AYOL QALBI | АЁЛ ҚАЛБИ

2022-09-01 19:26:07 ОҒРИҚЛИ МАВЗУ

Тўрт етимнинг бошин силай оласизми?
Тўрт йўқсилни уйли қила оласизми?
Тўрт ғарибни кўнглин чоғлай оласизми?
Шариатда рухсат бор деб тўрттасига.

Суннат фақат хотин сонин орттиришми?
Ўз жуфтингиз кўз ёшларга ботиришми?
Ўғилларга ёмон ўрнак қолдиришми?
Шариатда рухсат бор деб тўрттасига.

Мусулмонлик фақат хотин олгунчами?
Мол дунё куч қудрат кетиб қолгунчами?
Савобингиз учта ошиқ хотинчами?
Шариатда рухсат бор деб тўрттасига.

Рўза, хажу, эхсон суннат эмасмикин,
Иймонли қалб ўзи жаннат эмасмикин,
Топганингиз фақат нафрат эмасмикин?
Шариатда рухсат бор деб тўрттасига.

Дунёсидан кечиб яшанг дабдабасиз,
Дўст яқинга ёрдам беринг бир таъмасиз,
Фақат оғиз тўлдирганча тамшанасиз,
Шариатда рухсат бор деб тўрттасига.

Менга эмас бандасига бахо бериш,
Шу сўзларни кўп ишлатар таниш билиш,
Ҳалолингиз юрагига санчиманг ниш,
Шариатда рухсат бор деб тўрттасига.

ШАҲНОЗА  РЎЗИЕВ

@ayolqalbi_uz Ochish/sharhlash

2022-09-01 12:28:48 Ochish/sharhlash

2022-09-01 12:28:18 Қани бугун рақс тушамизми? Бошладик! СИЗ учун Озодбек Назарбеков ташриф буюрдилар!

@ayolqalbi_uz Ochish/sharhlash

2022-09-01 12:17:57 Аёлимизга лутф кўрсатайлик .

АБДУЛЛОҲ ДОМЛА


@ayolqalbi_uz Ochish/sharhlash

2022-09-01 11:03:40 Алишер Файз - Аразлади

@ayolqalbi_uz Ochish/sharhlash

2022-09-01 07:02:39 Бахт қасри калитлари #

— Гоҳ-гоҳида жуфти ҳалолингиздан оз муддатга ғоиб бўлишингиз эр-хотинлик алоқалари янада қувватланишига ёрдам беради. Узоқ муддат ғоиб бўлиш эса, оилавий ҳаётнинг бузилишига олиб келади;
— Эр-хотин орасида келиб чиққан ҳар қандай можаро келаси кунга ўтиб кетмаслиги лозим;
— Ўтмишда қолган тажрибаларни ёки бошқа бир аёл ёки келинга боғлиқ ўтмишларни мисол қилиб айтавермаслик керак;
— Идеаллик талаб қилишдан узоқ бўлинг. Ҳаётингизда мўжизалар рўй беришини кутиб яшаманг;
— Ҳар фурсат топилганида рафиқангизга муҳаббатингизни изҳор қилаверинг;
— Ўткир танқидлар, нишли гаплар эр-хотинлик ҳаётини барбод қилишини унутманг;
— Ўртадаги можаро, келишмовчиликларни тор доирада ҳал қилиб олинг, кенгайиб кетишига йўл қўйманг. Доим муаммонинг жиловини қўлингизга олинг;
— Ҳаддан зиёд рашқ, шак-шубҳа ҳаётни бузади. Ҳурматли эр-хотин, ўзаро муомалангизни гумонлар ва ўй-хаёллар устига барпо қилманг

@ayolqalbi_uz Ochish/sharhlash

2022-09-01 07:00:32 ​​ Чора

Ҳаммаси ишхонага янги ходима келганидан бошланди. Йигитали оилалик эркак, иккита қизалоғи бор. Азиза ҳам оилалик экан, унда ҳам иккита қиз. Суҳбат шундан бошланди. Кейин бирга тушлик қилишлар. Хуллас, шайтон йўлдан уриб, энди телефондаги мулоқотлар ҳам жозибали туюла бошлади...
Биров сезиб, биров сезмай, иблис чиройли, ёқимли кўрсатадиган найранглар ичида яшай бошладилар...
Аввал Азизанинг эри сезди, қаттиқроқ сиқувга олганди, отасининг уйига кетиб қолди.
Энди у янаям эркин эди...

Кечгача касал қайнона-қайнота,  хизматида, келди-кетди меҳмонлар ичида  иккита гўдак қизалоғи тарбияси билан овора Йигиталининг аёли ҳам эридаги ўзгаришни сезмай қолмади.
Онасининг қон босими бор,  қайнона-қайнотасига айтса, барибир ўзининг боласи томон бўлиши аниқ.

Нафосат отасига қўнғироқ қилиб ҳолироқ жойда учрашишни илтимос қилди. Дадаси қизи яхши кўрадиган кафени танлади. Невара қизларини ҳам олиб келишини тайинлади.
Қизи деярли ҳеч нарса емади. Ичидан тўкилиб ўтирган ота сиртида ҳеч нарсани сездирмади.
Икки марта ташқарига чиқиб келди. Нафосат сезди, отаси тамаки чекяпди...
— Ҳозироқ уйга кетамиз. Шу ердан.
— Дада, эримни яхши кўраман,—ҳиқиллади аёл
—Шунинг учун ҳам мен билан кетасан!
Ноилож отасига эргашди.
Ҳаммасини эшитган касал қудалари келди олиб кетгани, отаси бермади. Орадан бир хафта ўтгач отаси куёвини уйга чақирди.
Дарвозадан отасини кўрган қўғирчоқдек қизалоқлар югуриб  бағрига отилди...

Меҳмонхонада отаси, Нафосат ва куёв қолди.
—Энди, гап бундоқ. Ҳозир қизимнинг талоғини бериб кетасиз. Иддаси тугаса, узатмоқчиман. Қалин оғайнимнинг  ўғли бор бефарзандликдан ажрашган экан. Сизни шунга чақирдим!

Нафосат отасига қараб, анқайиб қолди, куёвнинг ранги оқарди. Ич-ичини бир нима куйдириб ўтди.

—Ошни сузинглар, меҳмонимиз еб кетсин, —деди отаси деразадан ташқарига қараб
— Дада, менинг ажрашадиган хотиним йўқ, қизларимни ҳам бегонага беролмайман, тавба қилдим, —деди куёви ерга қараб.
Таом келди.
— Ошга қаранг, болам— деди отаси. Қайнотасининг яна аввалгидек болам деб чақиргани музокара яхшилик билан тугаганини англатарди. Йигитали енгил хўрсинди.
Эр-хотин ухлаб қолган қизалоқларни битта-битта кўтариб машинага олиб чиққанларида тун ярим бўлганди
—Боя дадам сени узатаман деганларида юрагим ўртаниб кетди,—деди эри секин аёлиниг қўлини ушлаб. Нафосатнинг юзига икки томчи қайноқ ёш томди, аммо қўлини тортиб олмади

Йигитали эртасигаёқ бошқа бўлимга ишга ўтиб кетди, 
Аммо  аёлнинг хиёнати кечирилмайдиган миллатда Азизанинг эри ҳам хотинини кечирмади.
Оқибатда тирик етимларга тўлиб кетган жамиятга бир бева аёл ва яна иккита қизалоқ кўнгли ярим номи билан кириб келди...
Феруза  Салходжаева

@ayolqalbi_uz Ochish/sharhlash

2022-09-01 05:55:07 ҚАЙНОНАЛАР НИМА ҚИЛИШЛАРИ КЕРАК?

1. Қайнона келинини қизидек кўрсин. Ўз қизига қандай муомала қилса, келинига ҳам шундай муомалада бўлсин. Бу – қайтар дунё. Қилганимиз эртами-кечми, барибир ўзимизга қайтади.
Қайнона келинга “қизим” деса, уни ҳақиқатан қизидек кўрса, келин ҳам уни ўз онасидек суйиб ардоқлайди.
Келин хато қилганда, қайнона ўйлаши керак: “Бу хатони қизим содир этса, нима қилардим?” Табиийки, виждони шундай жавоб беради: “Бир оз ҳажлим чиқсаям, уни кечирган бўлардим. Келиним ҳам қизим ўрнида экан, қизимнинг нуқсон-камчиликларига қандай сабр қилсам, келинимнинг ҳам хатоларига шундай сабр этишим лозим”.

2. Қайнона ўзининг келинлик дамларини эсласин, янги ҳаёт бошлаётганда тортган қийинчиликларини унутмасин. Айни машаққатларни келини ҳам бошидан ўтказаётганини идрок этиб, унга қўлидан келган ёрдамини берсин.

3. Қайнона келинининг яхши муносабатларини фарқлаши, тақдирлаши, кўнглини кўтариб қўйиши ҳам керак. Яхши иш қилганида, “Офарин!”, “Шуни яхши ўйлабсиз!” дейиш унчалик қийин эмас.

4. Келиннинг хато-камчиликларини бошқалар олдида айтманг. У йўғида қариндош-уруғ, қўни-
қўшниларга ёмонламанг, келинингизни ғийбат қилманг. Унутманг: ўттиз икки тиш орасидан чиққан гап ўттиз икки маҳалллага достон бўлади.
Сиз келинни ёмонлаганингиз билан унинг хатолари камайиб қолмайди. Қайтага сиз билан орадаги ришта мўртлашиши, ҳатто узилиши ҳам мумкин. Чунки ҳеч ким бегоналар олдида изза бўлишни хоҳламайди.
Келиннинг хатоларини маҳаллага ёйишдан нима наф? Бу нарса кимга фойда келтиради? Бундай вазиятда келиннинг кўнгли совий бошлайди. Уям қайнонасининг камчиликларини бўрттириб айтишга киришади. Агар орага бир қўшмачи аралашса, тамом деяверинг. Бирни икки, ўнни йигирма қилиб гап етказади, оқибатда қайнона билан келин орасидан ола мушук ўтади.
Бахтли ҳаёт кечиришни истаган қайнона келинини одамларга ёмонламайди, унинг яхши томонларини айтади, келинидан розилигини билдиради.

5. Қайнона келиннинг ҳар битта ишига аралашиб, ҳамма нарсани ўзи айтганидек қилишни талаб этмасин. Фақат сўралганда, фикрини айтсин, маслаҳат берсин. “Мен ҳамма нарсани биламан, келинимнинг ақли ҳеч балога етмайди, ўғлим эса тушунмайди”, деб ўйлаган қайнона янглишади.
Қайноналар услуби “Қизим сенга айтаман, келиним сен эшит” қабилида бўлсин. Бунинг учун: “Қаранг, қизим, бу ишни хато қилдингиз. Бундай бўлмайди. Тўғриси мана шундай”, деб суҳбат давомида жойига қўйиб, “Мен янги келинлигимда...” деб ўзидан мисол келтириб гапирса, таъсирчан чиқади.

6. Қайнона келинни ота-онасидан, яқинларидан ажратишга ҳаракат қилмасин. Аксинча, қудалар
билан ришталарни боғлашга тарғиб этсин.

7. Келинга зуғум ўтказиб, бошида ёнғоқ чақаётган қайнона айни пайтда ўғлига ҳам жавр қилаётганини унутмасин. Чунки бундай пайтда ўғил онаси билан хотини орасида қолиб эзилади, она меҳри билан хотин севгиси ўртасида юраги тилка пора бўлади. Бу билан қайнона келинига ёмон кўрингани, ўғлини қийнагани қолади.

@ayolqalbi_uz Ochish/sharhlash

2022-09-01 05:53:54 ХУШМУОМАЛА БЎЛАЙЛИК!

Аллоҳ субҳанаҳу ва таоло бизга хушмуомала бўлишни буюрган. Ким бўлишидан қатъи назар – мусулмонми, ғайримусулмонми, кофирми, мушрикми – ҳеч кимга ёмон муомала қилишга буюрилмаганмиз. Бунинг учун эса ўз-ўзини бошқара олишни ўрганишимиз керак. Ғазаб келганида бировнинг кўнглини оғритиб қўйиш ёмон нарса. Кўнгил жуда нозик нарса. У бир суяк эмаски, синиб қолса, мўмиё билан тиклаб олсак. Шунинг учун муомалани чиройли қилишимиз керак. 

Аллоҳ субҳанаҳу ва таоло Қуръони Каримда Мусо алайҳиссалом ва у зотнинг акалари Ҳорун алайҳиссаломларга шундай дейди: «Икковингиз Фиръавнга боринглар. У ҳаддидан ошди. Аммо унга юмшоқ гапиринглар, шояд ибрат олиб, ўзига келса».

Биз ҳар қанча яхши бўлмайлик, Мусо ва Ҳорун алайҳимассаломдан афзал бўла олмаймиз. Биз ёмон кўрган одам ҳар қанча фожир бўлмасин, Фиръавндан ёмон бўла олмайди. Шундай экан, нима учун ҳазрати Мусо, ҳазрати Ҳорундек зотлар Фиръавнга юмшоқ муомала қилишга буюрилганда биз бир биродаримизга, жуфтимизга, фарзандларимизга юмшоқ муомала қилолмаймиз?

Баъзиларимиз турмушдан қайтиб келган қизимизга ҳам юмшоқ муомала қилолмаймиз. Ҳолбуки динимизда турмуши бўлмай, қайтиб келган қизга шафқат қилган оталарга алоҳида ажр-мукофотлар ваъда қилинган. 

Пайғамбар алайҳиссалом айтадилар: «Мен бир кун туш кўрдим. Тушимда жаннатда юрибман. Жаннатда юрсам, бир овоз келяпти, кимдир баланд овозда Қуръон ўқияпти. «Ким бу?» десам, «Ҳориса ибн Нуъмон» дейишди. Шунда мен «Яхшиликнинг мукофоти ана шундай бўлади», дедим». Шунда «Эй Аллоҳнинг Расули! Нима учун яхшиликнинг мукофоти ана шундай бўлади, дедингиз?» деб сўрашди. У зот алайҳиссалом: «Ҳорис онага яхшилик қилиш бўйича ҳаммадан афзал ўғил эди», дедилар. 

Демак, онага яхшилик қилиш жаннатдаги улуғ даражотларга етказувчи ибодат экан.

Аллоҳ субҳанаҳу ва таоло барчамизга хуш ахлоқ ато этиб, жаннатда улуғ даражотлар насиб айласин!

Саййид Раҳматуллоҳ ТЕРМИЗИЙ


@ayolqalbi_uz Ochish/sharhlash

2022-09-01 05:52:50 Аёлни алдаманг! Хиёнат килманг!

Аёлни алдаманг! Хиёнат қилманг!
У сизни алдаса ёмон бўлади,
Ишончига киргач жиноят қилманг,
Номарднинг устози хайвон бўлади.

Аёлни алдаманг! У сизни севиб,
Жонининг учида эхтиёт қилиб,
Битта ёлгон билан қолмасин совиб,
Атиргул багрида тикон бўлади.

Аёлни алдаманг! У она, у ёр,
У мехрибон сингил, опа вафодор,
Унга зигирчалик бермангиз озор,
Покиза номлари харом бўлади.

Аёлни алдаманг! Уни авайланг,
Ахир у сиз учун яшайди ўйланг,
Нозиккина гулни сўлдириб қўйманг,
Ким унга сизчалик қалқон бўлади.

Аёлни алдаманг! Эркаксиз ахир!
Номусин тепкилаб кўрсатманг қахр,
Ёнингизда унинг борлиги бахтдир,
Нодоннинг шериги шайтон бўлади.

Аёлни алдаманг! Севмасангиз хам,
Тўгрисини айтинг у хам бир одам,
Аммо ёлгон билан жонин қийнаманг,
Сизни деб гул умри хазон бўлади...!

Аёл нега йигламасин, хиёнат кўрса,
Зор бўлиб мехрга, паришон юрса,
Аёл нега йигламасин, кўзларин силаб,
Бошида эр эмас, бир алкаш турса.

Аёл нега йигламасин, бўлмаса бола,
Хар куни қон ютиб, чексалар нола.
Аёл нега йигламасин, фарзанд догида,
Осмони губорли, ёгсалар жaла.

Биз нега йиглаймиз, билинг эркаклар,
Хаётимиз ўйнатиб, қилманг эрмаклар.
Аёл хам Худонинг бир ожизаси,
Эркакка бахш бўлган, хур муъжизаси...



@ayolqalbi_uz Ochish/sharhlash