Bachadon tonusi oshishi homiladorlik davridagi patologiya bo’lib, u miometriy mushaklarining, ya’ni bachadonning mushak qatlamining uzoq muddatli kuchlanishida namoyon bo’ladi.
O’z-o’zidan, bu patologiya kasallik deb hisoblanmaydi, ammo mushaklar tonusi oshishi homiladorlikni erta to’xtatilishiga yoki erta tug’ilishga sabab bo’lganligi uchun xavfli hisoblanadi.
Mushaklarning haddan tashqari spazmi homiladorlikning rivojlanishiga juda salbiy ta’sir qiladi:embrionning endometriyga yopishishi qiyinlashadi;
normal yo’ldosh shakllanishida qiyinchiliklar paydo bo’ladi;
yo’ldoshning yoki uning qismining ko’chish xavfi rivojlanadi;
qon tomirlari siqiladi va homila yetarli kislorod ololmaydi, gipoksiya rivojlanadi;
ko’pincha bachadon tonusi yuqoriligi homila rivojlanishining kechikishi va turli xil anormalliklarning sababi bo’ladi.
Miyometriy mushaklarining kuchlanishining asosiy belgilari quyidagilardan iborat:qorinning pastki qismida kuchlanish hissi;
qorinning pastki va pastki orqa qismida hayz paytida bo’lgani kabi og’riqli hislar;
homiladorlikning ikkinchi yarmida qorin qattiqlashishi, xuddi «tosh»dek qotishi;
homiladorlikning ikkinchi yarmida gipertoniklikni vizual ravishda ajratish mumkin.
Ko’pincha quyidagi omillar ushbu patologiya yuzaga kelishiga sababchilar hisoblanadi:homiladorlik davridagi gormonal buzilishlar;
ayol tanasi ba’zi hollarda homilani xavfli begona jism sifatida bilishi va uni rad etishga intilishi;
bachadonning nostandart tuzilishi;
ginekologik kasalliklar: endometrioz, mioma, tuxumdon kistalari;
ayolning ruhiy-psixologik holati:
charchoq, uyqusizlik, stress;
avval o’tkazilgan abortlar, bachadondagi jarrohlik amaliyotlari;
magniy yetishmasligi;
homiladorlik davri oralig’ining kamligi;
zararli odatlar va noto’g’ri turmush tarzi.
Davolash shifokor nazorati ostida sabablarini oʻrgangan holda amalga oshiriladi.Manba: lalu.uz
Sizda homiladorlik davrida bunday holat boʻlganmi? Ayollar Maktabi —
Barchasi ayollar uchun!
