Халоллик даражаси Халоллик тушунчасини эшитгансиз ва катта эх | Azizaxon

Халоллик даражаси

Халоллик тушунчасини эшитгансиз ва катта эхтимол билан амал қиласиз.
Лекин унинг даражалари борлигини билармидингиз?

Масалан: Иш вақтингиз 9 дан 6 гача, 1 соат тушлик учун. Сиз ишлаётган корхона 8 соат вақтингизни ишхонада ишлаб ўтказишингиз учун пул тўлайди.
Ишлаш билан ишлашнинг фарқи бор. Бор энергиянгизни бериб, қийинроқ бўлса хам яхшироқ қилиб ишлаш ёки шунчаки ўртача ишлаш ёки бўлмасам умуман қўл учида ишлаш сизга хавола. Сиз 8 соат вақт ўтказсангиз бас. Мана шу 3 та хил ишлашдан қай бирини танлаш сизга хавола бўлган пайтда даражанинг қай бирини танлайсиз?
Жавобингизга қараб ўзингизга бахо беринг

Бировнинг хаққи деган тушунча бор-а
Катта эхтимол билан барчамиз биламиз ва бировнинг хаққидан қўрқамиз. Лекин унинг хам даражалари бор
Пешеходда машина бўлмаса хам қизилда ўтмаслик, йўлга нотўғри машина қўйиб унга ноқулайлик тўғдирмаслик, навбатсиз киришга урунмаслик….

Халоллик даражаси бу шундай нарсаки қанча амал қилганингиз сари қадрингиз ошиб боради.
Икки яхши ва ўта яхши йўлдан яхшироғини танлаш
Баланд қоянинг этагига келиб йиқилмайманку деб турмасдан, унинг этагига келмаслик

Мен буни нима учун айтдим биласизми?
Эътибор берган бўлсангиз сиз билан сухбатлашишни жуда ёқтираман, фикрингизни билишга қизиқаман. Шунинг учун ЧАТ гурух очишни истайман, аммо энди очдим деганча бир-бирини алдашга уринганлар, сохта аккаунт орқали тренинга пул олмоқчи бўлганлар, турли туман рекламалар кўпайиб кетади. На илож хамманинг халоллик даражаси турлича

@azizaxontashxodjaeva