Икки кундан бери ёзмаяпман. Қишлоқдамиз, интернет муаммо эмас, лекин вақт бўлмади. Бугун эса негадир Али билан биринчи учрашувимиз ҳақида ёзгим келди.
Рамазон ҳайити куни, туғилган кунимга бир кун қолганда, тонгги чамаси 4:10 эди. Бир суткалик оғриқлардан сўнг, энди кучим етмайди нима қиламан деган хаёл ўтди-ю, шундай бағримга иссиққина Алини қўйишди.
Биринчи айтган гапим, бўлдими туғилдими, бўлган.
Нима дейишимни билмай ма Шаа Аллоҳ дебман, кейин тинмай алҳамдулиллаҳ дедим,
Ўзим тушунмайдиган ғалати ҳислар қуршаб олгани учун ростдан мени боламми, деб сўрагандим. Эмоционал ҳолатимни тушунмай врачни шунақа жаҳли чиққааан. :)
Ҳозир эсласам, ростдан шу менмидим, ростдан шу йўлни, оғриқларни бошдан ўткиздимми деб ҳайрон қоламан.
Кундан-кун шунчаки катта бўлаётган эмас, улғаяётган Алийимга қараб туриб шуларни эсладим, ёздим.
Сизда фарзандингиз, айниқса биринчи фарзандингиз билан илк учрашувда қандай ҳислар бўлган, нима бўлган албатта ёзиб қолдиринг, эслашамиз
Аёллар Мактаби — Барчаси аёллар учун!
