Ovora bo’lib qolamiz Lokatsiya jo'natish uchun telegramga kir | Aziz Rahimov

Ovora bo’lib qolamiz

Lokatsiya jo'natish uchun telegramga kirdim. Kanaldan kelgan xabarga qiziqib bosdim. Bitta xabar ikkinchisiga, keyin boshqa kanalga ulanib, oxiri Youtube bilan tugadi.

Ish quroli, ishdan chalg’itib qoldi. Telegram bir yengil metafora xolos. Ko’p hollarda maqsad qolib instrument bilan ovora bo’lib qolamiz.

Oilamiz yaxshi yashashi uchun ishlaymiz, ishimiz deb oilamizga vaqt ajrata olmaymiz.

Vaqtimni tejasin deb laptop, smartfon olamiz, eng ko’p vaqtimizni shu instrumentlarda isrof qilamiz.

Sog’lom bo’lay deb zalni boshlaymiz, vazn yig’ish uchun sog’liqqa zarar bera boshlaymiz.

Ibodat qilamiz deb dunyoga kelamiz, ibodatga yordam berishi kerak bo’lgan narsalar bilan ovora bo’lib qolamiz.

@azizrakhimov_blog