
“Полицияга диний китобларни ёқиш бўйича яна учта ариза топширилди”, — дейилади хабарда.
Қайд этилишича, аризалардан бирини Стокголмдаги масжидда “имкон қадар тезроқ” Қуръон ёқишни истаган аёл топширган. Иккинчи ариза 15 июл куни Исроил элчихонаси олдида Таврот ва Инжилни йўқ қилмоқчи бўлган одам томонидан берилган. Яна бир фуқаро 12 июл куни Хелсингборг шаҳри ва Швеция жанубида диний матнларни ёқишни режалаштирмоқда. Полицияга берилган барча аризалар ҳали кўриб чиқилмоқда.

Azon.uz Ochish/sharhlash

2023-07-06 12:40:08 Талабларга биноан: яна Наполеон. Тарихчи Ихтиёр Эсонов билан


Ochish/sharhlash

2023-07-06 12:16:39 Дубайда чиқиндилардан энергия ишлаб чиқарувчи завод очилди

Дубайда қиймати 1 миллиард доллардан ортиқ бўлган дунёдаги энг йирик чиқиндилардан энергия ишлаб чиқарувчи завод очилди. Бу ҳақда валиаҳд шаҳзода, амирлик ижроия кенгаши раиси Ҳамдан бин Муҳаммад бин Рошид Ал Мактум маълум қилди.
“Мен Варсан шаҳрида қиймати 4 миллиард БАА дирҳами (тахминан 1,08 миллиард доллар) бўлган дунёдаги энг йирик ва чиқиндилардан энергия ишлаб чиқарувчи завод очилишида иштирок этдим”, — деб ёзади шаҳзода твиттерида.
Дубай валиаҳд шаҳзодасига кўра, станция 220 МВт/соат электр энергияси ишлаб чиқаришга қодир, бу эса 135 минг уй-жойга хизмат кўрсатиш учун етарли бўлади. – Ко рхона йилига 2 миллион тонна чиқиндиларни атроф-муҳитга салбий таъсир кўрсатмасдан қайта ишлашга қодир, – дейди Ҳамдан бин Муҳаммад бин Рашид Ал Мактум.
2021 йилда БАА 2050 йилгача мамлакатнинг углерод нейтраллигига эришишни мақсад қилган Net Zero 2050 стратегик ташаббусини эълон қилди. Ушбу ташаббус тоза энергия манбаларини жорий этишга қаратилган.
Azon.uz Ochish/sharhlash

2023-07-06 11:19:01 Қирғизистонда турмуш қурганларнинг cалкам 40 фоизи бепуштликдан азият чекмоқда

Қирғизистонда турмуш қурганларнинг салкам 40 фоиз эркак ва аёл ёки ҳар иккала жуфтликда ҳам бепуштлик муаммоси бор. Бу ҳақда Қирғизистон Репродуктив саломатлик алянси ижрочи директори Галина Чиркинага таяниб, 24.kg ахборот агентлиги  хабар бермоқда.
Унинг сўзларига кўра, суррогат оналик баъзан ота-она бўлишнинг ягона йўли ҳисобланади.
“Кўпгина мамлакатларда (жумладан, Қирғизистонда ҳам - таҳ.) суррогатлик рухсат этилган амалиёт бўлиб, қонун нормаларида ушбу жараёндаги барча иштирокчиларнинг ҳуқуқ ва мажбуриятлари аниқ-тиниқ кўрсатилган", деди Галина Чиркина.
Аввалроқ қирғизистонлик депутат Дастан Бекешев Қирғизистонда суррогатликни тақиқлаш керакми, деган савол билан чиққанди. Унинг сўзларига кўра, бу бир қатор ривожланган мамлакатларда тақиқланган ва иқтисодиёти ривожланаётган кўпгина эса мамлакатларда рухсат этилган. Камбағал давлатларда кўпинча аёлнинг руҳий ҳолати ҳисобга олинмайди, деб ҳисоблайди депутат.
Эслатиб ўтамиз, динимизда суррогат оналик (эр-хотин эмбриони бегона аёл бачадонига ўтказиш орқали фарзанд кўриш) таъқиқланган бўлиб, шаръан ҳаром амал ҳисобланади (https://t.me/diniysavollar/3404).

azon.uz Ochish/sharhlash