#ибрат
Болангизни қучоқлаб туринг,
Токи туйсин меҳр нелигин,
Одамийлик, сеҳр нелигин,
Болангизни қучоқлаб туринг.
Юраги тош бўлиб ўсмасин,
Аламларга тўлиб ўсмасин,
Қалби кемтик, сўлиб ўсмасин,
Болангизни қучоқлаб туринг.
Шавқати йўқ ўшал қотиллар,
Жаҳолатга ботган ботиллар,
Меҳр кўрмай улғайган улар,
Болангизни қучоқлаб туринг.
Юрагида нафрат бўлмасин,
Армонлару ҳасрат бўлмасин,
Жоҳиллигу ғафлат бўлмасин,
Болангизни қучоқлаб туринг.
http://t.me/ZiZuXaan
