2022-07-22 20:04:07
#Эълон
Ҳурматли телеграм каналим аъзолари! Ҳозирда кинода ишлаётганим сабабли китобларим чоп этилмаяпти. Янги китоблар режа-лойиҳалари 33 тага етган. Шу 33 та китобни тўлиқ ёзиб тугатиш ўртача беш йил вақт талаб қилади. Яъни ҳар йили ўртача 5-6 та янги китоб нашр этилади. Уларнинг гонорарлари 12 ойга бўлиб чиқилса, ойига 2-3 миллион сўмдан тушади. Маълумки, Ўзбекистон шароитида бундай пул билан яшаш қийин. Электрон китоб дўконим бор эди. Бироқ баъзилар муаллиф ҳам китоб сотадими деб эътироз билдиришгач, электрон китоб дўкони фаолиятини тўхтатдим. Электрон китоб дўконида бир ойда 80 минг сўмдан 120 минг сўмгача савдо бўлган. Бу ҳеч нарса дегани. Ҳозирда телеграм каналим аъзоларига бепул юборилмоқда. Яқин ойлар ичида бу муаммолар ҳал қилинса, деярли тайёр ҳолга келтирилган "Тошкент бўриси" ва "Қил устидаги тақдир-7" нашр этилади. Кўплаб китобхонлар нега кинога ўтиб кетдингиз, янги китобларни қачон чиқарасиз деб сўрашади. Виждоним қийналади, албатта. Бироқ бугунги замонда бадиий ижодга ҳеч қанақасига йўл топиб бўлмаяпти. 44 та китобим чоп этилгач, уч йил аввал ҳаммаси тўхтатилган. Шундай бўлса-да, нашриёт ва газеталар билан яна бир бор музокаралар олиб бораман. "Тошкент бўриси", "Қил устидаги тақдир-7", "Кундошлар", "Дилдорага сўнгги мактубим", "Тутқунлик", "Афв", "Қўрғон", "Даҳшат дарасининг маликаси", "Арвоҳ кўзгуси", "Кукун", "Йигирманчи асрдаги муҳаббат" номли детектив, мистика, саргузашт, триллер жанрларидаги китобларим нашр этилишига йўл очилиши мумкин.
Телеграм @azamat_qorjovov77
959 viewsedited 17:04