Azcity Group

2022-08-31 06:50:09 2022-yil 3-sentabr soat 00:00 dan boshlab Koreyaga kirib keladigan barcha mahalliy va xorijlik yo'lovchilardan covid-19 uchun test ma'lumotnomasi talabi bekor qilinadi

Endi, Koreyaga kelishdan avval test topshirish shart bo'lmaydi.

Koreyaga kelgandan keyin 1 kun ichida (ya'ni kirib kelgan kundan boshlab keyingi kunning ohirigacha) PCR test topshirish tartibi kuchida qoladi.

manba: KBS 뉴스

Eslatib o'tamiz, O'zbekiston, Qozog'iston va Qirgʻizistonga kirishda ham test topshirish shart emas.

@azcitygroup Ochish/sharhlash

2022-08-31 01:30:47 Havo kemasida uchishi mumkin bo'lgan jonivorlar haqida

Havo kemasi sahnida jonivorlarni tashish uchun, yo‘lovchi jonivorni qo‘l yuki uchun belgilangan o‘lchamlardan (uch tomon yig‘indisi= 115 sm, tavsiya etilgan o‘lchamlar 46x28x24 sm) oshmaydigan konteyner bilan ta’minlashi kerak. Konteyner pastki qismi suv o‘tkazmaydigan va changni yutadigan material bilan qoplanishi, eshigi esa qulflanadigan bo‘lishi shart. Jonivorlarni qafasdan chiqarishga yo‘l qo‘yilmaydi.

Quyidagi jonivorlarni kema sahnida tashishga ruxsat etiladi:
mushuk,
kuchuk,
toshbaqa,
parranda,
to'tiqush,
zuluk

Jonivorlar vazni qafas bilan birga 8kg.dan oshmasligi kerak. Aks holda, jonivor yuk bo‘linmasida olib ketiladi. Sayohat uchun kerak bo'ladigan hujjatlar ro'yxatini bilish uchun: 71 215 64 56 (Toshkent)

Agar jonivoringiz bilan sayohat qilishga qaror qilsangiz, bu haqida aviachipta xarid qilish vaqtida ko‘rsatilishi shart ekanligini eslatib o'tamiz.

manba: Uzbekistan Airways

@azcitygroup Ochish/sharhlash

2022-08-25 10:58:02 1-Sentabrdan boshlab aviachiptalar narxi pasayadi

KoreanAir va AsianaAirlines aviakompaniyalari 1-sentabrdan boshlab, yonilg'i uchun qo‘shimcha to‘lovlarni uzoq vaqtdan keyin birinchi marotaba kamaytiradi

Yonilg'i uchun to'lovlar aviachipta qiymatiga qo'shilgani bois, aviachiptalarning narxi ham pasayishi kutilmoqda

Inchon-Toshkent yo'nalishi misolida avgust oyiga nisbatan yonilg'i to'lovining pasayishi:
Korean Air
bir taraf -36 600w
ikki taraf -73 200w

Asiana Airlines
bir taraf -51 400w
ikki taraf -102 800w
Biroq, sentabrdan Asiana Airlines aviachiptalari o'rtacha 30 000 vonga ko‘tarilsada, umumiy xisobda ikki taraf uchun chiptalar taxminan 70 000 vonga arzonlashi kutilmoqda.

Uzbekistan Airways narxlari bo'yicha hozircha yangilik yoʻq

murojaat uchun: @azcitykorea
010-2701-7711

Sahifalarimiz

@azcitygroup Ochish/sharhlash

2022-08-24 05:25:32 ​​Farzand kutayotgan bo'lajak onalarning parvozi haqida

Bo'lajak onalar (임산부) #homila ning:
32-haftasigacha sog'likda (qon bosimi, diabet va boshqalar) muammo bo'lmasa hech qanday hujjatlarsiz parvoz qilishlari mumkin,

32-haftasidan boshlab to 37- haftasigacha uchishdan avval 7 kun ichida olingan tibbiy ma'lumotnoma (Medical Certificate) - havo safari mumkinligi va tug'ilish kutilayotgan sana ko'rsatilgan shifokor ma'lumotnomasi (1 dona asli va 2 dona nuxsasi) ni taqdim qilishlari kerak,

37- haftasidan boshlab ona va bolaning havfsizligini tamilash maqsadida parvozga ruxsat berilmaydi,

Egizak chaqaloqlar kutilayotgan holatda 33- haftasidan boshlab parvozga qo'yilmaydi.

Yuqoridagi qoidalar
AsianaAirlines va KoreanAir'da parvoz qiluvchilar uchundir.

Uzbekistan Airways'da quyidagi shartlarda:
agar homiladorlik muddati 35 haftadan oshmagan boʻlsa, shifokor tomonidan tashuv sanasidan koʻpi bilan 7 kun oldin imzolangan tibbiy sertifikat mavjud boʻlganda;
agar egizaklar tugʻilishi moʻljal qilinayotgan boʻlsa, tashuv sanasida homiladorlik muddati 32 haftadan oshmasligi kerak;
agar homiladorlik muddati 35 haftadan oshsa, faqatgina aviakompaniya tibbiy xizmati roziligi bilan va shifokor yoki tibbiyot xodimi kuzatuvi ostida tashuvga ruxsat etiladi.

Mutaxassislar homiladorlikning dastlabki 3 oyigacha va homiladorlikning 36 xaftasidan keyin havo safarlaridan qochishni tavsiya qiladi.

Yangi tug'ilgan chaqaloqlarni 7 kunlik bo'lgandan boshlab parvozga ruxsat etiladi.

@azcitygroup Ochish/sharhlash

2022-08-22 09:13:53 Uzbekistan Airways'ni xususiylashtirish jarayoni boshlandi

Uzbekistan Airways 50 dan ortiq yo‘nalishlarda, Yevropa, Osiyo va Shimoliy Amerika mamlakatlariga muntazam reyslarni amalga oshiradi. Aviakompaniya vakolatxonalari 20 dan ortiq shaharda faoliyat ko‘rsatadi.

Kompaniya asosiy faoliyatidan tashqari, Uzbekistan airways'ga tegishli:
"Uzbekistan Airways Technics" MCHJ (havo kemalariga texnik xizmat ko‘rsatish),
"Uzbekistan Helicopters" MCHJ (maxsus aviatsiya),
"O‘quv-mashg'ulot markazi" MCHJ (ta’lim faoliyati),
"Ketring" MCHJ (bort uchun oziq-ovqatlar yetkazish)
kabi tarkibiy korxonalari mavjud.

2021-yil yakuniga ko‘ra kompaniya 6,3 trln so‘m miqdoridagi sof tushumga, 53,7 mlrd so‘m miqdoridagi sof foydaga, 4,2 trln so‘m miqdoridagi ustav kapitaliga ega.

manba: Kun.Uz

@azcitygroup Ochish/sharhlash

2022-08-22 08:57:57 #vizasiz #sayohat

Endilikda O'zbeksiton va Qozog'iston vatandoshlari Tailandda 30 kun vizasiz qolishi mumkin.

Tailand hukumatining 19-avgustdagi qaroriga muvofiq, O'zbekiston va Qozog'iston vatandoshlari Tailandda 15 kun o'rniga 30 kun qolishi mumkin. Bu haqida "Bangkok Post" xabar bergan.

Amaldagi qoidalarga ko'ra, Tailandga kirish uchun koronavirusga qarshi emlanganlik sertifikati, yoki 72 soat ichida topshirilgan PCR testini taqdim qilinishi kerak.

manba: Qalampir.uz

@azcitygroup Ochish/sharhlash

2022-08-19 05:35:59 ​​#qizilpasport #zagran #pasport

Xorijga chiqish pasportini endi olganlar uchun eslatma

"Qizil" pasport olgandan keyin, Koreyadagi o'zingiz yashaydigan manzildagi migratsiya ofisiga borib, pasportingiz yangilanganini ma'lum qilishingiz va ID-kartangizni ham yangilab olishingiz kerak bo'ladi.

Yangi pasport olgandan keyin ID-kartani yangilash muddati:

O'zbekistondan olib kelgan bo'lsangiz- Koreyaga kirib kelgan kundan boshlab qoida bo'yicha 15 kun ichida yangilanishi kerak, (ammo agar Koreyaga kirib kelishda Inchon aeroportida yangi pasport bilan ro'yxatdan o'tib kirsangiz 15 kundan o'tsa ham jarimasi chiqmasada, tezroq yangilab olish tavsiya qilinadi),

Koreyadagi O'zbekiston elchixonasi orqali olgan bo'lsangiz- pasportda yozilgan "berilgan sanasi" dan boshlab 45 kun ichida yangilanishi kerak.

Muddatidan o'tib ketsa migratsiya idorasi tomonidan jarimaga tortilishi mumkin.

kartani almashtirishda kerakli xujjatlar: 
Yangi pasport,
ID-karta,
To'lov (30.000w).

Migratsiya hodimiga agar tayyor bo'lsa manzilingizga pochtadan yuborishini aytsangiz bo'ladi, pochta to'lovi alohida (4000w).

@azcitygroup | azcity Ochish/sharhlash

2022-08-19 00:00:38 ​​Toshkent aeroportida terminallararo bepul avtobus qatnovi yoʻlga qoʻyildi

Toshkent aeroportining mahalliy va xalqaro aviaqatnov terminallari oʻrtasida avtobus qatnovi yoʻlga qoʻyildi. UzPort stikerli avtobus har kuni soat 05.00 dan 23.30 gacha xizmat ko'rsatadi.

«Biz yo‘lovchilardan terminallarni bir-biriga bog'lash bilan bog'liq ko‘plab murojaatlar oldik. Yo'lovchilar ayrim hollarda terminallarda adashtirib noto'g'ri terminalga kelishadi. Shahardagi terminallar orasidagi masofa taxminan 4 km. Tezkor usul — taksidan foydalanish, ammo taksi narxi har doim ham barcha toifadagi fuqarolar uchun maqbul emas. Ushbu vaziyatni inobatga olgan holda, Uzbekistan Airports terminallararo qatnovchi avtobusni test rejimida yo‘lga qo‘yishga qaror qildi», — deya izox berdi boshqaruv kompaniyasi matbuot xizmati.

Terminallararo transport har soatda jadvalga muvofiq harakatlanadi. Xalqaro aviakoqatnovlar terminalida avtobus jo'nab ketish zali yonidagi to'xtash joyida avtobuslar uchun ajratilgan yo'lak bo'ylab harakatlanadi, mahalliy terminalda esa kirish eshigi yonigacha boradi. Avtobus xizmatlaridan hamma barcha hohlovchilar mutlaqo bepul foydalanishi mumkin.

Uzbekistan Airports

@azcitygroup Ochish/sharhlash

2022-08-19 00:00:37 Ochish/sharhlash

2022-08-17 11:54:06 ​​​​Toshkent aeroportiga bagajlar uchun yangi yuk aravachalari keldi

Toshkent xalqaro aeroporti Germaniyaning Wanzl kompaniyasi tomonidan ishlab chiqarilgan 1000 ta yangi bagaj aravalarini qabul qilib oldi. Bugungi kunda uchib ketish va uchib kelish zallariga kerakli miqdorda yuk aravachalari yetkazildi.

Eslatib o‘tamiz, bir oy oldin Toshkent aeroportida yuk aravachalari bilan bog‘liq qiyin vaziyat yuzaga kelgan edi.

Ayni paytda “Toshkent” aeroporti o‘z bagaj aravachalari bilan to‘liq ta’minlangan bo‘lib, ulardan foydalanish yo‘lovchilar uchun mutlaqo bepul. Yaqin kunlarda barcha hududiy aeroportlarga yangi xizmat ko‘rsatish aravachalari ham keltiriladi.

Uzbekistan Airports

@azcitygroup Ochish/sharhlash